БАРИМТ 1
1981 оны есдүгээр сарын 22-нд ЗХУ-ын Туркменистан улсын Ашхабад хотод мэндэлжээ.
БАРИМТ 2
Түүний бүтэн нэрийг Сердар Гурбангулыевич Бердымухамедов гэдэг.
БАРИМТ 3
Түүний аав Гурбангулы Мяликгулевич Бердымухамедов нь шүдний эмч байсан бөгөөд хожмоо Туркменистаны ерөнхийлөгч болсон.
БАРИМТ 4
Тэрбээр 90-ээд оны сүүлээр Ашхабад хотдоо ахлах сургуулиа төгссөн бөгөөд 2001 онд С.А.Ниязовын нэрэмжит Туркмений Хөдөө аж ахуйн их сургуулийг инженер-технологч мэргэжлээр төгссөн.
БАРИМТ 5
1997 онд түүний аав улс төрийн үйл ажиллагаагаа эхлүүлж, тэр даруй Эрүүл мэнд, эмнэлгийн аж үйлдвэрийн сайд болж, 2001 онд Ерөнхийлөгч Сапармурат Ниязов тэргүүтэй тус улсын Сайд нарын танхимын дэд дарга нарын нэг болжээ .
БАРИМТ 6
Сердар 2001 онд их сургуулиа төгсөөд тэр даруй төрийн байгууллага болох Туркменистаны Хүнсний аж үйлдвэрийн нийгэмлэгийн Гадаад эдийн засгийн харилцааны хэлтсийн ахлах мэргэжилтнээр ажиллаж эхэлсэн байна.
БАРИМТ 7
Үүний зэрэгцээ, албан ёсны мэдээллээр тэрбээр 2001-2003 онд Туркменистаны Зэвсэгт хүчинд алба хааж байсан. Гэвч зарим нь түүнийг жинхэнэ алба хаагаагүй, арын хаалгаар хаасан гэдэг. Энэ үед түүний аав Гурбангулы Бердымухамедов Эрүүл мэнд, эмнэлгийн аж үйлдвэрийн сайд, мөн Бүгд найрамдах улсын Сайд нарын танхимын орлогч даргаар үргэлжлүүлэн ажиллаж байжээ.
БАРИМТ 8
Албан ёсны мэдээллээр 2003-2006 онд Сердар Бердымухамедов тус Хүнсний үйлдвэрийн нийгэмлэгийн Жимс, хүнсний ногооны үйлдвэрийн ерөнхий газрын ахлах мэргэжилтнээр ажиллаж байсан бөгөөд 2006 оны 12-р сард аав нь засгийн эрхэнд өөрөөр хэлбэл ерөнхийлөгч болсон юм.
БАРИМТ 9
Тухайн үед Бердымухамедовын гэр бүл болон тэдний төрөл төрөгсөд тус улсын хүнс, ундааны үйлдвэрийг бараг бүрэн монопольчлолд оруулсан бөгөөд Сердар Бердымухамедов хувьдаа тус улсын дарс, архины бизнест хөл тавьж амжилттай байлаа.
БАРИМТ 10
2008-2011 онд дипломат болон бусад ижил төрлийн тусгай боловсролгүй тэрээр Москва дахь ОХУ-д суугаа өөрийн улсын Элчин сайдын яаманд сайдын зөвлөхөөр ажиллаж байжээ. Тэрбээр 2011 онд ОХУ-ын нийслэлд дипломатчаар ажиллаж байхдаа ОХУ-ын ГХЯ-ны Дипломат академийг “ Олон улсын харилцаа ” мэргэжлээр хоёрдугаар дээд боловсролын хөтөлбөрөөр төгссөн байна.
БАРИМТ 11
2011-2013 онд тэр Швейцарийн Женев дэх НҮБ-ын төлөөлөгчийн газрын дэргэдэх Туркменистаны Байнгын төлөөлөгчийн газрын зөвлөхөөр ажиллаж байсан. Тэр энэ хугацаандаа англи хэл сурж байлаа. 2013 онд Швейцарь улсаас буцаж ирээд Туркменистаны ГХЯ-ны Европын орнуудын хэлтсийн даргаар томилогдсон бөгөөд үүний дагуу Сердар Бердымухамедов 2014 он хүртэл ГХЯ-ны ажлаа орхих хүртэл улс орныхоо Европын орнуудад чиглэсэн гадаад бодлогод шууд хяналт тавьж байв.
