БАРИМТ 1
Тэрбээр 2006 оны дөрөвдүгээр сарын 26-нд төрсөн. Өдгөө 17 настай.
БАРИМТ 2
Түүний биеийн өндөр 164 см ажээ.
БАРИМТ 3
Тэрбээр 2009 оноос буюу гурван настайгаасаа эхлэн уран гулгалтын спортоор хичээллэсэн байна.
БАРИМТ 4
Түүний бүтэн нэрийг Камила Валерьевна Валиева гэдэг.
БАРИМТ 5
Тэрбээр ОХУ-ын Москва хотод оршин суудаг. Харин түүний төрөлх нутаг бол ОХУ-ын Бүгд найрамдах Татарстан улсын Казань хот юм.
БАРИМТ 6
Валиевагийн бүжиг дэглэгчээр Даниил Глейхенгауз, Этери Тутберидзе нар ажиллаж байна.
БАРИМТ 7
Харин түүний дасгалжуулагчаар Этери Тутберидзе, Сергей Дудаков, Даниил Глейхенгауз, Георгий Похилюк нар ажиллаж байгаа аж.
БАРИМТ 8
Тэрбээр үзүүлбэрээрээ дэлхийн гурван том рекордыг эзэмшдэг.
БАРИМТ 9
Уг рекордуудаас нэрлэвэл, тэрбээр 2021 оны Ростелекомын цомоос нийт дүнгээр 272.71 (WR), чөлөөт үзүүлбэрийн төрөлд 185.29 (WR), 2022 оны Европын аваргаас богино үзүүлбэрийн төрөлд 90.45 (WR) оноог авсан байна.
БАРИМТ 10
Түүнд Лева нэртэй померанийн үүлдрийн бяцхан нохой байдаг нь 2019 онд шүтэн бишрэгчдийнх нь өгсөн бэлэг юм.
БАРИМТ 11
Түүний угсаа гарвал нь одоогийн нэршлээр Волга Татар үндэстэн юм. Волга Татар нь үндэстэн нь Ижил мөрөн, Уралын хязгаарт оршин суудаг байсан уугаал Түрэг угсаатан билээ.
БАРИМТ 12
Валиеваг ээж нь гимнастик, балет, уран гулгалтын дугуйланд бүртгүүлсэн боловч таван насандаа зөвхөн уран гулгалтаар дагнаж хичээллэхээр шийджээ.
БАРИМТ 13
Түүний хүндэлж явдаг тамирчин бол АНУ-ын уран гулгагч Натан Чен юм. Натан Чен нь 2022 оны Олимпын аварга, Дэлхийн гурван удаагийн аварга, 2017 оны Дөрвөн тивийн аварга, Гран При финалын гурван удаагийн аварга, Гран Пригийн арван удаагийн аварга, АНУ-ын улсын зургаан удаагийн аварга, дэлхийн шилдэг тамирчин билээ.
БАРИМТ 14
Түүний багын найз нь 2022 оны олимпын мөнгөн медальт, 2021 оны дэлхийн хүрэл медальт, Европын хошой хүрэл медальт, 2019 оны Гран При финалын хүрэл медальт Александра Трусова юм. Тэд одоо ч сайн найзууд.
БАРИМТ 15
Тэр Александра Трусовагийн хамт тэмцээнд оролцохдоо мөнгөн иртэй, цагаан “Edea “ тэшүүрийг хэрэглэдэг нь нөхөрлөлийн тохироо гэгддэг.
БАРИМТ 16
Валиева 2009 онд Казань хотын RSDUSSHOR-д гулгаж эхэлсэн. Ксения Иванова эхлээд түүнийг дасгалжуулж, дараа нь Марина Кудриавцева , Игорь Лютиков, Наталья Дубинская нар дасгалжуулжээ.
БАРИМТ 17
Зургаан настай байхдаа тэрбээр Москва руу нүүж, “SSHOR Moskvich”-д бэлтгэл сургуулилт хийж эхэлсэн байна. Харин 2018 оны хавраас эхлэн Валиева “Самбо-70 “ клубт хичээллэж эхэлжээ.
БАРИМТ 18
Валиева 2019 оны наймдугаар сарын сүүлээр Францын Курчевел хотод болсон өсвөрийн Гран При тэмцээнд олон улсын хэмжээний анхны тоглолтоо хийсэн . Богино хөтөлбөрт гуравдугаар байр, чөлөөт гулгалтын төрөлд тэргүүн байр эзэлж, нийлбэр дүнгээр алтан медаль хүртэж байжээ.
БАРИМТ 19
Тэрбээр өнгөрсөн 2022 оны Бээжингийн олимпод багийн төрөлд алтан медаль зүүсэн. Тэрбээр ганцаарчилсан төрөлд илт илүүрхэж алтан медаль зүүх байсан боловч сэргээш илэрсэн гэх дулианд сэтгэлзүйн цочрол авч, улмаар үзүүлбэртээ алдаа гарган байр ухарсан юм.
БАРИМТ 20
Тэрбээр 2023 оны Оросын аварга шалгаруулах тэмцээнд хоёрдугаар байр эзэлжээ. Өмнө нь тэр 2021 онд мөнгө, 2022 онд алтан медаль хүртэж байв.
БАРИМТ 21
Валиева ОХУ-ын Найрамдлын одон, Дуслык одон, Спортын гавьяат тамирчин цол тэмдгээр шагнагдсан.
БАРИМТ 22
Түүний гадаад, дотоодын тэмцээнээс хүртсэн алтан медалийн тоо 20 хол давна. Гэвч эрхээ хасуулснаар тэр 2021 оны 12 дугаар сараас хойш хүртсэн бүх шагналаа хураалгах юм.
БАРИМТ 23
Түүний инстаграм хуудсыг 1.3 сая хүн дагадаг.
БАРИМТ 24
Түүнийг хүмүүс “Мөсний гүнж” хэмээн хочилдог бөгөөд тэрбээр сэтгүүлийн нүүр царай болж, үнэтэй брэндүүдийн сурталчилгааны гол бай болоод байна.
Сэтгэгдэл (38)