БАРИМТ 1
Тэрбээр 1980 оны хоёрдугаар сарын 21-нд Увс аймгийн Улаангом хотод төржээ.
БАРИМТ 2
2000 оноос Монгол улс төдийгүй нийт Монгол угсаатны дунд танигдсан зохиолын дуучин болсон.
БАРИМТ 3
2009 онд Монгол улсын гавьяат жүжигчин цолоор шагнуулжээ.
БАРИМТ 4
2016 оны Монгол Улсын Их Хурлын ээлжит сонгуулиар бие даан нэр дэвшиж ялалт байгуулснаар 2016-2020 онд УИХ-ын гишүүнээр ажилласан.
БАРИМТ 5
Тэрбээр Улаангом хотод ойрад-дөрвөдийн яст монгол үндэстэн Даржаагийн Самандын хөвүүн болон төржээ. Дээрээ нэг ах, хоёр эгч, доороо нэг охин дүүтэй буюу таван хүүхэдтэй айлын дөрөв дэх нь юм.
БАРИМТ 6
Түүний эцэг Даржаагийн Саманд инженер, шүлэг зохиодог хүн байсан бол эх Лхагвын Тогтох нь дунд сургуулийн түүх, газар зүйн багш байв.
БАРИМТ 7
Жавхлан Улаангомын II 10 жилийн дунд сургуулийг дүүргээд, 1997 онд 17 настайдаа Улаанбаатарт ирж СУИС-т дуурийн дуучны ангид элсэн сураад 2003 онд бакалавр зэрэгтэй төгссөн.
БАРИМТ 8
Ахиулан дуурийн дуучин Гонгорын Хайдав багшийн удирдлага дор Хүмүүнлэгийн Ухааны Их Сургуулийг урлаг судлаачийн мэргэжлээр сурч, 2006 онд магистр зэрэг хамгаалжээ.
БАРИМТ 9
Оюутан С.Жавхлан нэг сургууль, нэг ангийн Т.Баясгалантай хослон дуулж уран бүтээлчийн замналаа эхлүүлсэн. Тэд 2000 онд Мөнхрөх ч биш дээ хоёулаа, Хонгорхон үр минь гэх хоёр дуугаараа анх монголы түмэн олонд танигдсан. 2001 оны Насны хайр нь тэр хоёрыг монголчуудын дунд алдаршуулжээ.
БАРИМТ 10
Тэрбээр 2003-2015 онд Чөлөөт уран бүтээлчээр Монгол орныхоо бүх аймаг, хотуудаар 6 удаа тойрч, аялан тоглолт хийжээ.
БАРИМТ 11
Монгол туургатан Өвөр Монгол, Шиньжян Уйгурын өөртөө засах орнууд, Бүгд Найрамдах Буриад Улс, Бүгд Найрамдах Тува Улс, Бүгд Найрамдах Халимаг Улсуудад удаа дараа уригдан очиж байснаас гадна Япон, АНУ, БНСУ, Европын холбооны улсууд зэрэг дэлхийн 30-аад оронд уран бүтээлийн тоглолт хийж, ая дуугаа өргөсөн нэгэн.
БАРИМТ 12
Мөн Өөрийн санаачилсан "Хамаг Монгол" төслийн хүрээнд Буриад, Өвөр Монгол, Халимаг, Тува зэрэг улсуудын цэнгэлдэх хүрээлэнд Монгол туургатны уран бүтээлчдийн хамтарсан тоглолтоо толилуулж байв.
БАРИМТ 13
Түүнийг Монголчууд "Нийтийн дууны ханхүү" хэмээн хочилдог.
БАРИМТ 14
2009 онд Монгол улсын гавьяат жүжигчин, 2015 онд Тува улсын гавьяат жүжигчин, 2023 онд Буриадын төлөө одон, гавьяат жүжигчин, 2024 онд Халимагийн Гавьяат жүжигчин цолыг тус тус хүртсэн. Өөрөөр хэлбэл тэр 4 улсын гавьяат жүжигчин юм.
