БАРИМТ 1
2026 оны XXV Өвлийн Олимпийн наадам "Милано Кортина 2026" нэртэйгээр 2026 оны хоёрдугаар сарын 06-22-ны өдрүүдэд Италийн Ломбарди болон Зүүн хойд Италийн өнцөг булан бүрт зохион байгуулагдах гэж байна.
БАРИМТ 2
2019 оны зургадугаар сарын 24-нд болсон ОУОХ-ны 134 дэх чуулганаар Милан болон Кортина д'Ампеццо хотууд хамтарсан өргөдөл гаргаж, Стокгольм болон Шведийн Оре хотуудын хамтарсан өөр нэг хүсэлтийг ялснаар энэ нь хоёр хотын албан ёсоор хамтран зохион байгуулсан анхны Олимпын наадам болохоор болсон юм.
БАРИМТ 3
Миланд голчлон мөсөн спортын тэмцээнүүдийг зохион байгуулах бөгөөд үлдсэн тэмцээнүүдийг Кортина, Валтеллина, Фьемме хөндийн эргэн тойронд кластер хэлбэрээр зохион байгуулна.
БАРИМТ 4
Энэ нь Итали улсын зохион байгуулж байгаа дөрөв дэх Өвлийн Олимпын наадам болно. Кортина д'Ампеццо хотод өмнө нь 1956 оны Өвлийн Олимпыг зохион байгуулж байжээ.
БАРИМТ 5
Тус наадам нь цанын ууланд авиралтын төрөл багтаж байгаа нь өвлийн олимпын төрөлд оруулсан анхны тохиолдол ажээ.
БАРИМТ 6
Мөн ОУОХ-ны даргын ивээл, удирдлага дор зохион байгуулагдах анхны олимпын наадам болно.
БАРИМТ 7
2019 оны зургадугаар сарын 24-нд Швейцарийн Лозанна хотод болсон ОУОХ-ны 134 дэх чуулганаар олимпын наадмыг зохион байгуулах эрхийн төлөө Милан, Кортина д'Ампеццо хотууд 47 санал, сүүлийн шатанд тэдгээрийн эсрэг өрсөлдсөн Шведийн Стокгольм-Оре хот 34 санал авсан юм.
БАРИМТ 8
Тус наадмыг зохион байгуулахад голчлон Ломбарди болон Зүүн хойд Италийн бэлэн одоо байгаа байгууламжуудыг ашиглах бөгөөд үүнд өмнө нь Кортина д'Ампеццо хотод болсон 1956 оны Өвлийн Олимпын наадам болон Трентино мужийн зохион байгуулсан 2013 оны Өвлын Универсиадын наадмын үеэр ашиглагдаж байсан байгууламжууд багтана.
БАРИМТ 9
Керлингээс бусад ихэнх мөсөн спортын тэмцээнүүд Миланы кластерт болох бол гулгах болон цасны тэмцээнүүд Кортина, Валтеллина , Фьемме хөндийн орчимд кластерт болно.
БАРИМТ 10
Миланы Санта Жулиа дүүрэгт Дэвид Чипперфилдийн зохион бүтээсэн 16 мянган хүний суудалтай олон зориулалттай шинэ цэнгэлдэх хүрээлэн баригдаж байгаа бөгөөд тэнд мөсөн хоккейн тэмцээн зохион байгуулагдах юм.
БАРИМТ 11
Сан Сиро цэнгэлдэх хүрээлэнд нээлтийн ёслол, түүхэн Верона Арена цэнгэлдэх хүрээлэнд хаалтын ёслол болно.
БАРИМТ 12
Тамирчдыг Миланы төв хэсэг болон зочид буудлуудаас бүрдсэн Кортина д'Ампеццо Олимпын тосгон зэрэг хэд хэдэн Олимпын тосгонд хүлээн авах болно.
БАРИМТ 13
2025 оны 11 дүгээр сарын 26-нд Грекийн Олимпиа хотод бамбар асаах ёслолоор эхэлж, 2026 оны хоёрдугаар сарын 06-нд Италийн Милан хотод Сан Сиро стадионд нээлтийн ёслолын ажиллагаангы үеэр эцсийн цэгтээ хүрнэ.
