БАРИМТ 1
"Хасын хүлэгүүд" баг 2004 оноос дээд лигт элсэж, тэр цагаас хойш тасралтгүй оролцсоор 21 дэх жилийнхээ нүүрийг үзэж байна.
БАРИМТ 2
"Хасын хүлэгүүд" бол Монголын Дээд лигийн есөн удаагийн аварга.
БАРИМТ 3
"Хасын хүлэгүүд" өнгөрсөн 21 жилийн дотор МСБХ-ны дээд лигийн аваргын алтан медалийг найман удаа, мөнгөн медалийг долоон удаа, хүрэл медалийг дөрвөн удаа хүртсэн байна. 2006 оноос хойш оролцсон дээд лиг болгондоо медальт байранд шалгарч байсан гэсэн үг.
БАРИМТ 4
"Хасын хүлэгүүд" багийн эзэн Ж.Бат-Ирээдүй.
БАРИМТ 5
"Хасын хүлэгүүд"-ийн Ерөнхий дасгалжуулагч Э.Ариунболд, туслах дасгалжуулагч Ц.Эрдэнэбаясгалан, Ц.Чинзориг.
БАРИМТ 6
Монголын Үндэсний шигшээ багт Хасын хүлэгүүд багийн таван тоглогч багтдаг. МУГТ Б.Билгүүн зодог тайлсан.
БАРИМТ 7
Монголын сагсанбөмбөгийн найм дахь гавъяат Хасын хүлэгүүд багаас төрсөн нь Б.Билгүүн юм.
БАРИМТ 8
"Хасын хүлэгүүд"-ийн хамгийн ахмад тоглогч нь 1989 онд төрсөн Б.Билгүүн, О.Сэргэлэн, Д.Мөнхтүвшин нар юм. Харин хамгийн залуу нь 20 настай Б.Барсболд, Ч.Тэмүүлэн нар аж.
БАРИМТ 9
"Хасын хүлэгүүд"-ийн хамгийн өндөр нь 205 см өндөр А.Азбаяр билээ. Түүний араас 201 см өндөр Ж.Толберг, 200 см өндөр С.Биндэрья нар бичигдэж байна. Хамгийн намхан нь 175 см өндөр О.Сэргэлэн, Э.Түшиг нар юм.
БАРИМТ 10
"Хасын хүлэгүүд" баг плей-оффт 19 хожил, найман хожигдолтойгоор нэгдүгээр байраар шалгарсан. Харин финалд Бишрэлт металл багтай зургаан тоглолт хийж дөрөвт нь ялалт байгуулснаар 2024-2025 оны үндэсний дээд лигийн аварга багаар тодорсон.
