ЭШЛЭЛ 1
Засгийн газрын хамгийн том мега төсөл бол хүний хөгжил. Иймээс "Эрүүл монгол хүн" байх чухал. Өвдөж, ядарсан хүмүүстээ эрүүл мэндийн тусламж үйлчилгээг чанартай, хүртээмжтэй хүргэж, эдгээж анагаах нь нэн тэргүүний зорилт.
ЭШЛЭЛ 2
Эмч, эмнэлгийн ажилтнуудад оногдох ачаалал их байна. Тухайлбал, ХӨСҮТ-ийн эмч, эмнэлгийн ажилтнуудад оногдох ачаалал 2-3 дахин их байгаа юм.
ЭШЛЭЛ 3
Эрүүл мэндийн санхүүжилтийн тогтолцоо оновчгүй байна. Вакцинжуулалтын бодлого алдагдсан байна. Эрүүл мэндийн тусламж, үйлчилгээний чанарт анхаарах цаг иржээ.
ЭШЛЭЛ 4
ХӨСҮТ-д мэргэжлийн удирдлага дутагдаж байна. Улаанбурханаар 10-14 насны хүүхдүүд хамгийн их өвчилж байгаа нь 2010-2015 оны вакцинжуулалт чанаргүй болсныг харуулж байна.
ЭШЛЭЛ 5
Наадмаас өмнө яаралтай арга хэмжээ авч, хичээл эхлэх хүртэлх гурван сарын хугацаанд өндөржүүлсэн бэлэн байдлын зэрэгт бараг ажиллаж, улаанбурхан өвчний дэгдэлтийг хязгаарлах үүрэг өгч байна.
ЭШЛЭЛ 6
Наадам болох гэж байгаа учраас Улаанбурхан өвчнөөс сэргийлэх болон бусад мэдээллийг түгээж ажиллах хэрэгтэй байна.
ЭШЛЭЛ 7
Дархлаажуулалтын дунд, урт хугацааны бодлогыг хэрэгжүүлэх хэрэгтэй байна. Хичээлийн шинэ жил эхлэхээс өмнө дархжаалуулалтад хамрагдаагүй хүүхдүүдийг хамруулах ажлыг улс орон даяар эхлүүлэх шаардлагатай.
ЭШЛЭЛ 8
Халдварт өвчинтэй тэмцэх, урьдчилан сэргийлэх ажлын шаардлагатай төсвийг улсын төсвөөс олгоно гэсэн хуулийн заалтын дагуу гүйцэтгэлийн санхүүжүүлэлттэй зөрчилдөж байгаа асуудлыг шийдвэрлэх санал санаачилга, тооцооллоо гаргаж, ирэх Засгийн газрын хуралдаанд танилцуулах хэрэгтэй байна.
ЭШЛЭЛ 9
Эрүүл мэндийн яамны дотоод зохион байгуулалт, удирдлагаас шалтгаалаад энэ онд худалдан авахаар төсөвлөсөн 60 тэрбум төгрөгийн тоног төхөөрөмжийн асуудал төсвийн хэмнэлтэд тооцогдлоо. Авч чадаагүйдээ дүгнэлт хийх хэрэгтэй.
ЭШЛЭЛ 10
Эрүүл мэндийн салбар хүний төлөө, хүн ардынхаа эрүүл мэндийн төлөө гэсэн эрхэм зорилгын дор энэрэнгүй, асрангуй философи, үзэл санааг нэвтрүүлж, салбар доторх элдэв зөрчил, хагарлыг таслан зогсоож, нийтийн сайн сайхны төлөө нэгдсэн бодлоготой, нэг сэтгэлтэй ажиллахыг даалгаж байна.
ЭШЛЭЛ 11
Хүн ардынхаа сайн сайхны төлөөх эрх ашгаас урваж, явцуу бүлэглэлийн эрх ашиг, хувийн эрх ашгийг өмнөө тавьж болохгүй. Авилгал, ашиг сонирхол, гэмт үйлээс хол байж "Эрүүл монгол хүн"-ий төлөөх тогтолцоог бий болгох шаардлагатай байна.
ЭШЛЭЛ 12
Бүх яамны дэргэд ёс зүйн хороо байгуулагдаж ажиллана. Засгийн газарт Үндэсний хороо, бүх яаманд дэд хороо ажиллана.
ЭШЛЭЛ 13
Эдийн засгийн байдал хүнд байгаа ч багш болон эмч, эмнэлгийн ажилтнуудын цалин хөлс, урамшуулал, нийгмийн асуудлыг шийдэхэд бололцооныхоо хэмжээнд дэмжиж ажиллах болно.
ЭШЛЭЛ 14
Тусдаа банк байгуулж, орон сууцжуулалтын ажлыг хэрэгжүүлнэ. Эхний ээлжинд гэр хороололд амьдардаг эмнэлгийн ажилтнуудыг хамруулах бодлого боловсрулж ирэхийг үүрэг болгосон. Ирэх оноос бодлого хэрэгжээд явна.
ЭШЛЭЛ 15
Өргөсөн тангарагтаа үнэнч байж, нэр хүндээ өндөрт өргөж ажиллахыг хүсэн ерөөе. Цар тахлыг амжилттай давж, хүн ардаа эрүүлжүүлж ажиллаж буй үйлсээр тань монголын ард түмэн, Монгол Улсын Засгийн газар бахархаж байгаа. Урьдчилан сэргийлж болох өвчлөлөөр хүний амь нас эндэхгүй байх тогтолцоог бүрдүүлэхийн төлоөө та бүхэн гар сэтгэл нийлж ажиллана гэдэгт итгэж байна.
Сэтгэгдэл (19)