БАРИМТ 1
Түүний бүтэн нэрийг Брэдли Эммануэл Бил гэдэг.
БАРИМТ 2
Тэрбээр 1993 оны зургадугаар сарын 23-нд АНУ-ын Миссури мужийн Сент Луис хотод мэндэлсэн.
БАРИМТ 3
Түүний өндөр 193 см, биеийн жин 94 кг.
БАРИМТ 4
Тэрээр 2012 оны NBA-ийн драфтын гурав дугаар байраар Вашингтон Визардс багт сонгогдсон. Өнөөдрийг хүртэл нэг багтаа үнэнч хүчин зүтгэсэн гэж хэлж болно.
БАРИМТ 5
Харин NBA-д тоглохоосоо өмнө тэрбээр Флорида Гаторс багт коллежийн сагсан бөмбөг тоглож байсан гэдэг.
БАРИМТ 6
Визардс багийн хамтаар Бил 2013 онд NBA-ийн Бүх рүүки тоглогчдын нэгдүгээр багт , 2020 онд Бүх NBA-ийн гуравдугаар багт сонгогдсон бөгөөд NBA-ийн гурван удаагийн бүх од болсон юм.
БАРИМТ 7
Бил Миссури мужийн Сент Луис дахь Чаминад коллежийн бэлтгэл сургуульд суралцжээ.
БАРИМТ 8
Тэрбээр 2010 оны FIBA-гийн 17 хүртэлх насны дэлхийн аварга шалгаруулах тэмцээнд АНУ-ын нэрийн өмнөөс оролцож , нэг тоглолтод дунджаар 18 оноо авч, аварга болсон. Тэмцээнд түрүүлснээс гадна бүх оддын багт багтаж, MVP шагналыг хүртсэн.
БАРИМТ 9
Ахлах сургуулийн төгсөх жилдээ Бил нэг тоглолтод дунджаар 32.5 оноо, 5.7 самбараас бөмбөг авалт, 2.8 оновчтой дамжуулалт өгч байсан нь од болох замналд нь ачаа өгсөн.
БАРИМТ 10
Тэр Миссури мужийн ахлах сургуулийн шилдэг сагсан бөмбөгчөөр 2011 онд шалгарч байв. Мөн 2011 оны "Gatorade" Үндэсний шилдэг тоглогчоор шалгарсан байна.
БАРИМТ 11
2009 оны 11 дүгээр сарын 30-нд Бил Флоридагийн их сургуульд элсэв. Бил 2011-12 оны улиралд дасгалжуулагч Билли Донованы "Gators" багт тоглож байхдаа сургуулиасаа спортын тэтгэлэг хүртэж байжээ.
БАРИМТ 12
Флорида дахь анхны тоглолтдоо Биал гараанд гарч, 14 оноо авчээ. Бил 2011 оны 11 дүгээр сарын 28-нд "SEC"-ийн долоо хоногийн шилдэг сурагчаар тодорсон. 11/21-11/28 долоо хоногт Райт Стэйт , Жексонвилл багуудыг хожиж, Бил 18.5 оноо, долоон самбар, хоёр дамжуулалт, 1.5 бөмбөг таслалт дунджилсан гэдэг.
БАРИМТ 13
2012 оны дөрөвдүгээр сарын 13-нд Бил коллежид суралцах сүүлийн гурван жилийнхээ өмнө NBA-ийн драфтын төлөөх эрхээ зарлав. 2012 оны зургадугаар сарын 28-нд Вашингтон Визардс багт драфтын гуравдугаар сонголтоор очсон. Бил 2012 оны 12 дугаар сар болон 2013 оны нэгдүгээр сард Дорнод бүсийн сарын шилдэг шинэ тоглогчоор тодорсон. 2013 оны нэгдүгээр сарын 04-нд Бруклин Нетс багийн эсрэг хийсэн тоглолтонд Бил карьерийнхаа анхны дээд амжилт болох 24 оноог авчээ.
