БАРИМТ 1
Монгол Улсын Гавьяат жүжигчин цол хүртсэн Д.Бямбацогт Завхан аймгийн Тосонцэнгэл суманд төрсөн. Нийслэлийн 28 дугаар сургуулийг төгссөн.
БАРИМТ 2
Арван жилээ төгсөхөд нь буюу 1985 онд УБДС-ийн кино драмын ангийн хуваарь байгаагүй учраас Төмөр замын техникумд нэг жил сураад цэрэгт явжээ. Барилгын цэргийн 0119-р ангид алба хааж, халагдах жилээ УБДС-ийн кино, драмын ангид элсэх шалгалт өгөхийн тулд цэргээс оргож байжээ.
БАРИМТ 3
Тэрбээр гимнастикийн спортын гуравдугаар зэрэгтэй, волейболын спортын дэд мастер цолтой нэгэн. Мөн багадаа үлээвэр хөгжмөөр хичээллэж байжээ.
БАРИМТ 4
МУГЖ Д.Бямбацогт уг нь алиалагч болно гэж боддог байсан агаад тийн бодоход нь Чарли Чаплин, Юрий Никулин гэх жүжигчид их нөлөөлсөн гэдэг.
БАРИМТ 5
Тэрбээр өнөөдөр (2025.07.08) хамтдаа, нэг өдөр МУГЖ цол хүртсэн жүжигчин Р.Анхнямыг “Сприптиз блюз” жүжигт тоглуулж байжээ.
БАРИМТ 6
Тэрбээр Өдрийн сонинд ярилцлага өгөхдөө "Дүр гэдэг үр", "Дүрээр маань ард түмэн мэдэж байна гэдэг сайхан. Энэ л жүжигчин хүний амьдралын утга учир, авьяасынх нь хариуд барьсан бурхны хишиг шүү дээ" хэмээн дурдаж байж.
БАРИМТ 7
Тэрбээр оюутан байхдаа “Хүн чулууны нулимс” кинонд цэрэг малгайтай, буу бариад дүр бүтээж явжээ. Хамгийн анхны гол дүр бүтээсэн кино нь “Ноён солиот” юм. Түүний хайртай дүр нь “Зүрхэнд шивнэсэн үг” киноны Мухар Базарын дүр боловч дүрийнхээ мөн чанарт дургүй гэж ярьж байжээ.
БАРИМТ 8
Түүнийг хамгийн их зовоосон дүр нь “Улаан эрэг” киноны Балдановын дүр аж. Тэрбээр "би цайлган талдаа, өгье гэвэл өгчихдөг Дамбий шиг л хүн" хэмээн өөрийгөө тодорхойлжээ.