БАРИМТ 15
Түүний эхлүүлсэн Монгол туургатанд гал бадраах ёслол болох “Хамаг Монгол” төслийн хаалт 2013 оны 09 сарын 28-нд Чингисийн талбайд болсон. Төслийн хаалтын ёслолд 250 гаруй уран бүтээлчид ирж оролцсон бөгөөд эдгээрээс Халимаг, Тува, Өвөрмонголоос нийт 120 зочин хүрэлцэн иржээ. Тоглолтонд МУГЖ Т.Ариунаа, С.Жавхлан, Г.Эрдэнэчимэг, Харанга хамтлагийн Лхагвасүрэн, Хар сарнай хамтлагийн Амармандах, Номинталст хамтлагийн Дэлгэрмөрөн, Халимагийн дуучин Шараан Бадамхаалга, Чингис Раднаев, Машбатын Баясгалан, Монгуш Сайдаш, Халимаг бүжигчид, Тува бүжигчид,Буриадын байгал чуулгын бүжигчид, ҮДБЭЧ – ын уртын дуучид болон СУИС - ийн уртын дууч, морин хуурч нийлсэн 99 уртын дууч, 33 морин хуурчид зэрэг олон олон уран бүтээлчид оролцож байлаа.
БАРИМТ 16
Тэрбээр "Харин" (2004), "Хүүгийн бодол" (2005), "Исгэрээ" (2006), "Самандын Жавхлан" (2006), "Би Монгол хүн" (2006), "Чононгоо" (2007), "Надаас чамд" (2008), "Хайрын талст" (2008), "Өмөлзөж харамлах нутаг" (2010), "Гал Дуудсан Монгол Аялгуу" (2012), "Нутгаа санасан Монгол," "Хамаг монгол" (2014), "Манай Монгол Мандана" (2019) зэрэг 10 гаруй цомогтой.
БАРИМТ 17
Тэрбээр өнгөрсөн 30 орчим жилд 300 гаруй дууг олны хүртээл болгожээ. Тухайлбал, "Буурал даргын нутаг", "Сартай шөнө", "Ээжийн чанасан цай" зэрэг дууг нь мэдэхгүй хүн Монголд ховор.
БАРИМТ 18
Үзэгч сонсогчид Жавхлан Баясгалан хоёрыг хослон дуулсаар гэрлэх байх гэж хардаг байсан ч эсрэг эргэж 2003 оноос хамт дуулахаа ч больжээ. Жавхлан тэд амрагийн харьцаатай байгаагүйг батлаж "Баясгалан миний найзтай үерхдэг байсан" гэж хэлсэн байдаг.
БАРИМТ 19
С.Жавхлан 2007 онд "Торгоны зам" компанийн захирал Гантөмөрийн охин, Ховдын уугуул, Германд эмчийн мэргэжил эзэмшиж ирсэн Г.Долгормаатай нийлсэн ч жилийн дараа салав. Амьдрах хэв маяг зөрөлдсөн гэдэг. Охин Юм-Агь нь эх дээрээ үлджээ.
БАРИМТ 20
2010 онд Архангайн Булган сумын уугуул, уртын дууны "Шуранхай" хамтлагийн дуучин Гантөгсийн Эрдэнэчимэгтэй гэрлэж, хүүхдүүдтэй болсон. Тэд хэдхэн жилийн өмнө салсан.
БАРИМТ 21
Тэрбээр эхнэрээ хотоос хөдөө аваачин араг түшүүлэн төрүүлж олныг цочирдуулсан байдаг.
БАРИМТ 22
2010 оноос хойш С.Жавхлан Монгол ёс уламжлалаа дээдлэх, олонд таниулах үүднээс байнга дээл өмсөж, үсээ ургуулах болжээ. Тэр ч бүү хэл сонгуулийн сурталчилгаандаа морь унаж, үхэр тэрэг хөллөж байв. С.Жавхлангийн гэр бүл европ хувцаснаас татгалзаж, байнга дээл өмсдөг болсон.
БАРИМТ 23
2016 оны УИХ-ын сонгуулийн 54-р тойрог Баянзүрх дүүрэгт бие даан нэр дэвшиж, 41.9% (11,029 хүн) санал авч ялалт байгуулснаар УИХ гишүүн болов.
БАРИМТ 24
2009 оны УИХ-ын 24-р тойргийн нөхөн сонгуульд Чингэлтэй дүүрэгт бие даан нэр дэвшиж 3.8 хувь санал авсан. 2012 оны УИХ-ын сонгуулийн 15-р тойрог, Увс аймагт МАХН-аас нэр дэвшиж 11.36 хувь (4251 хүн) санал авчээ. 2020 оны 5 дугаар сард Ардчилсан Намд элсэж, УИХ-ын сонгуулийн 15-р тойрог Увс аймагт тус намаас нэр дэвшсэн, 28.4% (12,403 хүн) санал авсан. 2024 оны УИХ-ын сонгуулийн 2-р тойрог, Увс, Завхан, Говь-Алтай, Ховд аймагт Бүгд найрамдах намаас нэр дэвшиж, 13.4% (18,883 хүн) санал авсан.
Сэтгэгдэл (1)