БАРИМТ 1
Түүний бүтэн нэрийг Кэтрин Элизабет Миддлтон гэдэг.
БАРИМТ 2
Тэрбээр 1982 оны нэгдүгээр сарын 09-нд Английн Рединг хотын "Royal Berkshire" эмнэлэгт мэндэлжээ.
БАРИМТ 3
Тэрээр 1982 оны зургадугаар сарын 20-нд орон нутгийн сүм болох Гэгээн Эндрю Брэдфилд сүмд баптисм хүртжээ.
БАРИМТ 4
Түүний эцэг Майкл Миддлтон болон эх Кэрол нар нь "British Airways"-д нислэгийн диспетчер, үйлчлэгчээр тус тус ажиллаж байсан. Тэр айлын том, Филиппа, Жеймс хэмээх хоёр дүүтэй.
БАРИМТ 5
1987 онд түүний ээж нь үдэшлэгийн хэрэгсэл, гоёл чимэглэл зардаг шуудангийн захиалгын хувийн компани болох "Party Pieces"-ийг үүсгэн байгуулжээ. Ээж нь тэтгэвэрт гарч, хувьцааны дийлэнх хувийг алдсаны дараа компани олон эрсдэлтэй нүүр туулсан ч саятан, бизнес эрхлэгч Жеймс Синклэйр 2023 онд "Party Pieces"-ийг хувь заяаг аварсан гэдэг.
БАРИМТ 6
20 дугаар зууны эхэн үед Миддлтоны гэр бүл Британийн язгууртнууд тай гэрлэж, зуу гаруй жилийн өмнө байгуулсан итгэлцлийн сангаасаа санхүүгийн ашиг хүртдэг байв. Түүний аав Миддлтоны хамаатан садан, түүний дотор элэнц өвөө Ноэл, Олив Миддлтон нар 1920-1940 онуудад Британийн хааны гэр бүлтэй ойр дотно нэгэн байжээ. Харин түүний ээжийнх нь гэр бүл нүүрс олборлодог ажилчин ангийн хүмүүс байв.
БАРИМТ 7
Гэр бүл нь 1984 оны тавдугаар сард Беркширийн Брэдфилд Саутенд хотоос Йордан улсын Амман руу нүүж , Кэтрин англи хэлээр хичээл заадаг цэцэрлэгт суралцжээ. 1986 оны есдүгээр сард түүний гэр бүл Беркширт буцаж ирэхэд тэрбээр дөрвөн настайдаа Беркшир дэх Пангборн хотын ойролцоох Гэгээн Эндрюгийн сургуульд элсэн оржээ. 1995 онд түүний гэр бүл Баклбери тосгонд нүүж, тэнд охин Даун Хаус сургуульд суралцжээ.
БАРИМТ 8
Миддлтон Уилтшир дахь Марлборо коллежийн хамтарсан сургуулийн дотуур байранд амьдарч байхдаа спортод авьяасаа харуулсан. Тэрбээр бөмбөгтэй хоккейн эмэгтэйчүүдийн багийн ахлагч байв. 2000 онд гурван А зэрэглэл авсан бөгөөд математикийн чиглэлээр 'А', урлагаар 'А', англи хэлээр 'B' үнэлгээтэй төгссөн гэнэ.
БАРИМТ 9
Эдинбургийн их сургуульд элсэх санал авсан ч нэг жил завсарлага авч, Италийн Флоренц дахь Британийн институтэд суралцаж, Ролигийн олон улсын хөтөлбөрт оролцохоор Чили рүү явсан. Тэр их сургуулийн өмнөх зунаа Саутгемптон боомтод даланчаар ажиллаж байсан гэдэг. Дараа нь тэрбээр Шотландын Файф дахь Сент Эндрюсийн их сургуульд Урлагийн түүхийн чиглэлээр суралцахаар элсэн орсон. Тэнд суралцах хугацаандаа зөөгчийн цагийн ажил хийж, амьдралаа болгодог нэгэн байв. Их сургуульд сурч байхдаа тэрбээр Эдинбургийн гүнгийн алтан шагнал хүртжээ. Нийгмийн идэвхитэн, сайн оюутан байсан тэр 2005 онд Сент Эндрюсийн их сургуулийг Урлагийн түүхийн чиглэлээр магистрын зэрэгтэй төгссөн юм.
БАРИМТ 10
Кэтрин Анна Фрейдийн төв, Хүүхдэд зориулсан үйл ажиллагаа, SportsAid, Үндэсний хөрөг зургийн галерей зэрэг буяны болон цэргийн 20 гаруй байгууллагыг ивээн тэтгэдэг. Тэр Хатан хааны сангаар дамжуулан бага насны хүүхдийн асрамж, донтолт, урлагийг тойрсон асуудалд чиглэсэн буяны олон төсөл хэрэгжүүлдэг. Хүмүүсийг сэтгэцийн эрүүл мэндийн асуудлаа ярилцахад урамшуулахын тулд Кэтрин 2016 оны дөрөвдүгээр сард нөхөр Уильям болон хадам дүү Харри нартайгаа хамт "Heads Together" сэтгэцийн эрүүл мэндийн мэдлэг олгох кампанит ажлыг санаачилсан байдаг.
