Нэгдсэн Үндэстний Байгууллагын энхийг сахиулах ажиллагааны бэлэн байдлын үзлэгийг Монгол Улсын Зэвсэгт хүчин амжилттай дуусгалаа. АНУ-ын Аюулгүй байдлын хүчний туслах тавдугаар бригадын хувьд монгол цэргүүдтэй хамтран үзлэгийн өмнө энхийг сахиулах чадавхийг дээшлүүлэхийн тулд эмнэлгийн тусламж үзүүлэх, миномётын болон сайжруулсан тэсрэх бөмбөгийг идэвхигүй болгох сургалтуудыг явуулсан юм. Энэ сургалтын дараа АНУ-ын талаас "Нэгдсэн Үндэстний Байгууллагын энхийг сахиулах цаашдын үйл ажиллагаанд оролцох бэлтгэл ханган ажиллаж буй Монгол Улсын Зэвсэгт хүчний хүчин чармайлтыг АНУ дэмжсээр хэвээр байх болно" хэмээжээ. 

Б.Жаргал