БАРИМТ 1
25 настай.
БАРИМТ 2
1198 оноотойгоор дэлхийн чансааны 40 дүгээрт бичигдэж байна.
БАРИМТ 3
Тэрбээр хамгийн анх 2022 оны долдугаар сард болсон Португалын Гранпри тэмцээнээс хүрэл медаль хүртэж байлаа.
БАРИМТ 4
Монголын -73 кг өрсөлдөөн ихтэй ч тэр жин өгсөж, бууралгүй хичээсээр өнгөрөгч 2024 онд бэртэлтэй байсан Ц.Цогтбаатар гавьяатын оронд ДАШТ-ийг зорьж, хүрэл медаль хүртсэн.
БАРИМТ 5
Энэ нь түүний олон улсын тэмцээнээс хүртэж буй хоёр дахь медаль байлаа.
БАРИМТ 6
Сүүлд хүртсэн хүрэл медаль нь түүний гурав дахь медаль болж байгаа юм.
БАРИМТ 7
2024 оны Абу Дабигийн ДАШТ-нд тэрбээр D хэсэгт багтаж, хоёрдугаар тойрогтоо Гүржийн алдарт бөх Лаша Шавдашвилиг илүүрхэн, гуравдугаар тойрогтоо Румыны бөх Алехандру Райкуг ялж, хэсгийн аваргын төлөө Шведийн алдарт бөх Нил Стампыг илүүрхэн шөвгийн дөрөвт шалгарсан. Улмаар хагас финалд Японы Ишихара Тацукид ялагдаж, хүрлийн төлөө Бразилын бөх Данел Гаргнинг ялсан юм.
БАРИМТ 8
Тэрбээр 2024 оны "Бөртэ Чоно" наадмаас Оны шилдэг тамирчны шагнал хүртсэн.
БАРИМТ 9
Жүдо бөхөөр хичээллээд 15 жил болжээ.
БАРИМТ 10
Жүдо бөхийн Үндэсний шигшээ баг, “Женко” клуб, зэвсэгт хүчний “Алдар” спорт хорооны тамирчин.
БАРИМТ 11
ОУХМ цолтой.
БАРИМТ 12
Есөн настай байхдаа 2009 онд Ховд аймгаас Дархан-Уул аймагт шилжиж ирсэн. Тэр үеэс хойш Дарханд амьдарсан.
БАРИМТ 13
Дархан-Уул аймгийн ерөнхий боловсролын “Оюуны-Ирээдүй” цогцолбор сургуульд сурсан. Сургуулийнхаа дотуур байранд найман жил амьдарч 2018 онд дунд сургуулиа төгссөн.
БАРИМТ 14
Түүний авга ах нь самбо бөхийн залуучуудын дэлхийн аварга, Монгол Улсын гавьяат дасгалжуулагч Н.Батлав юм.
БАРИМТ 15
Өсвөр үеийн Ази тивийн аварга шалгаруулах тэмцээнээс мөнгөн медаль хүртэж байсан.
БАРИМТ 16
Мөн Залуучуудын УАШТ-ээс алтан медаль, насанд хүрэгчдийн УАШТ-ээс хоёр хүрэл медаль хүртэж байсан.
БАРИМТ 17
Тэрбээр жүдо бөхийн зaлуучуудын УАШТ-ээс алтан медаль, насанд хүрэгчдийн УАШТ-ээс хоёр мөнгө, нэг хүрэл медальтай.
БАРИМТ 18
Чөлөөт цаг гарвал аль болох гэр бүлтэйгээ цагийг өнгөрөөх дуртай.
