БАРИМТ 1
Гэндэнгийн Сүндэрмаа 14-хөн насандаа урлагт хөл тавьсан авьяаслаг охин. Тэр цагаас хойш монголын рок попын урлагт 20 гаруй жил зүтгэж яваа нэгэн.
БАРИМТ 2
Тэрбээр өвөөгөөрөө овоглодог. Өвөө нь түүнийг өсгөсөн болохоор өөрөөрөө овогложээ.
БАРИМТ 3
Түүний аавыг С.Сүхбаатар гэдэг. Харин ээжийг нь Г.Цогзолмаа гэдэг. Хуучнаар Цэргийн анасамбельд хуучир хөгжим тоглодог байсан. Соёлын тэргүүний ажилтан цол, тэмдэгтэй.
БАРИМТ 4
Тэрбээр багадаа нилээн эрх, сахилгагүй талдаа охин байсан гэдэг.
БАРИМТ 5
Хөгжим бүжгийн дунд сургуульд хийл хөгжмөөр суралцсан.
БАРИМТ 6
Тэрбээр Чой.Лувсанжавын нэрэмжит Хэл иргэншлийн дээд суруулийг Англи, Монгол хэлний багш мэргэжлээр, СУИС-ийг дуучин мэргэжлээр тус тус суралцаж, төгссөн.
БАРИМТ 7
1997 онд Ц.Сарнай, Э.Ганболор, С.Сэрчмаа нарын хамтаар “Англи дууг хэн сайн дуулах вэ” тэмцээнд “Spice girls”-ын “Wannabe” дууг дуулан оролцож, гран при хүртсэнээр тус хамтлагийн гишүүн болжээ.
БАРИМТ 8
Охидын хамтлаг ч анх ингэж байгуулагдсан түүхтэй. Тэрбээр Emotion хамтлагийн болон FitTraining сургалтыг үүсгэн байгуулагч.
БАРИМТ 9
Тэрбээр өөрийгөө хатуужилтай, тэвчээртэй зантай гэж тодорхойлдог.
БАРИМТ 10
Мөн түүний хувьд нөхөрлөл, үнэнч байдал, тууштай хандлагыг эрхэмлэдэг хэмээн ярьдаг.
БАРИМТ 11
Тэрбээр охинтой бөгөөд ганц бие ээж. Охиндоо үйлдэл, байгаа байдлаараа үлгэр дуурайл болохыг хичээдэг аж.
БАРИМТ 12
Г.Сүндэрмаагийн хамгийн дуртай хийх зүйл - спорт, дуу хөгжим, бүжиг.
БАРИМТ 13
Тэрбээр зан чанарын хувьд хөгжилтэй, найзархаг, тусч, тэвчээртэй, шинэ зүйлийг турших, өөрийгөө сорих дуртай нэгэн.
БАРИМТ 14
Түүнийг тахиа жилтэй болоод ч тэр үү маш эртэч, найзууд нь эртэч шувуухай гэдэг. Спортод дуртай болохоор нь "тамирчин тахиа" гэж хошигнох дуртай.
БАРИМТ 15
Тэрбээр 2012 онд СТА цол, тэмдгээр шагнуулсан.
БАРИМТ 16
Тэрбээр 2019 онд Дэлхий хэмжээний мэргэжлийн бодибилдинг, фитнесийн тамирчны эрх олгох IFBB Pro Qualifier Mongolia тэмцээний "Бикини" ангилалд оролцож мөнгөн медаль хүртсэн удаатай.
БАРИМТ 17
Хөдөлмөр хүнийг бүтээнэ гэсэн зарчимтай.
БАРИМТ 18
Түүний хэлэх дуртай үг нь “Эзэн хичээвэл заяа хичээнэ”.
БАРИМТ 19
Тэрбээр Боловсрол телевизийн “Яг түүн шиг" шоу нэвтрүүлгийн гурав дахь дугаарт оролцож байсныг уншигч та мэдэх биз ээ. Уг шоуны дөрөвдүгээр дугаарын ялагчаар Г.Сүндэрмаа тодорч байсан юм.
БАРИМТ 20
Тэрбээр шоунд оролцох үеэрээ “Яг түүн шиг” шоунд оролцож, орчин үеийн бүжгээс суралцаж байна. Надад жаахан ч гэсэн хөдөлгөөний эвсэл байх шиг байгаа юм. Шоуны хоёр дахь дугаарт базер таарсан K-Pop од Hyoryn дуучныг дууриаж, бүжиглэхэд хэцүү санагдсан. Үзүүлбэрийн үеэр хөлөө тосолчихоод гарсан чинь тайзан дээр хальтарч унах дөхсөн" хэмээж байв.
БАРИМТ 21
Тэрбээр фитнесс, усан сан, йог зэрэг зориулалтын клубүүдэд явах цаг зав, боломжгүй ажил хэрэгч бүсгүйчүүд, гэртээ хүүхдээ хардаг ээжүүд, төрсний дараах ээжүүдэд болон бусад эмэгтэйчүүдэд гэрийн нөхцөлд хийж болох дасгал хөдөлгөөнийг заадаг.
БАРИМТ 22
Сэтгэлээ шингээж өөрт нь зориулж бэлдсэн бэлэг бүхэнд дуртай.
БАРИМТ 23
Celine Dion, Мariah Carey, Whitney Houston нар шиг дуучин болохыг мөрөөддөг хэмээн нэгэн ярилцгадаа дурдсан байдаг.
БАРИМТ 24
Энэ жил тэрбээр "Ододтой бүжиглэе" шоу нэвтрүүлэгт оролцож буй. Түүний хамтрагч бол бүжигчин Ч.Анхбаяр.
Сэтгэгдэл (14)