БАРИМТ 1
Лабубу нь туулайн чихтэй, ярзгар шүдтэй тоглоом бөгөөд анх 2015 онд Гонконгийн зураач Кесин Лунгийн бүтээл юм.
БАРИМТ 2
Тэрбээр бага насандаа дуртай байсан Нордикийн ардын аман зохиол болон домог зүйн "Мангасууд" цувралынхаа хүрээнд танилцуулж байжээ.
БАРИМТ 3
2019 онд тэрбээр Хятадын Pop Mart компанитай гэрээ байгуулж, энэ тоглоомыг албан ёсоор үйлдвэрлэж эхэлсэн байна. Тус үеэс Лабубу хүүхэлдэйнүүд “blind box” буюу нууцлаг хайрцагтайгаар худалдаалагдах болсон юм.
БАРИМТ 4
Тухайн үед олны анхаарлыг төдийлөн татаагүй ч 2024 онд Blackpink хамтлагийн дуучин Лизагийн нөлөөгөөр дэлхий даяар Лабубу шуурга дэгдэв.
БАРИМТ 5
Ийнхүү азийн орнуудаас эрчтэй алдаршсан Labubu одоо дэлхийн зах зээлд хүч түрэн орж ирж байгаа бөгөөд ялангуяа залуусын дунд цуглуулгын үнэт зүйл болон хувирчээ.
БАРИМТ 6
Үнийн хувьд тус тоглоом $20-$1,800 хүртэл, зарим ховор загварууд нь үүнээс ч үнэтэй байдаг аж. Хамгийн их зарагдсан загваруудын нэгээр Рианнагийн L.V цүнхийг чимсэн ягаан өнгөтэй labubu тодорчээ.
БАРИМТ 7
Лабубу эрчийг авахаас өмнө зах зээл нь агшилттай байсан Pop Mart-н зах зээлийн үнэлгээ 2024 онд 2.4 дахин нугарч өдгөө $37.3 тэрбумд хүрээд буй.
БАРИМТ 8
Лабубу тоглоом нийт 300 гаруй төрөлтэй. Гэсэн хэдий ч хязгаарлагдмал тоогоор худалдаалагддаг учир маш хурдан зарагдаж дуусдаг байна.
БАРИМТ 9
Их Британийн зах зээлд эрэлт нь хэт өндөр болсон тул тоглоомын худалдааг түр хугацаагаар зогсоох шийдвэрийг үйлдвэрлэгч нь гаргалаа. Энэхүү шийдвэрийг Pop Mart UK компани зарлаж, дэлгүүрийн гадна үүсээд буй урт дараалал нь хэрэглэгчдийн аюулгүй байдал, тав тухыг алдагдуулах эрсдэлтэй болсныг онцолсон байна.
БАРИМТ 10
Мөн Хятадын гааль дээр хураагдсан эд зүйлсийн жагсаалтад хар тамхи эсвэл зэвсэг бус харин чихмэл тоглоом олноор хураагдах болжээ.
Сэтгэгдэл (5)