БАРИМТ 11
Хэвлэл мэдээллийнхэн Кэтринийг Их Британи, Америкийн загварт нөлөөлөгч хэмээдэг. "Time" сэтгүүл түүнийг 2011, 2012, 2013 онд дэлхийн хамгийн нөлөө бүхий хүмүүсийн нэгээр шалгаруулж, 2018 онд дэд байрт оруулсан. 2022 оны есдүгээр сарын 09-нд нөхөр нь Уэльсийн хунтайж хэргэм хүртсэнээр тэр Уэльсийн гүнж болжээ.
БАРИМТ 12
Тэр өөрийн нөхөр хунтайж Уильямтайгаа 2001 онд Сент Эндрюс их сургуулийн Гэгээн Салваторын танхимд оюутан байхдаа танилцжээ. Тэрээр 2002 онд их сургуульд болсон буяны загварын шоуны үеэр нэхсэн тортой даашинз өмсөн тайзан дээр гарахдаа Уильямын анхаарлыг татсан гэдэг. Хосууд 2003 онд болзож эхэлсэн. 2004 онд хосууд хэсэг салсан ч удалгүй харилцаагаа сэргээсэн юм. Түүнийг сургуулиа төгсөөд Миддлтон болон түүний гэр бүлийнхэн шар хэвлэлд маш их хяналт тавьж байсан. Тэрбээр 2006 оны 12 дугаар сард Сандхерст Хатан хааны цэргийн академид болсон Уильямын Парадад оролцсон. 2007 оны дөрөвдүгээр сард тэд харилцаагаа дуусгасан. [62] Тэр гэр бүлийн хамт 2007 оны долдугаар сард Дианагийн концертод оролцож, Уильямтай хоёр эгнээ зайтай суужээ. Дараа нь хосууд эвлэрсэн гэж мэдээлсэн.
БАРИМТ 13
Миддлтон, Уильям нар 2010 оны 10 дугаар сард Кени улсад Лева зэрлэг ан амьтдыг хамгаалах газарт 10 хоногийн аялал хийх үеэрээ сүй тавьсан юм. Тэд 2010 оны арваннэгдүгээр сарын 16-нд сүй тавьсан тухайгаа зарлав. Уильям түүнд өөрийн ээж Уэльсийн гүнж Дианагийн сүйн бөгжийг бэлэглэжээ.
БАРИМТ 14
Хосууд 2011 оны дөрөвдүгээр сарын 29-нд Вестминстерийн сүмд гэрлэсэн. Тухайн өдөр нь Гэгээн Кэтриний өдөр юм. Их Британид энэ өдрийг банкны амралтын өдөр болгон зарласан. Хуримыг дэлхий даяар хамгийн багадаа 300 сая хүн үзсэн гэдэг. Британид л гэхэд 26 сая хүн уг арга хэмжээг шууд үзсэн байна. Түүний хуримын даашинзыг "Alexander McQueen"-д Сара Бертон зохион бүтээжээ.
БАРИМТ 15
2012 оны 12 дугаар сарын 03-нд Гэгээн Жеймсийн ордон Кэтрин анхны хүүхдээ тээж байгааг зарлав. Ханхүү Жорж 2013 оны долдугаар сарын 22-нд Лондон дахь Гэгээн Мэригийн эмнэлэгт мэндэлжээ. Тэрбээр 2015 оны тавдугаар сарын 02-нд гүнж Шарлотыг, 2018 оны дөвөрдүгээр сарын 23-нд хунтайж Луисыг төрүүлсэн. Жорж, Шарлотт, Луис нар Их Британийн хаан ширээг залгамжлах жагсаалтын гурав, дөрөв, тавд тус тус оржээ.
БАРИМТ 16
Уильям, Кэтрин хоёр Лупо, Орла нэртэй Англи Кокер, Спаниел нохдыг тэжээж байна.
БАРИМТ 17
2014 онд түүнийг Британийн соёлын бэлгэ тэмдэг хэмээн өргөмжилсөн бөгөөд гадаадаас ирсэн залуучууд түүнийг Их Британийн соёлтой хамгийн их холбоотой хүмүүсийн дунд нэрлэжээ. Кэтрин мөн тэр жилдээ Олон улсын шилдэг хувцасласан алдрын танхимын жагсаалтад багтсан. 2022 оны арванхоёрдугаар сард статистик болон санал асуулгын "YouGov" компани хааны гэр бүлийн хоёр дахь хамгийн дэмжигчтэй гишүүнээр тодорсон бол 2023 оны дөрөвдүгээр сард "Ipsos"-ын санал асуулгаар хамгийн хамгийн гишүүн гэж үзжээ. 2023, 2024 онд "The Independent" сэтгүүл Кэтринийг "Нөлөөллийн жагсаалт"-даа оруулсан.
