Дуурь бүжгийн эрдмийн театрын ажилтан, албан хаагчид цалингаа нэмүүлэхийг шаардан Соёлын сайд Ч.Номинтой уулзсан нь өчигдөр. Тэгвэл Ч.Номин сайд үүнтэй холбогдуулан өөрийн цахим хаягтаа дараах зүйлийг бичжээ. Тэрбээр “Соёл, урлагийн салбарынхны шаардлага бол зүй ёсны шаардлага. Энэ салбарыг он удаан жил орхигдуулсан нь үнэн. Цалинг үе шаттай нэмэхээр боллоо. Үнэлэмжийн ялгааг арилгахаар боллоо. Гэлээ гээд энэ нь бүх асуудлыг шийдэхгүй. Гал унтраасан л түр шийдэл. Иймээс салбарын байгууллагуудын засаглал, менежментийн реформыг эхлүүлэх цаг нэгэнт иржээ гэж үзэж байна. Төр байгаа цагт соёлын өв, сонгодог урлагаа бодлогоор дэмжиж авч явна. Санхүүгийн ашиггүй байсан ч хамаагүй. Гэхдээ биеэ даах болсон урлагийн зарим төрлүүдийг либералчлах, уран бүтээлчдэд нь өөрсдөд нь даалгах шийдлийг санал болгоно” гэв.