ЭШЛЭЛ 1
Түүний бүтэн нэрийг Деррик Мартелл Роуз гэдэг.
ЭШЛЭЛ 2
1988 оны 10 дугаар сарын 4-нд төрсөн. Америкийн мэргэжлийн сагсан бөмбөгийн тоглогч асан.
ЭШЛЭЛ 3
Тэрбээр 2008 оны NBA-ийн драфтаар төрөлх хотынхоо Чикаго Буллз багт сонгогдохоосоо өмнө Мемфис Тайгерс багт нэг жил коллежийн сагсан бөмбөг тоглосон.
ЭШЛЭЛ 4
"Д-Роуз" хочтой, заримдаа "the Windy City Assassin" эсвэл "Pooh" гэгддэг.
ЭШЛЭЛ 5
2009 онд NBA-ийн Оны Шилдэг Шинэ тоглогчоор шалгарч, 2011 онд 22 нас 7 сартайдаа NBA-ийн Хамгийн Үнэ цэнэтэй Тоглогчийн Шагналыг хүртсэн хамгийн залуу тоглогч болжээ.
ЭШЛЭЛ 6
Түүний биеийн өндөр 191 см, тоглогчид дундаа нуруу намтайд тооцогдож байлаа.
ЭШЛЭЛ 7
Роуз Чикагогийн Өмнөд талд төрж, Энглвуд хороололд өссөн.
ЭШЛЭЛ 8
Тэрбээр Дуэйн, Реджи, Аллан нарын дараах Бренда Роузын отгон хүү юм. Ах нар нь гурвуулаа авьяаслаг сагсан бөмбөгчид байсан бөгөөд Роузад сагсан бөмбөгийн нарийн ширийн зүйлийг ойролцоох талбайд зааж сургасан.
ЭШЛЭЛ 9
Түүний спортын авьяас чадвар өсөхийн хэрээр Роуз олны анхаарлыг татаж эхэлсэн бөгөөд ээж, ах нар нь түүнийг гадны холбооноос хязгаарладаг байжээ. Түүний ээж "түүнийг мөлжиж, гудамжны агентууд гэх мэт гадны хүмүүс NBA руу явах замыг нь өөрчлөх вий" гэж айж байсан нь Чикагогийн ирээдүйтэй тоглогч Ронни Филдсийн түүхээс болсон.
ЭШЛЭЛ 10
Роуз бол Христэд итгэгч бөгөөд итгэлийнхээ талаар ярихдаа, "Бурхан бүх зүйлийг учир шалтгаантай хийдэг" гэж хэлжээ. Тэрбээр "Есүсийн нэрээр би тоглож байна" гэсэн бичигтэй бугуйвч зүүдэг бөгөөд итгэл үнэмшлийнхээ талаар хэд хэдэн шивээстэй.
ЭШЛЭЛ 11
2012 оны 10 дугаар сарын 9-нд Роузын хуучин найз охин Миека Рийз хүү Деррик Жуниорыг нь төрүүлжээ.
ЭШЛЭЛ 12
2016 онд Роуз загвар өмсөгч, фитнессийн нөлөө бүхий тамирчин Алайна Андерсонтой болзож эхэлсэн. Тэд 2021 онд сүй тавьсны дараа 2023 оны есдүгээр сарын 07-нд Лос Анжелес хотод гэрлэжээ. [Тэдний охин Лайла 2018 онд, хүү Лондон 2019 онд төрсөн.
ЭШЛЭЛ 13
Роузын албан ёсны төлөөлөгч нь Буллз багийн хамгаалагч асан БиЖей Армстронг юм.
ЭШЛЭЛ 14
2018 онд Роуз оюутнуудад дээд боловсрол эзэмшихэд нь туслах зорилгоор байгуулагдсан "The Rose Scholars" тэтгэлэгт хөтөлбөрийг нэвтрүүлсэн.
ЭШЛЭЛ 15
Роуз бол шаггүй шатарчин. "The Sporting News" сонинд "NBA-д Роузаас илүү (шатрын) фанат гэж байхгүй" гэж бичсэн байна.
ЭШЛЭЛ 16
Тэр бол азгүй ч гэмээр хувь тавилантай нэгэн. Замналынхаа туршид олон удаагийн бэртэл авсан ч тэр эргэн ирсээр байлаа. Богинохон байсан ч тэр замналаа домог гэх хүндлэлтэйгээр өндөрлүүлсэн юм.
ЭШЛЭЛ 17
2016 онд Роуз 2013 оны 8-р сард нэр нь үл мэдэгдэх хуучин найз охиноо хоёр найзтайгаа хамт хүчиндсэн гэх хэрэгт холбогдсон. Бүлэглэн хүчиндсэн гэх хэрэг гарахаас хэдэн сарын өмнө Роузыг буруутгагч буюу шүүхийн тэмдэглэлд "Жэйн Доу" гэж нэрлэгддэг хүн Роузаас өөрт нь бэлгийн харьцаанд орохыг эсвэл бусад хүмүүсийг бэлгийн амьдралд нь оролцуулахыг хүссэнээр түүнийг эвгүй байдалд оруулсан гэж мэдүүлжээ. Доу мөн хэрэг явдал болсон өдөр түүнийг өөрт нь мансууруулах бодис уулгасан, ухаан алдуулсан гэж хэлсэн. Гэвч 2016 оны 10-р сард найман гишүүнтэй шүүх түүнийг хариуцлага хүлээхгүй гэж үзсэн. 2018 онд гаргасан давж заалдах хүсэлтийг хэрэгсэхгүй болгосон.
ЭШЛЭЛ 18
Роуз нь NBA-ийн Кевин Дюрант, Блэйк Гриффин нарын хамт NBA 2K13-ын нүүр хуудасны тоглогч болсон.
ЭШЛЭЛ 19
Роуз бол Xbox 360-д зориулсан Xbox Live Arcade болон PlayStation 3-д зориулсан PlayStation Network дээр гарсан 2K Sports Downloadable Content тоглоом болох NBA 2K10 Draft Combine-ийн цорын ганц ковер тамирчин байв.
ЭШЛЭЛ 20
Тэр мөн Чикаго хотод байрладаг Giordano's Pizzeria -ийн хамтран эзэмшигч бөгөөд хэвлэлийн төлөөлөгч юм.
ЭШЛЭЛ 21
2008 онд Роуз Adidas-тай жилд 1 сая долларын гэрээ байгуулсан. Тэрбээр мөн "Wilson Sporting Goods"- той гэрээ байгуулсан. Бусад сурталчилгааны гэрээнд Skullcandy чихэвч, Powerad, Force Factor спортын ундаа болон Чикаго хотын захын Ниссан дилер багтдаг.
ЭШЛЭЛ 22
2018 оны 5-р сард "Adidas D Rose 9" загварууд 2018 оны 7-р сард худалдаанд гарна гэж зарласан.
ЭШЛЭЛ 23
2011 онд Крейний Чикаго Бизнесийн газраас Роузыг жилд 1.5-2.5 сая долларын сурталчилгааны орлого олдог гэж тооцоолсон. 2012 онд Роуз Адидастай 14 жилийн хугацаанд 185 сая долларын гэрээ сунгасан тухай мэдээлсэн. Тэгэхээр энэ онд уг гэрээ дуусна.
ЭШЛЭЛ 24
2025 оны байдлаар түүний цэвэр хөрөнгө 70-90 сая ам.доллар байна. Түүнчлэн тэр NBA-д тоглосон 16 жилийнхээ туршид 166 сая ам.долларын цалин авсан гэх тооцоо байдаг.