БАРИМТ 18
1997 оны наймдугаар сард Уэльсийн гүнж Диана папарацциудад хөөгдөн нас барсан. Энэ нь түүний том хүү Уильямын хэвлэл мэдээллийн хэрэгсэлд хандах хандлагад нөлөөлсөн. Уильям, Кэтрин нар ажлаас гадуурх үедээ хувийн нууцыг нь хүндэтгэхийг байнга гуйдаг.
БАРИМТ 19
Кэтриний аав нь ахмад Питер Фрэнсис Миддлтоны хүү Майкл Фрэнсис Миддлтон бөгөөд өвөг дээдсийнхээ хамт Баруун Йоркшир мужийн Лидс хотоос гаралтай байв. Роберт Лэйси Майкл Миддлтоны гэр бүлийг Флоренс, баронесса Айредейл нь түүний холын хамаатан гэж язгууртны харилцаатай гэж тодорхойлсон.
БАРИМТ 20
Кэтриний эцгийн элэнц эмээ Олив Кристиана Миддлтон болон түүний үеэл Баронесса фон Шунк хоёулаа Луптон гэр бүлийн суудал болох Поттерньютон Холл эдлэнд өссөн. 1911 онд хаан V Жорж, Хатан Мэри нарын хаан ширээнд залах ёслолд уригдан иржээ. Кэтриний өвөг дээдсийн дөрвөн үе Поттерньютон Холл эдлэнд амьдарч байсан.
БАРИМТ 21
2024 оны гуравдугаар сард "Associated Press" , "AFP" , "Reuter" , "Getty Images" агентлагууд Кэтрин болон түүний хүүхдүүдийн Эх үрсийн баярын гэрэл зургийг нөхөрт нь хамааруулж, түүний хувийн захиастай хамт нийтлэхээс татгалзжээ. Энэ зургийг Кенсингтоны ордноос гаргасан бөгөөд Кэтрин 2024 оны нэгдүгээр сард мэс засал хийлгэснээс хойш олон нийтэд ил болсон анхны албан ёсны гэрэл зураг байсан ч тухайн оны хоёрдугаар сард Их Британиас гадуур "TMZ" зөвшөөрөлгүй зургийг нийтэлсэн байна. "AFP "редакцийн асуудал" гэсэн шалтгаанаар зургаа татсан гэж мэдэгдсэн бол "Associated Press" болон "Reuters" агентлагууд гүнж Шарлоттын ханцуйг засварласан гэж үзжээ. Маргааш нь Кенсингтоны ордноос нийтэлсэн зурвастаа Кэтрин төөрөгдүүлсэндээ уучлалт гуйж, олон нийтэд түгээсэн гэр бүлийн зургийг өөрийн биеэр засварласан гэж мэдэгджээ.
БАРИМТ 22
Кэтрин гэрлэсний дараа Их Британийн хааныг дэмжих үүрэг хүлээсэн. 2011 оны гуравдугаар сард тэрбээр Уильямтай хамт хунтайж Уильям, хунтайж Харри нарын сангаас хуримын бэлэг өгөхийг хүссэн сайн санаат хүмүүст өөрсдийн санаа тавьдаг буяны байгууллагад мөнгө хандивлах боломжийг олгохын тулд бэлэглэлийн сан байгуулжээ. Бэлэглэлийн сан нь зэвсэгт хүчин, хүүхэд, ахмад настан, урлаг, спорт, байгаль хамгаалах зэрэг хосуудын сонгосон 26 буяны байгууллагыг дэмжсэн. 2012 оны зургадугаар сард хунтайж Уильям, хунтайж Харри нарын сан Кэтриний буяны үйлсэд оруулсан хувь нэмрийг тусгахын тулд нэрээ өөрчилсөн. Одоо үүнийг Уэльсийн хунтайж, гүнжийн сан гэж нэрлэдэг.
БАРИМТ 23
Загварын хэв маягаараа алдартай Кэтрин хамгийн сайхан хувцасладаг алдартнуудын жагсаалтад багтсан.
БАРИМТ 24
Кенсингтоны ордон 2024 оны нэгдүгээр сарын 17-нд Кэтринийг Лондонгийн клиникт хэвтсэнийхээ дараа хорт хавдар биш, үл мэдэгдэх өвчний улмаас хэвлийн хөндийн мэс засал хийлгэсэн гэж мэдэгдсэн. "Улаан өндөгний баяр хүртэл ажлаа хойшлуулаад байсан түүний эрүүл мэндийн асуудал олны дунд олон таамгийг дэгдээсэн.
Сэтгэгдэл (5)