БАРИМТ 1
Мөнхжаргалын Бэлгүтэй нь Дорнод аймгийн Баян-Уул суманд 1993 оны тавдугаар сарын 05-нд мэндэлжээ.
БАРИМТ 2
Биеийн өндөр 181 см, биеийн жин 125 кг.
БАРИМТ 3
"Дорнын Хүчтэн" дэвжээ, "Хилчин" спорт хороо, ХЦ-0208 ангийн бөх.
БАРИМТ 4
2012 онд Сумын заан болж байжээ.
БАРИМТ 5
2014 оны Орхон аймгийн баяр наадамд тав давж шөвгөрөн "Аймгийн начин" цол хүртсэн. Дараа жил нь Дорнод аймгийнхаа баяр наадамд тав давж шөвгөрөн начин цолоо баталж "Нэмэх" чимэг авчээ.
БАРИМТ 6
Улмаар 2020 оны Дорнод аймгийн баяр наадамд аймгийн заан Л.Отгонбаатараар долоо давж түрүүлэн "Аймгийн арслан" цол хүртсэн байна.
БАРИМТ 7
Тэрбээр сумын цолтны ээлжит барилдаанд таван удаа шөвгөрсөн.
БАРИМТ 8
МҮБХ-ноос зохион байгуулсан аймаг, цэргийн начин цолтой бөхчүүдийн 2017 оны 10 сарын барилдаанд Архангай аймгийн Ихтамир сумын харьяат аймгийн начин Д.Төрбаяраар тав давж шөвгөрсөн. Мөн 12 сард зохион байгуулагдсан энэхүү барилдаанд аймгийн начин Ч.Мөнхбатаар долоо давж түрүүлсэн.
БАРИМТ 9
2021 онд болсон Улсын харцага Г.Элбэгийн эмчилгээнд зориулсан улс, аймгийн алдар цолтой бөхчүүдийн хандивын барилдаанд их шөвөгт шалгарч байжээ.
БАРИМТ 10
2022 оны зун хүнд бэртэж, хоёр жил бөхийн ертөнцөөс хол байсан тэрбээр өнгөрсөн оны гуравдугаар сараас эхлэн Бөхийн өргөөнд эргэн гарах болсон юм.
Сэтгэгдэл (3)