БАРИМТ 14
2013 оны арваннэгдүгээр сарын 10-нд флей-оффд Оклахома Сити Тандер багт нэмэлт цагт хожигдсоноор Бил 34 оноо авч тухайн үеийн карьерынхаа дээд амжилтыг давлаа. Хожим нь Мемфис Гриззлис багт хожигдохдоо 37 оноо авч, өөрийн хувийн дээд амжилтын жишиг тогтоосон.
БАРИМТ 15
Бил Нью Орлеанд болсон 2014 оны NBA-ийн бүх оддын тоглолтын гурван онооны шидэлтийн тэмцээнд Марко Белинеллид хожигдож, дэд байрт шалгарсан. Тухайн үед Beal тэмцээний түүхэн дэх хамгийн залуу өрсөлдөгч байсан юм.
БАРИМТ 16
2014 оны дөрөвдүгээр сарын 29-нд тэдний баг Дорнод бүсийн плей-оффын эхний шатанд Буллз багийг хожиж, хоёрдугаар шатанд шалгарсан нь 2005 оноос хойш гаргаагүй амжилт байв.
БАРИМТ 17
2014 оны улирал түүний хувьд хар дарсан зүүд л байлаа. 2014 оны 10 дугаар сарын 11-нд Бил MRI шинжилгээнд хамрагдсан бөгөөд түүний зүүн бугуйнд скафоид ясны шилжилтгүй хугарал илэрсэн тул мэс засал хийх шаардлагатай болсон. Дараа нь тэр 6-8 долоо хоног талбайд гарах боломжгүй болсон. Улирлын эхний есөн тоглолтыг гэмтлийн улмаас өнжсөний дараа 11 дүгээр сарын 19-нд Даллас Маверикс багийн эсрэг улирлын анхны тоглолтоо хийсэн.
БАРИМТ 18
2015 оны арваннэгдүгээр сарын 04-нд Бил 25 оноо авч, гурван онооны шидэлт хийснээр Визардс Сан Антонио Спөрс багийг 102-99 харьцаатай хожлоо. Бил 2015-16 оны улиралд бэртэл гэмтэлтэй байсан бөгөөд 11 дүгээр сарын дундуур мөрөндөө бэртэл авч гурван тоглолт, баруун доод хөлний гэмтлийн улмаас 12 дугаар сарын 11-ээс нэгдүгээр сарын 11-ний хооронд 16 тоглолт өнжсөн.
БАРИМТ 19
2016 оны гуравдугаар сарын эхээр тэрбээр дахин нэг удаа талбайд гарсан бөгөөд аарцагны яс, шөрмөсний гэмтлийн улмаас гурван тоглолт өнжсөн. Тэрбээр 2015-2016 оны улиралд 55 тоглолтод оролцож, 35 гараанд гараагүй амжилт үзүүлсэн ч нэг тоглолтод 17,4 оноо дунджилж, карьерынхаа дээд амжилтыг тогтоожээ.
БАРИМТ 20
Бил бол Бобби, Беста Билийн нарын хүү. Брэндон, Брюс, Байрон, Брайон гэсэн дөрвөн ахтай.
БАРИМТ 21
Ах нар нь хөлбөмбөгчид болсон.
БАРИМТ 22
Ахлах сургуулиа 4.0 голчтой төгссөн. Харин коллежид биологийн чиглэлээр суралцсан тэрбээр хачирхалтай нь өөрийгөө толгой муутай гэж боддог байжээ.
БАРИМТ 23
Бил болон түүний найз охин Камиа Адамс нар гурван хүүхдийн эцэг эх юм.
БАРИМТ 24
Биал Виржиниа мужийн Маклин дахь Францын Прованс маягийн 12 мянган хавтгай дөрвөлжин метр талбайтай харшаа "&pizza"- г үүсгэн байгуулагч, бизнес эрхлэгч Стив Салисид 3.5 сая ам доллараар заржээ.
Сэтгэгдэл (1)