БАРИМТ 14
Бамбар нь Грекийн 13 бүс нутгийн нэгж, долоон бүс нутгаас гадна бамбар Италийн 110 мужид очиж, 63 хоногийн хугацаанд 12 мянган км замыг туулж, 60 удаа зогсохоор төлөвлөгдсөн байна.
БАРИМТ 15
Олимпын бамбарыг Италийн Милан болон Японы Осака хотуудад нэгэн зэрэг танилцуулсан.
БАРИМТ 16
Бамбар нь цайвар цэнхэр өнгөтэй бол Паралимпын бамбар нь хүрэл өнгөтэй. "Essential" нэртэй. Eni болон түүний охин компани Versalis-ийн Studio Carlo Ratti Associati-ийн зохион бүтээжээ.
БАРИМТ 17
Италид энэхүү бамбарууд нь голчлон дахин боловсруулсан хөнгөн цагаан болон хүрэл хайлшаар хийгдсэн. Эдгээр нь био боловсруулах үйлдвэрт үйлдвэрлэгдсэн сэргээгдэх материалаар хийсэн түлш болох "био-LPG"-ээр ажилладаг гэнэ.
БАРИМТ 18
2025 оны долдугаар сарын 15-нд Венец хотод тус наадмын албан ёсны медалийг танилцуулсан бөгөөд тамирчин болон пара тамирчны аяллын оргил үеийг бэлгэдсэн хоёр хагас хэлбэрээр бүтээгдсэн. Зохион бүтээгч нь "Istituto Poligrafico e Zecca dello Stato" компани ажээ.
БАРИМТ 19
Медаль нь сэтгэл хөдлөл, багийн ажиллагааг гол цөм болгосон чухал дизайнтай. Нэг талдаа уламжлалт олимпын таван цагирагтай тэмдэг, ар талд нь арга хэмжээг нарийвчлан тайлбарласан, тухайн газрыг дурссан бичээстэй.
БАРИМТ 20
2026 оны Өвлийн Олимпын наадамд 16 төрөлд 116 медаль хүртээхээр төлөвлөсөн нь "Бээжин 2022"-оос долоон төрлөөр нэмэгдсэн үзүүлэлт юм.
БАРИМТ 21
Шинэ медалийн төрлүүдэд чөлөөт цанын эрэгтэй, эмэгтэй хос могул, эрэгтэй, эмэгтэй хос цанын төрөл (нээлттэй хосын төрөл), эрэгтэй, эмэгтэй уулын хос төрөл, цанын харайлтын эмэгтэйчүүдийн том толгодын ганцаарчилсан төрөл, скелетон хос буухиа багийн төрөл багтана.
БАРИМТ 22
Энэ наадамд эмэгтэйчүүдийн оролцоо түүхэн хамгийн өндөр буюу 47 хувь байх болно. Нордикийн хос төрөл нь зөвхөн эрчүүд өрсөлддөг цорын ганц спорт хэвээр байна.
БАРИМТ 23
Орос, Беларусийн Олимпын хороод 2022 онд Оросын Украин руу довтолсонтой холбогдуулан Олимпын эв нэгдилийг зөрчсөн хэргээр тэмцээнээс хасагдсан хэвээр байна. 2024 оны Парист болсон зуны олимпын наадмын нэгэн адил 2026 оны наадамд Орос, Беларусийн тамирчид үндэсний үнэмлэхгүйгээр ОУОХ-ны далбаан дор оролцоно. Тэдгээр тамирчдыг спортын олон улсын холбоо, дараа нь ОУОХ-ны зөвлөл батлах ёстой. Орос, Беларусийн тамирчид хоккей, керлинг зэрэг багийн тэмцээнд өрсөлдөхийг хориглодог, учир нь ОУОХ тиус усын тамирчдыг багаар оролцох тохиолдолд хувь хүн гэж үзэх боломжгүй байхаар шийдвэрлэсэн.
БАРИМТ 24
Энэ удаагийн наадмын уриа нь "IT's Your Vibe" байх аж. Уг наадамд Дэлхийн 93 үндэстний 2871 тамирчин өрсөлдөнө. Тэдгээрийн 1533 нь эрэгтэй, 1338 эмэгтэй юм.
