Төрсөн эцэг нь хоёр настай хүүхдээ хүчирхийлсэн асуудлаар хохирогчийн ээж мэдээлэл өглөө.

Тэрбээр “Уг хэрэг охиныхоо дүүг төрүүлэх гээд эмнэлэгт хэвтчихсэн байх үе буюу 2019 оны арваннэгдүгээр сарын 22-оос арванхоёрдугаар сарын 9 хүртэл хугацаанд болсон юм. Улмаар охиныг минь хөдөө явуулчихсан байсан учраас тухайн үед эмнэлгээс гарч ирээд асуудлыг мэдээгүй. Шулуун гэдэс, үтрээг нь дагаад байнгын хатги шавдаг байсан.

Эцэг нь өөрөө их асуудалтай. Тиймээс эцгийнх нь бузар үрд нь наалдаад байна уу даа гэж бодсон чинь охин маань 2020 оны наймдугаар сарын 25-ны өдөр анх ярьсан. Би юм оёод сууж байтал “ээж ээ, аав миний бөгсийг ингээд байсан” гэхээр нь эхлээд тоогоогүй. Дараа нь “ээж ээ, аав дотуур хувцсаа тайлаад миний бөгсийг ингээд байсан” гэхээр нь палхийгээд шууд бичлэг хийж авсан.

Охин минь одоог хүртэл ярьдаг. Охины минь асуудалд ажилласан бүх хүмүүс худалдагдсан гэж боддог. Хүн бай, шударга бай л гэж хэлмээр байна. Удахгүй хөөн хэлэлцэх хугацаа нь дуусна. Хэд хлнлгийн өмнө өмгөөлөгчтэйгөө ярихад цагдаа шалгаж байгаа л гээд байна. Энэ хугацаанд гурван прокурор, хоёр мөрдөгч солигдлоо. Яагаад солигдоод байдагт гайхаж байна. Уг нь нотлох баримт хангалттай бий шүү дээ.

Охин ингэж ярьж байна гэхэд тэр адгуус “Чи хүүхдийн үгээр үг хийлээ. Чи өөрөө буруутан болно шүү” гэж хэлсэн.

Үүнээс хэсэг хугацааны охин дахин ярьж эхэлсэн. Улмаар хөдөө байсан. Тухайн газрынхаа цагдаад дуудаж, эмэгтэйчүүдийн эмнэлэг, шүүх эмнэлэгт үзүүлэхэд эмэгтэйчүүдийн эмч “3 настай хүүхдийг бэлэг эрхтэн биш байна” гэж хэлсэн. Бэлэг эрхтэн дотор урагдалтай байна гэсэн. Тухайн үед яриаг нь бичлэг хийж авах ухаан байгаагүй, самуурчихсан явж байсан юм.

Тэгсэн шүүх эмнэлгийн эмч “Хуруугаа оруулсан байна. Охин хальс урагдалтай байна” гэсэн. Дараа нь цар тахал гарсан. Хөөцөлдөж чадаагүй. Энэ муу мөнгөгүй болохоор яадаг юм гэсэн байртай байгаа юм.

Энэ хугацаанд охины аавыг цагдан хориогүй. Эрх чөлөөтэй яваа. Холбогдох хүмүүс чимээгүй явж байгаад хөөн хэлэцэх хугацааг нь дуусгаад хэргийг хаах сонирхолтой байна. Энэ үйл явдал охины минь сэтгэхүйд ихээхэн нөлөөлсөн. Дүү нь дотуур хувцсаа тайлчихсан явж байхад заримдаа дүүдээ тийм үйлдэл гаргах гээд байдаг. Тэр хүүхдийн сэтгэхүйд юм орчихсон, суучихсан байна. “Аав муухай, намайг өвтгөсөн” гээд л өчнөөн зүйл ярина.

Би тэр хүнийг үнэхээр амьдруулмааргүй байна. Хэрэв тэгэхдээ тулбал би шоронд орно. Миний хүүхдийг хэдий ах дүү байсан ч хэн ч ээж шиг нь хайрлахгүй. Тиймээс яаж ч чадахгүй байна. Шүүх эмнэлэг хүртэл хоёр удаа худал дүгнэлт гаргасан" гэлээ. 

А.Сүх