БАРИМТ 1
Жүжигчин Т.Энэрэл 1988 оны тавдугаар сарын 26-нд төрсөн. Түүний 37 насны төрсөн өдөр өчигдөр болсон.
БАРИМТ 2
Тэрбээр СУИС-ийг 2010 онд төгссөнөөсөө хойш Төв аймгийн “Монгол туургатан” театраар овоглосон.
БАРИМТ 3
Театрынхаа “Миний чинь зоригт бяцхан найз” хүүхдийн жүжгийнхээ дүрээр “Гэгээн Муза” олон улсын театрын наадмын шилдгээр тодорч байсан.
БАРИМТ 4
Т.Энэрэл оюутан байхдаа “Амилсан хайр”, “Хайрын бэлэг” гэхчилэн дэлгэцийн уран бүтээлд тоглож, театрын босго давсныхаа дараа ч МҮОНТ-ийн “Амьдрал чиний төлөө”, “Боловсрол” телевизийн “Гурван найз”, “Хайр эргэсэн хавар” олон ангит, мөн “Админ Зэт”, “Эцсийн зогсоол Э цэг”, “Алтан судал”, “Seasons of love” кинонд ажилласан бол хамгийн сүүлд “Сүрэг”, “Шар гэгээ” уран сайхны киногоор үзэгчидтэй уулзаж байсан нэгэн.
БАРИМТ 5
Харин тайзны уран бүтээлийн хувьд “Pro” театрынхны хүргэсэн Виктор Хюгогийн “Инээмтгий хүн” визуал драмын жүжгийн гол дүр Дея, Александр Дюмагийн “Шадар гурван цэрэг” физикл драмын жүжгийн Констанция Бонасьегийн дүрээр тайзнаа гарсан.
БАРИМТ 6
Тэрбээр энэ жил буюу 2025 онп "Ододтой бүжиглэе" шоу нэвтрүүлэгт оролцож, шилдгээр шалгарсан. Мөн Өнгөрсөн долоо хоногт шилдгүүдээ шалгаруулсан "Гэгээн Муза" театрын урлагийн шилдэг шагнал хүртсэн юм. Тэрбээр хоёр дахь удаагаа “Гэгээн муза” наадмын шилдэгийн цомыг хүртэж буй нь энэ.
БАРИМТ 7
Дэлгэцэнд мөнхөрсөн, кино урлагийн “алтан үе”-ийн уран бүтээлчдийн үр хүүхэд, ач зээ нар авьяас, мэргэжлийг нь өвлөж яваа жишээ олон. Тэдний нэг нь жүжигчин Т.Энэрэл.
БАРИМТ 8
Түүний өвөө нь “Хөхөө гэрлэх дөхлөө”, “Түмний нэг”, “Салхины амт” зэрэг кино, 60 орчим жүжгийн гол болон туслах дүрд тоглож, “Сахиуст цэрэг” жүжгийн зохиол бичиж, найруулсан Б.Дашдаваа агсан юм.
БАРИМТ 9
Тэрбээр өвөөгийнхөө талаар “Хүүхэд байхаасаа л өвөөгийнхөө тоглосон кинонуудыг үзэж өссөн, Гэхдээ би жүжигчин Б.Дашдаваагийн ач охин гэж хэлэхээсээ эмээдэг” гэсэн.
БАРИМТ 10
Урлагын салбараас бие биеэ олж, олны хайр хүндэтгэл, итгэлээр хайр сэтгэлээ "өрдөж" яваа залуу хосуудын нэг бол О.Итгэл, Т.Энэрэл нар юм. Тэд 2009 онд танилцаж байсан бөгөөд өдгөө тэд хоёр хүүхдийн аав ээж.
Сэтгэгдэл (5)