БАРИМТ 1
Түүнийг Батбаярын Даваа-Очир гэдэг.
БАРИМТ 2
1993 оны есдүгээр сарын 27-нд мэндэлсэн.
БАРИМТ 3
Хөвсгөл аймгийн Их-Уул сумын харьяат бөх.
БАРИМТ 4
"Хөвсгөлийн Хүчтэн" дэвжээ, "Сүлд" спорт хороо, ШШГЕГ 461-р анги, Импро групп, Зорчигч Тээвэр 1 ОНӨААТҮГ-ын нэр дээрээс зодоглодог.
БАРИМТ 5
Түүний биеийн өндөр 175 см, биеийн жин 13 кг.
БАРИМТ 6
Одоогоос 12 жилийн өмнө 2013 онд Аймгийн начин цолонд хүрч байв.
БАРИМТ 7
Хоёр жилийн дараа 2015 оны зургадугаар сард Аймгийн харцага болсон. Тухай жилээ нутгийн баяр наадамд түрүүлэн Аймгийн арслан цолонд хүрчээ.
БАРИМТ 8
Улмаар 2018 оны Улсын баяр наадамд нэгийн даваанд Сумын заан Д.Чимэдцэрэнг, хоёрын даваанд аймгийн арслан С.Идэрсүрэнг, гурвын даваанд Улсын харцага Г.Элбэгийг, дөрвийн даваанд Улсын арслан Р.Пүрэвдагвыг, тавын даваанд Улсын заан Б.Батмөнхийг хаяж Улсын начин цолонд хүрчээ. Зургаагийн даваанд түүнийг Улсын заан Н.Жаргалбаяр амлан хаясан байдаг.
БАРИМТ 9
Тэрбээр 2016, 2017, 2022 оны Улсын наадамд тус бүр гурав давсан.
БАРИМТ 10
2019, 2020, 2025 оны Улсын наадамд хоёр, 2023, 2024 оны Улсын наадмаар нэг давжээ.
БАРИМТ 11
Сумын заан цолтой болон залуу бөхчүүдийн ээлжит барилдаанд хоёр удаа шөвгөрч нэлээдгүй удаа дөрөв давсан амжилттай.
БАРИМТ 12
Аймаг, цэрэгт нэг удаа түрүүлж байсан. Тодруулбал, 2016 онд болсон Өмнөговь аймгийн Сэврэй сумын харъяат Аймгийн Хурц Арслан П. Бямбаа агсаны хүндэтгэлийн Аймаг цэргийн цолтой бөхийн барилдаанд тухайн үеийн Аймгийн хурц арслан Ш.Мөнгөнбаатараар найм даван түрүүлж байжээ.
БАРИМТ 13
Тэрбээр мөн аймаг, цэрэгт нэг үзүүрлэж байсан. 2017 онд болсон Хөвсгөл аймгийн Улаан-Уул сумын харъяат МУ-ын начин Б.Бадрахын нэрэмжит барилдаанд тухайн үеийн Аймгийн хурц бадрангуй арслан Н.Золбоод унан үзүүр булаажээ.
БАРИМТ 14
Улс, аймгийн цолтны барилдаанд нэг удаа түрүүлж байсан. Тодруулбал, 2022 онд болсон Ардчиллын төлөөх намуудын баярт зориулсан барилдаанд тухайн үеийн Улсын начин Э.Батмагнайгаар найм даван түрүүлжээ.
БАРИМТ 15
Харин улс, аймагт хоёр удаа үзүүрлэсэн байдаг. Тодруулбал, тэр өчигдөр болсон Эх, хүүхдийн эрүүл мэндийн төвийн нэрэмжит хандивын барилдаан болон 2023 онд болсон Монгол улсад шинжлэх ухааны мал эмнэлэг, үржлийн алба байгуулагдсаны 100 жилийн ойд зориулсан барилдаануудад үзүүрлэсэн байна.
