БАРИМТ 1
1988 оны дөрөвдүгээр сарын 08-нд Увс аймгийн Давст суманд мэндэлсэн.
БАРИМТ 2
Тэрбээр 2004 онд Давст сумаас Увс аймгийн төвийн арван жилийн II дунд сургуульд суралцан, биеийн тамирын багш Бат-Очирын удирдлаган доор анх бэлтгэл сургуулилтаа хийж эхэлжээ.
БАРИМТ 3
2007 онд сургуулиа төгсөөд Дархан аварга Хорлоогийн Баянмөнхийн үүсгэн байгуулсан "Шонхор-Олимп" дээд сургуульд элсэн орсон гэдэг.
БАРИМТ 4
Олимп дэвжээнд 4 жилийн турш бэлтгэл хийнгээ улс, аймгийн цолтой болон цэргийн, залуу бөхчүүдийн заал танхимын барилдаануудад тогтмол амжилттай барилдаж байлаа.
БАРИМТ 5
2011 оноос эхлэн төрөлх нутгийнхаа Увс нуур дэвжээний тамирчдын нэг болжээ.
БАРИМТ 6
"Увс Нуур" дэвжээ, "Аврагч" спорт хороо, Ажнай Корпорацийн бөх.
БАРИМТ 7
Биеийн өндөр 192 см, биеийн жин 145 кг.
БАРИМТ 8
2008 онд Увс аймгийн наадамд шөвгөрч Аймгийн начин, 2010 онд Баян-Өлгий аймгийн наадамд түрүүлж Аймгийн арслан цол хүртсэн.
БАРИМТ 9
2012 онд тэр Үндэсний бөхөд ховор нэгэн түүхийг бүтээж, Аймгийн арслан цолноос харайж, Улсын арслан болсон. Тэгэхдээ тэр Улсын аварга С.Мөнхбатаар дөрөв, Улсын заан М.Өсөхбаяраар тав, Улсын начин Э.Энхбатаар зургаа, Улсын гарьд М.Баяржавхлангаар долоо, Улсын арслан Г.Эрхэмбаяраар найм, Улсын заан Д.Рагчаагаар ес даван түрүүлжээ.
БАРИМТ 10
2015 онд Улсын наадамд аймгийн арслан М.Еркебуланаар дөрөв, аймгийн арслан Б.Дэлгэрсайханаар тав, аймгийн хурц арслан А.Алтанхуягаар зургаа, улсын начин Н.Батзаяагаар долоо, улсын заан Ч.Санжаадамбаар 8 даван үзүүрлэсэн.
БАРИМТ 11
2016 онд Улсын наадамд Аймгийн харцага Д.Тогтохжаргалаар дөрөв, Аймгийн хурц арслан Ц.Цэвэлсолномоор тав, Аймгийн арслан Б.Баатарцолоор зургаа, Аймгийн арслан Х.Гантулгаар долоо давж чимэг нэмсэн.
БАРИМТ 12
2019 онд Улсын наадамд Аймгийн арслан Д.Аззаяагаар дөрөв, Аймгийн арслан Д.Бадамгараар тав, Улсын өсөх идэр өрнөн дэлгэрэх начин Э.Энхбатаар зургаа давж чимэг нэмсэн.
БАРИМТ 13
2020 онд Улсын наадамд Аймгийн арслан О.Цэцэнцэнгэлээр дөрөв, Улсын начин Б.Чимэдвандангаар тав, Аймгийн арслан О.Мөнх-Эрдэнээр зургаа, Аймгийн арслан Б.Бат-Оршихоор долоо, Улсын заан Б.Пүрэвсайханаар найм, Улсын аварга Н.Батсууриар ес даван түрүүлж Улсын аварга цол тус тус хүртсэн.
БАРИМТ 14
2022 онд Улсын наадамд Аймгийн начин Т.Дэчинжүрмэдээр дөрөв, Улсын начин Л.Батзоригоор тав, Аймгийн арслан Э.Нямаагаар зургаа, Улсын начин Л.Лха-Очироор долоо, Цэргийн хурц арслан М.Лхагвагэрэлээр найм давж шөвгийн дөрөвт үлдэн чимэг нэмсэн.
БАРИМТ 15
2024 онд Улсын наадамд Цэргийн заан Ө.Батсууриар дөрөв, Аймгийн арслан Г.Хишигбатаар тав, Аймгийн хурц арслан А.Амарсанаагаар зургаа, Улсын начин Э.Ууганбаяраар долоо давж шөвгийн дөрөвт үлдэн чимэг нэмсэн.
БАРИМТ 16
2025 онд Улсын наадамд цэргийн заан Ө.Батсууриар дөрөв, Аймгийн арслан А.Нармандахаар тав, Аймгийн арслан Ш.Отгонтөгсөөр зургаа, Аймгийн арслан М.Билгүтэйгээр долоо давж чимэг нэмсэн.
БАРИМТ 17
Тэрбээр Улсын их баяр наадамд есөн удаа шөвгөрчээ.
БАРИМТ 18
Тэрбээр 2011 оны Сар шинийн аймаг цэргийн цолтны барилдаанд түрүүлж байв. Тэр цагаас хойш бөхийн өргөөнд 22 удаа түрүүлжээ.
БАРИМТ 19
Түүнчлэн 12 удаа үзүүрлэж, олон удаа шөвгөрсөн байдаг.
БАРИМТ 20
Түүний удамд барилддаг, бөхийн цолтой хүн байхгүй.
БАРИМТ 21
Түүний аав 1992 онд Улсын аварга малчин болж байсан.
БАРИМТ 22
Улсын аварга П.Бүрэнтөгс гэргий, хүүхдүүдийнхээ хамт амьдардаг.
БАРИМТ 23
Түүнийг бөхөд хайртай Монголын ард түмэн "Өндөр аварга" хэмээн хүндэтгэн хочилдог.
БАРИМТ 24
Тэрбээр нэгэн ярилцлагадаа "Намайг унагачихлаа гэж уурлаж, бухимдвал бусдад ямар сэтгэгдэл төрөх вэ. Цагаан мөртэй, цайлган сэтгэлтэй байх хэрэгтэй гэж аав, ээж хоёр минь надад захьдаг. Амьдрал баян шүү дээ. Ахар бодолтой хүн алсын бодолдоо хүрч чадахгүй. Аймаг, сумын цолтой, залуу бөх намайг доогуур даваанд өвдөг шороодуулаад урам аваг. Үндэсний бөхөөр тууштай барилдах уу яах вэ гээд эргэлзэж яваа залуу бөхөд итгэлийнх нь галыг асааж өгье гэж боддог. Гэхдээ би хэзээ, хэнд ч худлаа унахгүй. Үнэн хүчээрээ даваад л урам авбал надад сайхан” хэмээн ярьсан байдаг.
Сэтгэгдэл (12)