БАРИМТ 1
2026 оны XXV Өвлийн Олимпийн наадам "Милано Кортина 2026" нэртэйгээр 2026 оны хоёрдугаар сарын 06-22-ны өдрүүдэд Италийн Ломбарди болон Зүүн хойд Италийн өнцөг булан бүрт зохион байгуулагдав.
БАРИМТ 2
Уг наадамд 16 төрөлд 116 медаль хүртээхээр төлөвлөсөн нь "Бээжин 2022"-оос долоон төрлөөр нэмэгдсэн үзүүлэлт юм.
БАРИМТ 3
Энэ наадамд эмэгтэйчүүдийн оролцоо түүхэн хамгийн өндөр буюу 47 хувь байсан нь хүйсийн тэгш байдлыг хамгийн сайн хангасан үзүүлэлт юм. Нордикийн хос төрөл нь зөвхөн эрчүүд өрсөлддөг цорын ганц спорт хэвээр байна.
БАРИМТ 4
Норвегийн цаначин Йоханнес Хосфлот Клябо Өвлийн олимпын наадмын хамгийн олон алтан медальтан болов. Тэрбээр өнгөрсөн бямба гарагт "Милано Кортина 2026" өвлийн олимпын наадмаас зургаа дахь алтан медалиа хүртсэнээр нийт 11 алтан медальтай болов. Тэрбээр 2018 оны Пёнчан олимпоос гурван алтан медаль, 2022 оны Бээжингийн олимпоос хоёр алтан медаль хүртсэн.
БАРИМТ 5
АНУ-ын эрэгтэй хоккейн баг 46 жилийн дараа Канадын багийг нэмэлт цаг гарган ялав. Ингэснээр тэд улсдаа удаан тасраад байсан эрэгтэй хоккейн багийн алтан медалийг авчирлаа.
БАРИМТ 6
Цанын кросс төрөлд өрсөлдөж нутаг нэгт тамирчныхаа ард орж мөнгөн медаль хүртсэн Италийн тамирчин Федерико Томасони олны сэтгэлийг хөдөлгөв. Учир нь тэр уг медалиа 2024 онд хамт ууланд авирч байгаад амь эрсэдсэн найз бүсгүйдээ зориулжээ.
БАРИМТ 7
"Өвлийн гүнж" гэгдээд буй чөлөөт цанын тамирчин Эйлин Фэн Гу энэ наадмын чимэг байв. Тэрбээр АНУ-ыд төрсөн ч эх нутаг Хятадынхаа өмнөөс олимпын хоёр дахь алтан медалиа хүртлээ. Тэрбээр өмнөх 2022 оны Бээжингийн олимпод 18 настайдаа мөн аваргалж байжээ.
БАРИМТ 8
Алдартай юүтүбр, боксчин Жэйк Полын найз охин Нидерланд бүсгүй Жутта Моника Лийрдам тэшүүрийн төрөлд олимпын аварга болсон. Тэрбээр 500 м, 1500 м-ийн төрөлд өрсөлддөг бөгөөд уг наадмаас алт, мөнгөн медаль хүртлээ.
БАРИМТ 9
Өвлийн олимпын наадмаас уулын цанын төрөлд нэгээс олон медаль хүртэх нь туйлын хэцүү. Гэхдээ Швейцарийн цаначин Франжо фон Аллмен эрэгтэйчүүдийн уулын цана, супер жингийн болон багийн нийлбэр төрөлд түрүүлж боломжгүйг боломжтой болголоо. Тэр уг наадмаас энэ төрөлдөө гурван алттай гэртээ харив.
БАРИМТ 10
Өвлийн олимпын наадмын 100 гаруй жилийн түүхэнд Өмнөд Америкийн аль ч улсыг төлөөлж буй тамирчин тус наадмаас медаль хүртэж байгаагүй. Гэвч энэ бүхэн 2026 оны Милан Кортинагийн олимпооор эцэс боллоо. Лукас Пинейро Браатен эрэгтэйчүүдийн слаломын төрөлд түрүүлж, Бразил болон Өмнөд Америкт түүхэн алтан медаль авчирлаа.
