Эгшиглэнт эхийн хишигт яруу найрагч тодруулах “Болор цом” 40 дүгээр наадам оролцох яруу найрагчдаа бшртгэж, бүтээлийг нь хурааж эхэлжээ.
Чингис хааны мэндэлсний 860 жилийн ойг тохиолдуулан Их хааны суу алдрыг алдаршуулан мөнхлөх, үйлс бүтээлийг хойч үедээ таниулан сурталчлах зорилгын хүрээнд “Болор цом-40” яруу найргийн наадмыг зарласан байна.
“Болор цом-40” яруу найргийн наадамд бүтээлээ ирүүлэх яруу найрагчид тухайн онд бичсэн, ном, хэвлэл, цахим орчинд нийтлэгдээгүй хоёр шүлгийг ирүүлэх ёстой аж. Наадамд ирүүлэх нэг бүтээл нь Эзэн Чингис хааны суу алдар, үйлс бүтээлийг алдаршуулан дуулсан утга агуулга бүхий байхаар тусгажээ.
Бүтээлийг Монголны зохиолчдын эвлэлийн 206 тоотод хүлээн авах бөгөөд MZE.khoroo.@gmail.com хаягаар илгээж болно. Бүтээлийг хүлээж авах хугацаа 2022 оны арваннэгдүгээр 18-ийг дуустал үргэлжлэх юм.
Бүртгэлийн хураамж 10 мянган төррөг бөгөөд дэлгэрэнгүй мэдээллийг 9915-7788, 91160639 дугааруудаас лавлаж болох ажээ.
Өнгөрсөн жилийн “Болор цом-39” наадмын тэргүүн найрагчаар Б.Болорцэрэн шалгарч байв. Олон жилийн дараа эмэгтэй яруу найрагч тэргүүлсэн нь онцлог байсан юм. Түүнээс өмнө тус наадамд Г. Мөнхцэцэг, Б.Ичинхорлоо, Ц.Хулан, Ш.Дулмаа нарын найрагчид тэргүүн байр эзэлж байсан удаатай.
Л.Сайнаа
