БАРИМТ 1
Тэрбээр 1994 оны гуравдугаар сарын 16-нд төрсөн, өдгөө 29 настай.
БАРИМТ 2
Түүний биеийн өндөр 2.16 метр буюу долоон фут ажээ.
БАРИМТ 3
Харин түүний биеийн жин 127 кг юм.
БАРИМТ 4
Тэрбээр Камерун улсын Яунде хотод мэндэлсэн.
БАРИМТ 5
Мөн тэрбээр Франц, АНУ, Камерун гээд гурван улсын давхар иргэншилтэй тоглогч юм.
БАРИМТ 6
Жоэл Эмбийд 2014 онд Филадельфи 76 багийн гишүүнээр NBA-ийн драфтын нэгдүгээр тойргийн гурваар сонгогдсон. Энэ багтаа одоог хүртэл тоглож байгаа. Түүний үнэнч байдлыг шүтэн бишрэгчид нь хүндэлдэг. Багийн эзэн ч түүнийг явуулахыг хүсдэггүй. Учир нь тэр сайн тоглогч билээ.
БАРИМТ 7
Тэр хүүхэд байхдаа хөлбөмбөг, волейбол зэрэг сдортод дуртай байсан. Улмаар Европт мэргэжлийн волейболчин болохоор өөрийгөө бэлтгэж байсан гэдэг.
БАРИМТ 8
Анх 15 настайгаасаа сагсанбөмбөг тоглож эхэлсэн бөгөөд NBA-ийн Алдрын танхимын төвийн тоглогч Хакеем Олажувоны тоглолтын арга барилыг дадал болгож, тоглолтоо загварчилсан гэнэ.
БАРИМТ 9
Эмбийдийг сагсанбөмбөг тоглож эхлэхэд Камеруны Яундегийн уугуул, NBA-ийн тоглогч Лук Мбах а Моте нээсэн. Эмбийд Мбах а Моте багшийнхаа ачаар 16 настайдаа АНУ руу нүүж, мэргэжлийн сагсан бөмбөгчин болохын төлөө өөрийгөө зориулжээ.
БАРИМТ 10
Эмбийд АНУ-д ирээд Монверде академид элсэн орсон боловч тоглох цаг дутмаг байсан чөлөө авсан байдаг. Дараа нь Флоридагийн Гейнсвилл дэх Христийн шашны академи болох The Rock School-д суралцсан. Ахлах насандаа тэрбээр нэг тоглолтод 13.0 оноо, 9.7 самбар, 1.9 хаалт дунджилж багаа 33-4 амжилт үзүүлж, мужийн аварга шалгаруулах тэмцээнд тэргүүлсэн байдаг.
БАРИМТ 11
Эмбийд коллеждоо Канзасын их сургуульд суралцсан. 2014 оны хоёрдугаар сарын 13-нд тэрбээр Нейсмит коллежийн оны шилдэг 30 тоглогчийн нэгээр шалгарчээ . 2013-14 оны улиралд 28 тоглолтод оролцож, нэг тоглолтод 23,1 минутад 11,2 оноо, 8,1 самбар, 1,4 оновчтой дамжуулалт, 2,6 хаалт дунджилжээ. Тэр долоон тоглолтонд 15-аас дээш оноо, зургаан тоглолтонд 5-аас дээш хаалт хийсэн. Энэ нь түүнийг шилдэгээр нэрлэгдэх үндэс болжээ.
БАРИМТ 12
Эмбийд 2014 оны гуравдугаар сард нуруундаа хүнд гэмтэл авсны улмаас тэр жилийн Big 12 тэмцээн болон NCAA тэмцээнийг өнжсөн . Канзас NCAA-ийн тэмцээний хоёрдугаар тойрогт хожигдсон нь үүнтэй холбоотой.
БАРИМТ 13
Тэрбээр 2018-2023 оны хооронд Бүх оддын тоглолтод зургаан удаа, Бүх оддын хоёрдугаар багт 4 удаа сонгогдож байв.
БАРИМТ 14
Тэрбээр энэ жил болон өнгөрөгч 2022 оны улирлын онооны аварга билээ.
БАРИМТ 15
Түүний байрлал бол ТӨВ.
БАРИМТ 16
Эмбийдийн дүү Артур 2014 оны 10 дугаар сарын 16-нд Камерунд автомашины ослоор нас баржээ. Тэр бас өөр нэг дүүтэй.
БАРИМТ 17
Эмбийд Англи хэлнээс гадна Франц, Басаа буюу уугуул Камерун хэлээр чөлөөтэй ярьдаг.
БАРИМТ 18
Эмбийд 2018 оноос хойш Бразилийн загвар өмсөгч Анне де Паулатай үерхэж байгаа. 2020 оны есдүгээр сард тэд анхны хүүхдээ өлгийдөн авсан бөгөөд талийгаач дүүгээ хүндэтгэн Артур хэмээх нэрийг хайрлажээ.
БАРИМТ 19
Эмбийд хөгжилтэй зан чанартай. Тэр католик шашинтан бөгөөд дэгжин хүн.
БАРИМТ 20
Эмбийд Реал Мадрид клубийн үнэнч хөгжөөн дэмжигч. Багийн тоглолтын үеэр твиттерт байнга нийтлэл бичиж, бусадтай хуваалцдаг байна.
БАРИМТ 21
2021 оны гуравпугаар сард Эмбийд 2021 оны NBA-ын Бүх оддын тоглолтод хожсон 100,000 доллараа Филадельфи дахь орон гэргүйчүүдэд дэмжлэг үзүүлэх санд хандивласан. Улмаар түүнд 2021 оны дөрөвдүгээр сард NBA "Cares Community Assist Award" шагналыг гардуулсан билээ.
БАРИМТ 22
Эмбийд Камеруны сагсан бөмбөгийн шигшээ багт өрсөлдөх эрхтэй болсон . 2017 оны хоёрдугаар сарын 07-нд Эмбийдийг 2017 оны Бүгд Найрамдах Конго улсад болох FIBA AfroBasket тэмцээнд оролцох урьдчилсан багт бүртгэсэн боловч NBA-ийн улирлын тоглолттой давхацсан учир эцэстээ шигшээ багтаа тоглохоос татгалзсан байдаг.
БАРИМТ 23
2022 оны долдугаар сард түүнд харь иргэншилтэй байх нь таалагдаж, Францын иргэншил авсан. Харин тухайн жилийн есдүгээр сард АНУ-ын иргэншил авчээ.
БАРИМТ 24
Тэрбээр алдрын танхимд Вилт Чемберлен, Жулиус Эрвинг , Аллен Айверсон, Мозес Мэлоун нартай нэгдэж, лигийн MVP шагналыг хүртсэн тав дахь 76-ын тоглогч болсон.