БАРИМТ 11
Хятад дүрвэгчийн охин Алиса Лю АНУ-ыд 24 жилийн дараах анхны алтан медалийг авчирлаа. Уран гулгалтын ганцаарчилсан багийн төрөлд аваргалсан тэрбээр спортоо удаан хугацаанд орхисны эцэст эргэн ирж, 2025 оны ДАШТ, 2026 оны өвлийн олимпод аваргалж Америк үндэстэнд уран гулгалтаар удаан тасраад байсан аваргын алтан медалийг авчирлаа.
БАРИМТ 12
Өвлийн олимпод Монгол улсаа төлөөлж гурван тамирчин өрсөлдсөн. Тухайлбал, гүйлтийн цанын төрөлд Б.Ачбадрах, Э.Ариунтунгалаг, уулын цанын төрөлд А.Ариунбат өрсөлдсөн юм.
БАРИМТ 13
Сүүлийн таван өвлийн олимпод манай улсаас хоёр тамирчин оролцож байсан бөгөөд энэ удаа гурван тамирчин оролцсон нь түүхэн үйл явдал байв.
БАРИМТ 14
Өвлийн олимпид Монгол Улсаас анх удаа уулын цанын төрөлд оролцохоор болсон нь ОУХМ А.Ариунбат байв. Ийнхүү тэрбээр уулын цанаар олимпын наадамд уралдсан анхны цаначин болсон.
БАРИМТ 15
ОУХМ Б.Ачбадрахын хувьд энэ жил гурав дахь олимпдоо оролцсон бөгөөд гурван олимп дараалан уралдаж түүхэн амжилтын эзэн болов.
БАРИМТ 16
Харин гүйлтийн цанын тамирчин, ОУХМ Э.Ариунтунгалаг болон уулын цанын тамирчин, ОУХМ А.Ариунбат анх удаа Олимпын замд мөрөө гаргасан юм.
БАРИМТ 17
Тамирчдын амжилтын хувьд, гүйлтийн цанын төрөлд өрсөлдсөн Б.Ачбадрах эрэгтэйчүүдийн 10 км-ийн зайд уралдаж, 113 тамирчнаас 85-р байраар барианд орсон. Харин ОУХМ Э.Ариунтунгалаг 74 дэх дарааллаар гараанаас гарч 83 дугаар байр эзэлсэн.
БАРИМТ 18
ОУХМ А.Ариунбат уулын цанын слалом төрөлд эхний гараанд 96 тамирчнаас 45 дугаар байрт шалгарч хоёрдугаар шат буюу сүүлийн гараанд 38 дугаар байр эзэллээ.
БАРИМТ 19
Мөн өвлийн олимпын наадмын хаалтын өдөр олимпын аварга болсон АНУ-ын багийн медалийг Олон улсын олимпын хорооны гишүүн, МҮОХ-ны ерөнхийлөгч Б.Баттүшиг гардуулсан нь онцлох үйл явдлын нэг болсон юм.
БАРИМТ 20
Ски маунтайнеринг (ski mountaineering) спорт анх удаа өвлийн Олимпын хөтөлбөрт багтсан.
БАРИМТ 21
Норвеги улс энэ олимпоос 18 алт, нийт 41 медаль авснаар тэргүүллээ.
БАРИМТ 22
Нээлтийн ёслолд алдартай уран бүтээлчид, тэр дундаа Mariah Carey, Andrea Bocelli, Laura Pausini нар оролцсон.
БАРИМТ 23
Энэ удаагийн наадмын уриа нь "IT's Your Vibe" байлаа. Уг наадамд дэлхийн 93 үндэстний 2871 тамирчин өрсөлдав Тэдгээрийн 1533 нь эрэгтэй, 1338 эмэгтэй байжээ.
БАРИМТ 24
Энэ олимпын наадам нь Италийн Милано, Кортина хотуудад болсон бөгөөд түүхэнд хоёр хот хамтран зохион байгуулсан анхны наадам байлаа.
