БАРИМТ 1
Түүнийг Батжаргалын Мөнх-Оргил гэдэг.
БАРИМТ 2
Сүмогийн нэр нь Тамаваши Ичиро "Японоор 玉鷲一朗, たまわし いちろう" юм.
БАРИМТ 3
Тэрбээр 1984 оны 11 дүгээр сарын 16-нд Улаанбаатар хотод төрсөн.
БАРИМТ 4
ШУТИС-д зочид буудлын менежерээр суралцаж байсан ч том бие, бие бялдрын хүч чадлаа ашиглан сүмогоор хичээллэх хүсэлдээ хөтлөгдөж, Токиод сурахаар 2003 оны намар Япон улсыг зорьсон байдаг.
БАРИМТ 5
Японд очоод тэмцээнд оролцох талаар Какүрюүтэй Б.Ананд аваргатай зөвлөлдөж, Асахи Вашизантай холбоо барих мэдээллийг өгснөөр Катаонами дэвжээнд нэгджээ.
БАРИМТ 6
Б.Мөнх-Оргил 2004 онд анх Мэргэжлийн сүмогийн шалгалтад орж, гуравдугаар сарын башёгоос эхлэн барилдсан.
БАРИМТ 7
2004 оны нэгдүгээр сард мэргэжлийн сүмод барилдаж, тэмцээнд орохоосоо өмнө спортын ямар ч туршлагагүй байсан ч 2005 оны долоодугаар сард макүшитад дэвшиж, 2007 оны есдүгээр сард макүшита зиндааны барууны 32-т эрэмбэлэгдэхдээ зиндаандаа түрүүлсэн.
БАРИМТ 8
Дараачийн 11 дүгээр сард макүшитагийн 2-оос босож барилдан 4 даваа, 3 унаатайгаар 2008 оны нэгдүгээр сарын башёд Жюүрёо зиндаанд дэвшжээ. Мөн оныхоо есдүгээр сард дээд зиндаанд хөл тавьсан.
БАРИМТ 9
Харин 2015 оны гуравдугаар сард комүсүби болж, санякү буюу цолтнуудын эгнээнд оржээ.
БАРИМТ 10
Түүний биеийн өндөр 189 см, биеийн жин 170 орчим кг байна.
БАРИМТ 11
Тэрбээр өнгөрсөн 22 жилийн хугацаанд албан ёсны башёгийн нэг ч барилдаан алгасаагүй байна.
БАРИМТ 12
Улмаар сүмо сонирхогчдоос тэр "Төмөр хүн" хэмээх хочийг хүртсэн юм.
БАРИМТ 13
Тамаваши 2012 онд Монгол хүнтэй гэрлэжээ. Түүний эхнэр нь өөр нэг сoмо бөх Тамашогийн эгч гэнэ. Хосууд хоёр хүүхэдтэй.
БАРИМТ 14
2021 онд тэрбээр Японы иргэншил авах өргөдөл гаргаж, тэтгэвэрт гарсныхаа дараа дасгалжуулагчаар үлдэхийг хүсч байгаагаа, мөн "Би сүмод хувь нэмэр оруулахыг хүсч байна" гэж мэдэгджээ. Түүний Японы иргэншил 2024 оны 3-р сарын тэмцээний үеэр албан ёсоор зарлагджээ. Тэрээр өөрийн хууль ёсны нэр болох шиконагаа авсан.
БАРИМТ 15
Түүний хүртсэн хамгийн өндөр цол нь Секиваке юм. Уг цолоо тэр 2017 онд авч байв.
БАРИМТ 16
Энэ хугацаанд тэр Макушита зиндаанд нэг, Жюүрёо нэг, Макучи хоёр түрүүлсэн.
БАРИМТ 17
Түүнчлэн тэрбээр энэ хугацаанд 2019, 2022 онуудад нэг нэг удаа 15 даваанаас 13 давж байв.
БАРИМТ 18
Өнгөрсөн онд 41 насандаа л гэхэд дэдэ зиндаанд Баруун маэгаширагийн 4-өөс барилдаж 11-4 харьцаатай башёгоо өндөрлүүлж байв.
БАРИМТ 19
Тэрбээр ёкозунаг ялж найман удаа алтан од шагналыг хүртсэн. Мөн таван тусгай шагналтай.
БАРИМТ 20
Түүнчлэн 2025 оны долдугаар сарын тэмцээний дараа тусгай шагнал, кинбоши хүртсэн хамгийн ахмад бөх болжээ.
БАРИМТ 21
Тэрбээр 2019 оны нэгдүгээр сард анхны дээд зиндааны аваргаа хүртсэн.
БАРИМТ 22
Улмаар 2022 оны есдүгээр сард 37 насандаа хоёр дахь түрүүгээ хүртсэн нь 1958 онд жилд зургаан тэмцээн зохион байгуулдаг системийг нэвтрүүлснээс хойш дээд зиндааны хамгийн ахмад ялагч болсон юм.
БАРИМТ 23
"Тэцүжин " (鉄人,' төмөр хүн ' ) хочит, энэ спортын "амьд домог" гэгддэг Тамаваши өнөөг хүртэл карьерынхаа туршид нэг ч барилдааныг өнжөөгүй. Тодруулбал, 2022 оны долдугаар сарын тэмцээний үеэр COVID-19-ийн улмаас албадан хорио цээрийн дэглэм тогтоосноос бусад бүх барилдаанд тэр зодоглосон байна.
БАРИМТ 24
Идэвхтэй бөх хэвээр байгаа тэрбээр сумогийн түүхэнд хамгийн удаан дараалсан барилдаан хийсэн бөгөөд 2024 оны есдүгээр сарын 10-нд Токиод тэмцээний үеэр дараалсан 1631 дэх барилдаанаараа бүх цаг үеийн дээд амжилтыг тогтоожээ.
Сэтгэгдэл (4)