БАРИМТ 12
2013 онд тэрбээр тус улсын хамгийн баян, нөлөө бүхий агентлагуудын нэг болох Туркменстаны Нүүрс устөрөгчийн нөөцийн ашиглалт, менежментийн агентлагийн дэд даргаар томилогдсон. Тус хэлтэст 2016 он хүртэл дэд даргаар ажиллаж байгаад 2015 оны 7 дугаар сард техникийн ухааны доктор болсон.
БАРИМТ 13
2016-2017 онд Туркменистаны ГХЯ-ны Олон улсын мэдээллийн газрын даргаар ажиллаж байсан. 2016 оны арваннэгдүгээр сард тэрбээр эрх баригч Ардчилсан намаас парламентын сул суудлын нөхөн сонгуулиар тухайн үеийн нэг танхимтай Туркменистаны 5-р удаагийн Межиллийн депутатаар сонгогдсон. 2018 оны 3-р сарын 25-нд болсон парламентын ээлжит сонгуулиар тэр эрх баригч Ардчилсан намаас тухайн үеийн нэг танхимтай Туркменистаны Межиллийн VI хурлын депутатаар сонгогдсон. Тэрбээр 2019 оны нэгдүгээр сарын 1-нийг хүртэл Гадаад харилцааны дэд сайдаар ажиллаж байхдаа УИХ-ын гишүүний албыг давхар хашиж байсан.
БАРИМТ 14
2017 оны 10-р сарын 27-нд тэрбээр дэд хурандаа цол, мөн "Эх орон, ард түмнийхээ төлөө" гэсэн тодотголтой " Мяликгулы Бердымухамедов " медалиар шагнагджээ. Шагнал гардуулах үеэр тэр бүрэн цэргийн дүрэмт хувцас өмссөн байв.
БАРИМТ 15
2022 оны хоёрдугаар сарын 14-нд эрх баригч Ардчилсан нам Сердар Бердымухамедовыг Ерөнхийлөгчийн ээлжит бус сонгуульд нэр дэвшүүлэв. Түүний аав Бердымухамедов дахин нэр дэвшихээс татгалзсан шалтгаанаа “залуу удирдагчдад зам тавьж өгөх хүсэлтэй" байгаатайгаа холбон тайлбарласан. 2022 оны 3-р сарын 12-нд Сэрдар ялалт байгуулж, албан ёсны мэдээллээр 72.97 хувийн санал авсан. Энэ сонгуулийг олон улсын ажиглагчид хуурамч гэж үзсэн.
БАРИМТ 16
Сердар Бердымухамедов 2001 онд 20 настайдаа гэрлэсэн. Эхнэрийнх нь нэр, намтар түүхийн талаар юу ч мэдэгдээгүй ч ээжийнх нь адил эхнэрийг нь Огулгерек гэдэг гэсэн яриа байдаг.
БАРИМТ 17
Тэд нэг хүү, гурван охинтой. Охидуудынх нь хувьд Керимгули 2002 онд төрсөн, Огулбабек 2004 онд төрсөн, Айгүл 2008 онд төрсөн гэдэг. Харин хүүгийнх нть мэдээлэл тун хомс.
БАРИМТ 18
Тэрбээр гэр бүлийн хувийн амьдралаа олон нийтэд зарлагддаггүй. Маш нууц байлгадаг.
БАРИМТ 19
Түүний санаачилгаар 2022 онд Туркменистанд эмэгтэйчүүд гоо сайхны бүтээгдэхүүн хэрэглэх, контурын гоо сайхны мэс засал хийлгэх, маникюр хийлгэх, үсээ будах, бариу хувцас, жинсэн өмд өмсөх, машин жолоодох, машины урд суудалд суухыг хориглосон.
БАРИМТ 20
Мөн тэр үр хөндөлтийг хориглосон.
БАРИМТ 21
Тэр бол Туркменистаны хоёр дахь ерөнхийлөгч Гурбангулы Бердымухамедовын цорын ганц хүү.
БАРИМТ 22
Сердар Бердымухамедов болон түүний гэр бүлийнхэн Ашхабадаас баруун өмнө зүгт 25 км-т орших Арчабил дүүргийн Фирюза голын хөндийд уулсаар хүрээлэгдсэн байшинд байнга оршин суудаг байна.
БАРИМТ 23
Ажиглагчид түүнийг ер бусын, хачин намуухан хоолой, сонсоход тааламжгүй, бараг сонсогдохгүй, нэг хэвийн ярианы хэлбэртэй гэж дүгнэсэн.
БАРИМТ 24
Туркменистаны ерөнхийлөгч, Зэвсэгт хүчний дээд ерөнхий командлагчаар ажиллаж байна.
Сэтгэгдэл (45)