БАРИМТ 1

2025.05.24-Баянхонгор аймгийн Баацагаан сумын харьяат, чөлөөт бөхийн ОУХМ, улсын начин А.Норовын нэрэмжит улс, аймгийн алдар цолтой хүчит 128 бөхийн барилдаанд улсын арслан Э.Оюунболдоор долоо даван түрүүлэв.

БАРИМТ 2

2025.05.04-Ховд аймгийн Чандмань сумын түүхт 100 жилийн ойд зориулсан, тус сумын харьяат Монгол Улсын начин И.Мөнхбаатарын нэрэмжит "Хан Жаргалант хайрханы хишиг" улс, аймаг, цэргийн цолтой хүчит 128 бөхийн барилдаанд улсын начин Э.Батмагнайгаар долоо даван түрүүлэв.

БАРИМТ 3

2025.03.30-Увс аймгийн түүхт 100 жилийн ойд зориулсан улс, аймаг, цэрэг, сумын цолтой хүчит 128 бөхийн барилдаанд улсын харцага Б.Цэдэнсодномоор долоо даван түрүүлэв.

БАРИМТ 4

2024.05.26-Ховд аймгийн Дарви сумын түүхт 100 жилийн ойд зориулсан, Дэлхийн аварга, олимпын хүрэл медальт, Монгол Улсын гавьяат тамирчин, Монгол Улсын начин Равдангийн Даваадалайн нэрэмжит улс, аймгийн алдар цолтой хүчит 128 бөхийн барилдаанд аймгийн арслан Б.Тайванаар долоо даван түрүүлэв.

БАРИМТ 5

2024.05.10-Увс аймгийн Тэс сумын түүхт 100 жилийн ойд зориулсан улс, аймгийн алдар цолтой хүчит 128 бөхийн барилдаан улсын харцага Т.Баасанхүүгээр долоо даван түрүүлэв.

Баянхонгор аймгийн Баацагаан сумын харьяат, улсын начин А.Норовын нэрэмжит барилдаанд Ховд аймгийн Зэрэг сумын харьяат, "Аврагч" спорт хороо, "Монтед Констракшн", "Асиан Сити" ХХК, "Валькан" групп, "Ховд" дэвжээний бөх, улсын заан Б.Бат-Өлзий долоо даван түрүүллээ. Энэ түрүү нь түүний зааланд түрүүлж буй 32 дахь түрүү нь юм. "Баавгай" заан Б.Бат-Өлзийгийн сүүлийн таван түрүүг онцолж байна.