БАРИМТ 1
Төрийн тахилгатай уулсын тайлга тахилгын ёслолын журмыг 2009 оны зарлигаар баталжээ. Төрийн тахилгатай уул, овооны тэнгэрийг тайх тахилгын ёслолын журмын дагуу ёслолыг тухайн нутгийн тахилгын овооны тус газарт (эртнээс тахиж ирсэн уламжлалтай тэр газарт) нь үйлдэхийг зарлиг болгосон байдаг.
БАРИМТ 2
Ёслолын үеэр төрөө дээдлэхийн билэгдлээр төрийн элч төлөөлөгчдийг эрхэмлэн хүндэтгэх учиртай аж. Гэхдээ энэ нь шашны хуврагуудад хамаарна гэж заажээ.
БАРИМТ 3
Тахилгын ёслолд оролцох лам хуврагууд нь байгаль дэлхийгээ хайрлан хамгаалах тухай сургаалийг түгээн дэлгэрүүлэхэд анхаарах ёстой.
БАРИМТ 4
Ёслолын үеэр шашны хуврагуудын унших ном, үйлдлийг уул, овоо тус бүрийн тайлгын нь онцлогийг харгалзан үзэж, тухайн аймаг, нийслэлийн ИТХ (түүний тэргүүлэгчид, дарга) зохицуулахаар зарлигт тусгасан байна.
БАРИМТ 5
Ёслолын ажиллагааг Зохион байгуулах комисс арга хэмжээнд оролцогчдын унаа хөсгийн зөвшөөрөл, зам, жимийг тогтооно. Тиймээс хүн бүр өөр өөрийнхөөрөө зам гаргаж болохгүй гэсэн үг юм. Зөвшөөрөгдсөн замаар л тэнд явж хүрнэ.
БАРИМТ 6
Тахилгын ёслолын ажиллагааг байгаль дэлхий, хүн зоныг нь баясгахад чиглүүлж, газар шороог талхлах, гол горхийг бохирдуулах явдлыг гаргуулахгүй байх арга хэмжээг авах ёстой.
БАРИМТ 7
Тахилгын ёслолын дараа 3 хоногийн дотор байгаль орчны унаган төрхийг сэргээж, ойр орчных нь хог буртагийг цэвэрлэж, тухайн аймаг, нийслэлийн Засаг даргад хүлээлгэн өгөх учигтай.
БАРИМТ 8
Ёслолын ажиллагааг хэвлэл мэдээллийн хэрэгслээр сурталчилж болно гэж журамд тусгасан байна.
БАРИМТ 9
Ёслолын үйл ажиллагааг баримтжуулан Монгол Улсын Үндэсний архивын сан хөмрөгт хадгалуулахыг төр хариуцна.
БАРИМТ 10
Ёслолын үеэр амьтны амийг тэвчиж, цус гаргах, архи уух, маргалдаж сөргөлдөх, цээртэй үг хэлэх, ёс бус авир гаргах болон ёслолын дэг, дарааллыг зөрчихийг цээрлэнэ.
