Реппер, ая зохиогч, продюсер Lil Thug E буюу Г.Төгөлдөр цусны цочмог хорт хавдартай болох нь оношлогдож, өдгөө эмлүүлж буй. Монголд эмчлэгдэх боломжгүй бөгөөд маш яаралтайгаар чөмөг шилжүүлэн суулгах мэс засал хийлгэх шаардлагатай болсон юм. Түүний эмчилгээний зардалд зориулж хандивын олон аян өрнүүлж байна. “Score Lounge”-ийн зүгээс “Боруссиа Дортмурд” багийн бүх тоглогчийн гарын үсэгтэй өмсгөл болон ороолтыг дуудлага худалдаанд оруулна гэв. Дуудлага худалдааны эхний үнэ 250.000 төгрөг бөгөөд маргааш 20:00 цаг хүртэл зохион байгуулах юм байна. Олсон ашгийг Г.Төгөлдөрийн эмчилгээний зардалд зарцуулах юм.