БАРИМТ 1
Тэрбээр 1957 оны долоодугаар сарын 24-нд Бүгд найрамдах Зөвлөлт Узбек Улсын Жизак мужийн Заамин тосгонд төрсөн. Узбекистаны төрийн болон улс төрийн зүтгэлтэн юм.
БАРИМТ 2
Заамин суурингийн орос хэлээр сургадаг 60 дугаар дунд сургуульд сурч төгсөөд Ташкент руу явж, Ташкентын Усжуулалт, нөхөн сэргээлтийн дээд сургуульд элсэн орж, 1981 онд механик инженер мэргэжлээр төгссөн байна.
БАРИМТ 3
Дээд сургуулиа төгсөөд төрөлх сургуульдаа үлдэж, 1981-1992 онд эхлээд бага эрдэм шинжилгээний ажилтнаар ажиллаж, дараа нь техникийн шинжлэх ухааны нэр эрдэмтний зэрэг хамгаалж, сургуулийнхаа тэргүүн проректороор ажиллаж байжээ.
БАРИМТ 4
Тэрбээр 2003 оны арванхоёрдугаар сарын 12-нд Бүгд Найрамдах Узбекистан Улсын Ерөнхий сайдаар томилогдож байв. Тус албан тушаалыг 2016 он хүртэл хашиж байхдаа Бүгд найрамдах улсын нөлөө бүхий улс төрч болж чаджээ.
БАРИМТ 5
2016 оны арванхоёрдугаар сарын 4-нд болсон Ерөнхийлөгчийн сонгуульд Шавкат Мирзиеев 88,61 хувийн санал авч ялалт байгуулсан.
БАРИМТ 6
Ийнхүү тэрбээр 2016 оны арванхоёрдугаар сарын 14-нөөс Бүгд Найрамдах Узбекистан Улсын Ерөнхийлөгч, Узбекистаны Зэвсэгт хүчний Дээд Ерөнхий Командлагчаар томилогдсон. Улмаар 2023 оны долоодугаар сарын 9-нд тус улсын ард иргэд түүнийг ерөнхийлөгчийн албанд улираан сонгожээ.
БАРИМТ 7
Тэрбээр төрийн жолоог атгасан эхний өдрүүдээсээ л жинхэнэ үндэсний удирдагчийн шинжийг харуулсан юм. Мирзиёев нөхцөл байдлыг цаг алдалгүй ухаалгаар үнэлж, ирээдүйн боломжийг тодорхойлсон зорилтуудыг дэвшүүлж, ард түмэнд итгэл найдвар өгч байлаа. Хүнд үеийг ухаалаг бодлого, зоримог шийдвэрээр даван туулж, улс орны байдлыг тогтворжуулан, эдийн засгийн уналтаас аварч чаджээ.
БАРИМТ 8
Шинэ Узбекистаныг бүтээхэд оруулсан түүний хувь нэмрийг дутуу үнэлэх аргагүй. Мирзиёевийн хувьд тэрбээр шинэчлэгч гэхээсээ илүүтэй хуучны тогтолцоонд ойр улстөрч байв.
БАРИМТ 9
Тэрбээр өөдрөг үзэлтэй удирдагч бөгөөд Уинстон Черчиллийн хэлсэн “Гутранги үзэлтэй хүн боломж бүрээс бэрхшээлийг түрүүлж олж хардаг, харин өөдрөг хүн бэрхшээл болгоноос боломжийг олж хардаг” гэдэг үгийг ихэд онцолдог. Тэрбээр өөрчлөлтөөс айдаггүй бөгөөд шаардлагатай цаг үед өөрчлөлт хийж чаддаг удирдагч гэдгээ нотлон харуулж чадсан юм.
БАРИМТ 10
Түүний талаар The National Interest (АНУ) сэтгүүлд “Мирзиёев улс төрийн хуучин чиг шугамаас эрс татгалзаж, Шинэ Узбекистаныг бүтээх өөрийн гэсэн стратегийг тодорхойлсон. Шинэчлэлүүд улс орны бүхий л салбарыг хамарч байна” хэмээн бичжээ.
Сэтгэгдэл (14)