Сүүлийн үед иргэдээс шатахууны үнийн өсөлт, чанар стандарттай холбоотой гомдол мэдээлэл Монголын шатахуун хэрэглэгчдийн холбоонд ирсэнтэй холбоотой ковидийн үеийн шатахууны үнийн өсөлт, чанар стандартад хяналт тавьж ажиллажээ. Хэрэглэгчдэд чанаргүй шатахуун түгээгдэж байгаа талаар ингэж тайлбарлалаа.

Монголын шатахуун хэрэглэгчдийн холбоо: “Бензиний үнэ өнгөрсөн 11 дүгээр сарын 22-оос эхлэн  огцом нэмэгдсэн. Харин төрийн зүгээс энэ тал дээр байнгын хяналт шалгалтыг явуулдаггүй. Улмаар хотруу гарал үүсэл тодорхойгүй бензин хэрэглэгчдийн гарт очсоор байна. Өнгөрсөн нэг жилийн хугацаанд Монголын шатахуун хэрэглэгчдийн холбоо энэ асуудлаар импортоор орж ирж байгаа шатахууны гаалийн мэдээг үзэж, хяналт тавьж ажилласан. Үүнд: Баян-Өлгийн боомт, Ховдын боомтоор гарал үүсэл нь тодорхойгүй бензин ихээр нэвтэрч байгаа нь тогтоогдсон. Уг боомтуудаар орж ирсэн бензин хотруу түгээгдэж улмаар хэрэглэгчдийн дунд  төөрөгдөл үүсгэж байгаа. Орон нутагт ч ялгаагүй иргэдэд хотоос тээвэрлэгдэж ирсэн мэтээр ойлголт төрүүлж тээврийн үнийг нэмж зарж байна. Ингээд АИ92 бензин Баян-өлгийд 2580, Ховдод 2600 төгрөгөөр худалдаалдаг. Монголд шатахууны чанар шалгадаг ганцхан байдаг лаборатори нь байгуулагдсанаасаа хойш одоог хүртэл ажиллаагүй, техникч байхгүй, төхөөрөмж эвдэрсэн гэсэн хариу өгдөг. Иймд төрийн зүгээс хийдэг хяналт шалгалт хангалтгүй байгаа, хэрэв эрхийг нь бидэнд өгвөл байнгын хяналт тавих, шалгалтыг хийж байх болно” гэлээ.

Т.Мөнхжаргал