БАРИМТ 1
Гуравдугаар сарын 04 - Япон Улсын буцалтгүй тусламж “Эдийн засаг нийгмийн хөгжлийг дэмжих хөтөлбөр”-ийн хүрээнд Япон Улсын Гадаад хэргийн сайд Т.Ивая болон Япон Улсад албан ёсны айлчлал хийж буй Гадаад харилцааны сайд Б.Батцэцэг нар Токио хотноо дараах хоёр төслийн солилцох ноот бичигт гарын үсэг зурав.
БАРИМТ 2
Гуравдугаар сарын 20 - Ус сувгийн удирдах газрын дарга Ц.Төрхүү болон ШУТИС-ын барилга архитетурын сургуулийн захирал Б.Нарантуяа нар ШУТИС-ийн барилга архитектурын сургууль болон Ус сувгийн удирдах газар хоорондын харилцан ойлголцлын санамж бичигт гарын үсэг зурлаа. Уг ёслолын үйл ажиллагаанд Ус сувгийн удирдах газрын Бүтээмжийн менежирээр шинээр томилогдсон Б.Золтуяа, Ерөнхий инженер Ж.Дагвасүрэн болон бусад зохион байгуулалтын нэгжийн удирдлагууд албаны бусад хүмүүс байлцлаа.
БАРИМТ 3
2025 оны 3 дугаар сарын 21 - Ус сувгийн удирдах газрын Чандмань спорт цогцолборт “Дэлхийн усны өдөр”- т зориулагдсан, МНААҮХ-ны 20 жилийн ойг тохиолдуулсан хүчит 128 бөхийн барилдаан, шагай харвааны тэмцээн уламжлал ёсоор болж өндөрлөлөө. Шагайн харваа нь хувийн цуваа, харваа гэсэн 2 төрлөөр явагдсанаас МНААҮХолбоооны Дорноговь дахь Чандманы илч ОНААТҮГ-ын баг тамирчид 1 дүгээр байр. ОСНААУГ 2 дугаар байр УСУГ 3 дугаар байр эзэллээ.Нийт 128 бөхийн барилдааны шөвгийн 4 т Аймгийн арслан Ганбаяр, Аймгийн арслан Батдорж, Улсын начин Төрболд, Аймгийн начин Ганзориг үлдэж үзүүр түрүүнд Аймгийн арслан Ганбаяр, Аймгийн арслан Батдорж нар үлдсэнээс Түрүү бөхөөр Аймгийн арслан Ганбаяр шалгарч , үзүүр бөхөөр Аймгийн арслан Батдорж шалгарлаа.
БАРИМТ 4
Гуравдугаар сарын 22 - Дэлхий нийтээрээ жил бүрийн 3 сарын 22-нд “Усны өдөр”-ийг тэмдэглэн өнгөрүүлдэг уламжлалтай. Үүний гол зорилго нь цэвэр ус болон усан хангамж, усны нөөцийн тогтвортой менежментийн асуудалд олон нийтийн анхаарлыг хандуулах, сурталчлан таниулах ач холбогдолтой юм. Анх 1992 онд Нэгдсэн Үндэстний Байгууллагын Хүрээлэн буй орчин, Хөгжлийн тухай олон улсын хурлын (UNCED) үеэр дэлхийн усны тэмдэглэлт өдөртэй болох саналыг дэвшүүлсэн байна. Улмаар 1993 оны 3 сарын 22-ны өдрийг анх НҮБ-ын Ерөнхий Ассамблейгаас “Дэлхийн усны өдөр” болгон зарлан тунхаглажээ.
БАРИМТ 5
Тавдугаар сарын 03 - Монгол улсын орон сууц нийтийн аж ахуйн салбарын хөгжил дэвшил иргэдийн ажиллаж амьдрах таатай орчин нөхцөлийг бүрдүүлэх үйлсэд үнэтэй хувь нэмэр оруулж , ажлын амжилтаар тэргүүлж 2024 оны шилдэг байгууллагаар шалгарлаа.
БАРИМТ 6
Тавдугаар сарын 03 - Монгол улсын ерөнхийлөгчийн ивээл дор зохион байгуулагдаж буй “Хөдөлмөрийн аюулгүй байдал, эрүүл мэндийн үндэсний III чуулган”-ы үйл ажиллагаан дээр “Эрүүл аюулгүй ажлын байрыг эрхэмлэгч байгууллага-2024” уралдааны Төрийн үйлчилгээний салбарын 100-аас дээш ажилтантай байгууллагын төрөлд ТЭРГҮҮН байр эзэллээ.
БАРИМТ 7
Тавдугаар сарын 09 - Ус сувгийн удирдах газар, Нийслэлийн онцгой байдлын газартай хамтран ажиллах хамтын ажиллагааны санамж бичигт гарын үсэг зурлаа. Уг санамж бичгийн гол зорилго нь: Гал унтраах автомашинуудыг тасралтгүй усаар хангах , Усны эх үүсвэрүүдийн ашиглалтын бэлэн байдлыг ханган, Иргэдийн амь нас, эрүүл мэнд, эд хөрөнгийг хамгаалах, болзошгүй гал түймрийн аюулаас урьдчилан сэргийлэх онцгой ач холбогдолтой.
БАРИМТ 8
Долдугаар сарын 07 - Япон Улсын Цог Жавхлант Эзэн Хаан Нарүхито Ус Сувгийн Удирдах Газарт зочиллоо.
БАРИМТ 9
Наймдугаар сарын 09 - Монгол Улсын Ерөнхий сайд Г.Занданшатар Улаанбаатар хотын ус хангамжийн Баруун эх үүсвэрийг шинээр байгуулах үйл ажиллагаатай танилцлаа. Ерөнхий Сайд Г.Занданшатар тус бүтээн байгуулалтын ажилтай танилцаад АНУ-ын МСС ийн санхүүжилтээр хийгдэж байгаа төсөл амжилттай хэрэгжиж байгаа төдийгүй нэмэлт хөрөнгийн эх үүсвэр шаардалгүй хугацаанд хүлээлгэн өгөх гэж байгаа явдалд талархаж байгаа илэрхийллээ. Мөн цаашид тус байгууламжийн үйл ажиллагааг УБ хот , УСУГ бүрэн хариуцаж ажиллахад ямар нэг хүндэр гарахгүй гэдэгт итгэлтэй байгаагаа илэрхийллээ.
БАРИМТ 10
Есдүгээр сарын 23 - Монгол Улсын Засгийн газар болон АНУ- ын Мянганы сорилтын корпорацын II Компакт гэрээний буюу Усны Компактын гурван гол төслийн нэг Усны салбарын тогтвортой байдлыг хангах төслийн хүрээнд гэр хорооллын шугамд холбогдсон 180 ус түгээх байрыг бүрэн автоматжуулж, өнөөдөр Улаанбаатар хотын Ус сувгийн удирдах газар (УСУГ)-т албан ёсоор хүлээлгэн өглөө.
БАРИМТ 11
Аравдугаар сарын 08 - “Усан тойрог” гадна талбайн нээлттэй үзэсгэлэн-танин мэдэхүйн өдөрлөгт Ус сувгийн удирдах газар оролцлоо.
БАРИМТ 12
Арваннэгдүгээр сарын 19 - Энэ өдөр УС СУВГИЙН УДИРДАХ ГАЗРЫН түүхт 66 жилийн ойн өдөр тохиов.
Сэтгэгдэл (5)