БАРИМТ 1
Тэрбээр 2004 оны нэгдүгээр сарын 04-нд мэндэлжээ. Өдгөө 19 настай.
БАРИМТ 2
Вэмбанямама нь Францын Ле Чеснай хотод төрж, өссөн.
БАРИМТ 3
Түүний биеийн өндөр 226 см. Энэ нь NBА-ийн түүхэнд зургадугаар байрт бичигдэх үзүүлэлт гэнэ.
БАРИМТ 4
Харин түүний биеийн жин 95 кг аж.
БАРИМТ 5
Тэрбээр энэ оны NBA-ийн драфтын тэргүүн байраар Сан Антонио Спөрс багийн эгнээнд нэгдлээ.
БАРИМТ 6
Тэрбээр 2019-2021 онуудад Парис хотод байрлах "Нантерр 92" сагсанбөмбөгийн клубт тоглож байлаа. 2021-2022 оны улиралд ASVEL хэмээх Францын сагсанбөмбөгийн клубт тоглосон бол өнгөрсөн улиралд "Метрополитан 92" хэмээх Парис хотын клубт хүчин зүтгэсэн байна.
БАРИМТ 7
"Метрополитан 92" тоглож байхдаа Францын дээд зэрэглэлийн лиг болох "PRO A"-ийн "Шилдэг Хамгаалагч" цолыг хүртэж, оноо авалт, самбараас бөмбөг авалт, бөмбөг таслалтаараа лигийг тэргүүлсэн байдаг.
БАРИМТ 8
Тэрбээр Францын мэргэжлийн сагсанбөмбөгийн лиг "LNB"-ийн бүх оддын шагналыг хоёр удаа авч , нэг удаа Бүх оддын тоглолтын MVP шагналыг хүртэж, гурван удаа Pro A Шилдэг залуу тоглогч болсон.
БАРИМТ 9
Вэмбаньяма мөн Францын сагсанбөмбөгийн шигшээ багт тоглодог.
БАРИМТ 10
Залуучуудын түвшинд тэрбээр багтайгаа хошой мөнгөн медаль хүртэж, 2021 оны FIBA-гийн 19 хүртэлх насны дэлхийн аварга шалгаруулах тэмцээнд оролцож, нэг тэмцээнд нэг тоглолтонд блок хийсэн амжилтаараа FIBA-гийн дээд амжилтыг тогтоосон.
БАРИМТ 11
Түүний аав Феликс нь Конго гаралтай хүн гэнэ. Бага залуу насандаа өндөр, уртын харайлт, гурвалсан харайлтаар өрсөлддөг хөнгөн атлетикийн тамирчин байжээ.
БАРИМТ 12
Харин түүний ээж Элоди де Фаутеро нь Франц хүн. Тэр сагсанбөмбөгийн дасгалжуулагч, хуучин тоглогч юм.
БАРИМТ 13
Вэмбанямамагийн аав 198 см, ээж нь 191 см өндөртэй. Энэ нь хүүгийнх нь генед нөлөөлж 226 см өндөртэй болоход нөлөөлжээ.
БАРИМТ 14
Түүний эгч Ева мэргэжлийн түвшинд сагсанбөмбөг тоглодог бол дүү Оскар нь залуучуудын түвшинд сагсан бөмбөг, гандбол тоглодог ажээ.
БАРИМТ 15
Түүний өвөө Мишель де Фаутеро мэргэжлийн сагсан бөмбөг тоглодог байсан бол эмээ Мари Кристин мөн энэ спортоор хичээллэдэг байжээ. Тэгэхээр тэр удамтай сагсанбөмбөгчин гэдэг нь батлагдлаа.
БАРИМТ 16
Тэрбээр сагсанбөмбөгт орохоосоо өмнө хөлбөмбөгийн хаалгач хийдэг байсан гэнэ. Мөн жүдогоор барилддаг байжээ.
БАРИМТ 17
Түүнийг сагсанбөмбөгт уруу татсан хүн нь түүний ээж Элоди де Фаутеро юм. Залуучуудын шигшээ багийн дасгалжуулагчаар ажиллаж байхдаа хүүгээ дасгалжуулж, улмаар энэ спортод дурлуулжээ.
БАРИМТ 18
Вэмбаньяма долоон настайдаа "Энтенте Ле Чеснай Версаль" хэмээх хотынхоо багт тоглож эхэлсэн. Улмаар 10 настайдаа" Нантерре 92"- ын залуучуудын системд харьяалагдах болжээ. 14 настайд нь Испанийн алдар Барсалона клуб санал тавьсан ч татгалзсан гэдэг.
БАРИМТ 19
Тэрбээр 11 настайдаа 180 см өндөртэй байсан тул хүмүүс сэлгээний сандал дээр сууж байхад нь дасгалжуулагч гэж андуурдаг байсан гэнэ.
БАРИМТ 20
Тэрбээр газар зүй, амьдралын ухаан, нийгэм, эдийн засгийн шинжлэх ухааны чиглэлээр мэргэшиж, бакалврын зэрэг хүртжээ.
БАРИМТ 21
14 насандаа Евродын хамгийн шилдэг залуу тоглогчоор нэрлэгдээд байсан түүний 16 насандаа NBA-ийн драфтын нэгээр сонгогдоно гэж хүмүүс таамаглаж байлаа.
БАРИМТ 22
Түүнд шинжээчид маш том үнэлгээ тавьсан. Тэр битгий хэл 2003 оны Леброн Жеймсийн сонгогдсон түүхээс хойших хамгийн их хүлээлттэй байсан тоглогч гэж үнэлжээ. Түүний тоглолтын арга барил бусдаас ондоо, хурдан, хуурмаг хөдөлгөөн, ролын зайн шидэлтийн технек төгсөрсөн гэж үздэг. Маш өндөр учир багийн хамгаалагч түүнд хаалт хийх боломжгүй гэнэ дээ.
БАРИМТ 23
Тэр биеийн өндрөөрөө NBA-ийн түүхэнд 1983-1994 онуудад тоглож байсан Чарльз Гүүдричийн дор зургадугаар байрт бичигдэж байна. Чарльз Гүүдричийн биеийн өндөр 226 см байсан.
БАРИМТ 24
Самбар, цагираг хоёрын хооронд бөмбөг гацсаныг мань эр ганц өшиглөөд л гаргаж авсан гэлцдэг. Түүнчлэн спортын шилдэг аналистуудын нэг Крис Бруссард "Тэр муудлаа гэхэд Грег Оден болно. Харин сайн тогловол хязгааргүй. Домог болох нь гарцаагүй" гэжээ.
Сэтгэгдэл (6)