БАРИМТ 1
Түүнийг Цэдэв овогтой Мягмарсүрэн гэдэг.
БАРИМТ 2
1973 оны нэгдүгээр сарын 13-нд Ховд аймгийн Мөст суманл мэндэлжээ.
БАРИМТ 3
"Ховд" дэвжээ, "Хилчин" спорт хороо, Пума группийн бөх.
БАРИМТ 4
Биеийн өндөр 188 см, эд үедээ 130 орчим кг жинтэй байсан.
БАРИМТ 5
1991 онд Сумын заан цолын хүртсэн. Таван жилийн ард 1996 оны зун Аймгийн заан болжээ.
БАРИМТ 6
Улмаар 1997 оны Бүх цэргийн баяр наадамд Аймгийн заан Д.Энхтөрөөр долоо даван түрүүлж, Цэргийн арслан цол хүртжээ.
БАРИМТ 7
Хойтон жил нь 1998 оны Улсын баяр наадмаар гурвын даваанд Улсын заан Д.Мягмар, дөрвийн даваанд Улсын заан Ч.Бямбадорж, тавын даваанд олноо "Инээдэг" хэмээн алдаршсан Улсын гарьд П.Сүхбатаар давж Улсын начин цолны болзол хангаж, зургаагийн даваанд Улсын заан Б.Гантогтохоор зургаа давжээ. Тухайн үед харцага цол байсангүй.
БАРИМТ 8
Улмаар 2002, 2003 онуудад цолоо баталсан байна. 2002 онд тэрбээр Улсын заан Ч.Бямбадоржоор тав даваад тухайн үеийн Улсын заан Д.Сумъяабазарт унаж байв. 2003 онд Баянхонгор аймгийн заан Б.Батгэрэлээр тав давж, зургаагийн даваанд тухайн үеийн Улсын начин одоогийн Улсын гарьд М.Баяржавхланд унаж байжээ.
БАРИМТ 9
Цолондоо дүүрэн байсан тэрбээр 2004 онд Улсын харцага гэх цолыг хоёр удаа хүртэж байлаа. Тодруулбал Учир нь 2003 оны Ерөнхийлөгчийн зарлигаар Улсын харцага цолыг санаачилсан. Тус цолыг анх Махгалын Баяржавхлан (одоо улсын гарьд), Эрдэнээгийн Батбаатар нар хүртэж байсан бол 2004 онд ерөнхийлөгчийн зарлигаар тухайн үед амьд сэрүүн байсан, тус цолын болзлыг хангасан бөхчүүдэд нөхөн олгожээ. Тэгэхээр нь Тэрээр 1998 онд 6 давсан амжилтаараа улсын харцага цолыг Монгол улсын ерөнхийлөгчийн зарлигаар 2004 оны 6 сарын 30-нд хүртжээ
БАРИМТ 10
2004 оны Улсын баяр наадамд ХАРЦАГА цолтой барилдсан Ц.Мягмарсүрэн гурвын даваанд Улсын начин Л.Энхбаярыг, дөрвийн даваанд Улсын начин М.Цанлигийг, тавын даваанд Улсын начин Н.Бүрэнбаатарыг, зургаагийн даваанд тухайн үеийн Цэргийн заан одоогийн Улсын харцага Ш.Уламбаярыг хаяжээ. Долоогийн даваанд Улсын заан цолоо хоёр удаа батлаад байсан одоогийн Улсын гарьд Б.Гантогтохтой тунаад унажээ. Ингэж тэр харцага цолоо баталжээ.
БАРИМТ 11
Улмаар 2005 оны Улсын баяр наадамд тэр давахгүй байсан зааны даваагаа давжээ. Тэгэхдээ тавын даваанд Улсын начин Б.Адъяахүүг, зургаагийн даваанд Улсын заан, одоогийн Улсын арслан Б.Ганбатыг, долоогийн даваанд Далай аварга, одоогийн Дархан аварга А.Сүхбатыг хаяжээ. Харин дараагийн даваанд тэрбээр тухайн үеийн Улсын гарьд одоогийн Улсын аварга Д.Сумъябазарт унажээ.
БАРИМТ 12
Үүнээс хойш 2006 оны Их Монгол улсын 800, ардын хувьсгалын 85 жилийн ой, үндэсний их баяр наадамд нэг удаа зургаа давж, тэр цагаас хойш шөвгөрөөгүй. Энэ наадамд тэр долоогийн даваанд Улсын арслан Б.Ганбатыг заан байхад нь унажээ. 2007, 2009, 2011 онд дөрөв давсан.
БАРИМТ 13
Тэрбээр Бөхийн өргөөнд 10 түрүүтэй. Тэгэхдээ Худалдааны байгууллагын ойд хоёр удаа түрүүлж байжээ.
БАРИМТ 14
Харин гурван үзүүртэй. Тодруулбал, тэр Монгол улсын "Харцага" цолтой бөхчүүдэд хүндэтгэл үзүүлэх барилдаан, Баянгол дүүргийн 40 жилийн ойн барилдаан, Ой модны аж үйлдвэрийн 80 жилийн ойн барилдаанд үзүүрлэж байж.
БАРИМТ 15
Тэр бол Улсын аварга О.Хангайгийн багш. Түүний ах Мягмардоржийн хүү М.Баяржавхлан Аймгийн арслан цолтой. Өдрөөс өдөрт амжилт нь ахиж байгаа. Бөх сонирхогчид түүнийг улсын өндөр цолонд хүрнэ гэдэг.
БАРИМТ 16
Хилийн цэргийн хурандаа цолтой.
