ЭШЛЭЛ 1
2003 оны зургадугаар сарын 06-нд мэндэлсэн. 22 настай.
ЭШЛЭЛ 2
"Эв Монгол" клуб, Хилийн цэргийн 0277 дугаар ангийн бөх.
ЭШЛЭЛ 3
Дархан аварга Б.Бат-Эрдэнийн үүсгэн байгуулсан "Аварга" дээд сургуулийн 4а ангийн оюутан.
ЭШЛЭЛ 4
Завхан аймгийн Баянтэс сумын харъяат.
ЭШЛЭЛ 5
2022 оны долдугаар сарын 07-нд Сумын начин, гурав хоногийн дараа Сумын заан цолонд хүрч байжээ.
ЭШЛЭЛ 6
2023 оны Завхан аймгийн баяр наадамд зургаа давж, Аймгийн харцага цол хүртсэн.
ЭШЛЭЛ 7
Аймгийн харцага цолыг хүртэхдээ гурвын даваанд Аймгийн нэмэх начин Р.Батсүхийг, дөрвийн даваанд Аймгийн заан Э.Баасандоржийг, тавын даваанд Улсын харцага М.Дармаабазарыг, зургаагийн даваанд Аймгийн нэмэх начин Б.Ганзолбоог тус тус давжээ. Харин долоогийн даваанд уг наадмын үзүүр бөх Аймгийн заан М.Лувсандоржид өвдөг шороодсон байна.
ЭШЛЭЛ 8
Сумын цолтны барилдаанд нэг удаа дөрөв, нэг удаа гурав давжээ.
ЭШЛЭЛ 9
Тэрбээр өнгөрсөн оны "Атар" хэвийн боовны нэрэмжит аймаг, цэргийн цолтой 256 бөхийн барилдаанд анхны шөвгөө авсан. Түүнчлэн уг барилдаанаас "Уран барилдааны шагнал" хүртсэн билээ.
ЭШЛЭЛ 10
Түүний аав Болдбаатар нь Улсын аварга малчин хүн ажээ.
ЭШЛЭЛ 11
Тэрбээр өнөө жилийн "Алтан цом"-ын төлөөх барилдаанд Аймгийн харцгуудаа төлөөлөн сонгогдсон. Одоогоор 16 барилдаан хийж 5 даваад байна.
ЭШЛЭЛ 12
Түүний багш нь Улсын начин Б.Адъяахүү юм.
