Герман улсад болсон спорт бүжгийн ДАШТ-ээс мөнгөн медаль хүртсэн Монгол Улсын “Moon Dance” хамтлагийн баг тамирчдыг хүлээн авч уулзаж, батламж гардуулж байна. Энэ үеэр "Moon Dance" хамтлагийн дасгалжуулагч О.Саранхүү сэтгэгдлээ хуваалцлаа.

Тэрбээр  “ДАШТ-ий мөнгөн медаль бол бидний олон жилийн зорилго, мөрөөдөл байсан. Монголын залуус ямар их авьяастай, Монголын соёл, урлаг болон ондоошлыг бүжгийнхээ дэглэлтээр дэлхий нийтэд харуулахыг хичээлээ. Бусдаас ондоо байна гэх маш их урмын үгс сонссон. Яг үүнийг хийвэл бид гарч ирэх юм байна гэдэг аргаа олсондоо баяртай байна. Энэ өндөр амжилтанд хүрэхэд бүжигчдийн маань гэр бүл, төр засгийн дэмжлэг туслалцаа их байлаа. Маш олон хүүхэд  залуучууд биднийг харж урам зориг авдаг гэдэгт итгэлтэй байна. Бид өдөр тутам, цаг тутам хичээх болно.

Дэлхийн аварга болно гэдэгтэ итгэлтэй байдаг. Гэхдээ хэзээ нэгэн цагт.

Энэ тэмцээний хувьд сэтгэлзүйн хувьд сайн дасгалжуулсан гэж харж байна. Энэ жил бид хариуцлага гэдэг үгийг яриагүй. Хайр ярьсан. Монголоороо омогшсон.

Сүүлийн шийдвэрлэха мөч дээр алдаа гарагсан. Алддаггүй хүн гэж үгүй. Энэ алдааг давтахгүй байхын төлөө хичээнэ. Гэхдээ алдаа гаргахад би айгаагүй. Тамирчдаараа маш их бахархаж байна” гэв. 

Д.Батчулуун