ЭШЛЭЛ 1
Миний хэрэг бол улс төрийн хэрэг. Улс төрийн хэрэг гэдэг бол олон түмэнд нэр төрийг нь гутаана, доромжилно. Новш болгож харагдуулдаг.
ЭШЛЭЛ 2
Шударга бус юмнууд дунд их явсан учир Монголын ард түмэнд хэлэх ёстой. Б.Жавхлан гэдэг хүн намайг УИХ дээр гүтгэсэн байдаг. Над дээр нэмээд төмөрлөгийн асуудлыг нэмсэн.
ЭШЛЭЛ 3
Шалгагдаад буруугүй гэдгийг нь тогтоочихсон байхад дахин шалгадаг. Шалгах биш л дээ, шалтаг хайж байгаа хэлбэр.
ЭШЛЭЛ 4
Намайг яллагдагчаар татах хүсэлтийг мөрдөгч н.Оюунболд прокурорт явуулахдаа, эхний удаа Н.Алтанхуяг, Б.Батбаяр, Ч.Сайханбилэг нар үгсэн хуйвалдсан гэж бичээд, хоёр дахь удаагаа явуулахдаа Н.Алтанхуяг, Б.Батбаяр нар гээд, Ч.Сайханбилэгийн нэрийг хасаж бичсэн. Тэд ингэж хонгилддог. Би энэ технологийг маш сайн мэднэ.
ЭШЛЭЛ 5
2021 онд Ерөнхийлөгчийн сонгуульд нэр дэвшээд л би адлагдаж эхэлсэн. Намайг буруутгах эхлэлийг Ч.Хүрэлбаатараар тавьсан.
ЭШЛЭЛ 6
Тэд гар хөл болох хүнээ бэлддэг. Н.Алтанхуягийг алахын тулд Ч.Хүрэлбаатарын мөс зүсэгчээр тавьсан. Одоо жижиг онгоцуудаар дайрна.
ЭШЛЭЛ 7
Би Засгийн газрын гишүүдээ бүгдийг нь өмгөөлөөд үг хэлж чадна. Би хоёр жил сэтгэл зүрхээрээ ажилласан. Би хэнтэй ч хуйвалддаггүй.
ЭШЛЭЛ 8
Монгол Улсын Засгийн газар, Ерөнхий сайд гэдэг чинь нэг компанид давуу тал олгоё гэдэггүй юм. Өөрийнхөө төрийн өмчийн компаниудад хүртэл хэдэн машиныг нь явуулчихмаар байдаг.
ЭШЛЭЛ 9
Эрхэм шүүгчид ээ, хүний үгээр хүнийг шүүх юм уу, хууль журмаараа хүнийг шүүх юм уу. Н.Алтанхуяг хэзээ ч хэн нэгнийг дуудаж уулзаагүй байхад, энд орж ирээд намайг дуудаад загнасан гэж хэлээд л явсан. Энэ бол технологи.
ЭШЛЭЛ 10
Надад тэгж улайрч, ямар нэгэн шунал тачаалд хөтлөгдөн шийдвэр гаргаж байсан тохиолдол нэг ч байхгүй.
ЭШЛЭЛ 11
Намайг Б.Батбаяртай үгсэн хуувилдсан гэж хуурамч материал бүрдүүлсэн. Тухайн прокурорууд ял үүрэх байх, сайн цаг ирнэ.
ЭШЛЭЛ 12
Ерөнхий сайд бол хурал зохион байгуулдаг биш хурал удирддаг хүн.
ЭШЛЭЛ 13
Би энэ олон жил Монголын төрд зүтгэхдээ тийм бодол агуулж байгаагүй. Би хэн нэгэн компани, эсвэл хүний тэр байтугай сайд нарын үгэнд орохгүй хуулийн дагуу шийд гэж хэлдэг.
ЭШЛЭЛ 14
Та нар хуурамч материал бүрдүүлсэн мөрдөгчидтэйгөө ярьдаггүй юм уу. Яагаад намайг 3 жил ард түмэнд Б.Батбаяр сайдтай нийлсэн гэж гүтгээд байгаа юм.
ЭШЛЭЛ 15
Би хоёр жилийн хугацаанд Монгол улсын сайд хийхдээ хууль журмаас гадуур ямар ч үйлдэл хийж байгаагүй.
ЭШЛЭЛ 16
Хөгжлийн банк гэдэг үг үсэггүй Засгийн газрын тогтоолоор намайг хэрэгтэн болгож байна.
ЭШЛЭЛ 17
2015 оны арваннэгдүгээр сард Сайханбилэгийн засгийн газар дээр анх удаа Хөгжлийн банк 170.6 тэрбум төгрөгөөр авав гэдэг үг гарсан.
ЭШЛЭЛ 18
Намайг говийн замын засагт авчихаад өөрөө MCS-ээс байр авсан гэх гүтгэлэг тараасан. 2008-2012 хооронд би нэг байр авсан. Түүнийгээ дөрвөн удаагийн хуваан төлөх урт хугацааны гэрээ нөхцөлтэй авч байсан. 2012 онд Ерөнхий сайд болохоосоо өмнө төлж дуусгасан байсан.
ЭШЛЭЛ 19
Н.Алтанхуяг буруугүй нь нотлогдоод ирэхээр яаж хийгээд хөгжлийн банкны хэрэгт оруул гэсэн байдлаар ажиллаж эхэлсэн.
ЭШЛЭЛ 20
2022 оны гуравдугаар сард манай эхнэрийг мөрдөн шалгах нууц ажиллагаа нэрээр тагнаж чагнасан. Би УИХ-ын гишүүн учраас нууц ажиллагаа явуулж болохгүй харин намай тагнах зорилгоор манай эхнэрийг шалгасан.
ЭШЛЭЛ 21
Мөрдөгч Оюунболд гээд залуу 2013-2020 оны хооронд долоон жилийн хугацаанд шалгасан. Шалгах биш шалтаг хайж байгаа л хэлбэр.
ЭШЛЭЛ 22
Прукрорын байгууллага хүний өргөдөл хариу өгдөггүй. Шалгагдаж байгаа гэсэн жижүүрийн хэдэн үгтэй тэгснээ шууд шүүх дээр оч гэдэг.
ЭШЛЭЛ 23
Монгол улсын Ерөнхий сайдаар ажиллаж байсан хүний хувьд засгийн газрын тогтоолыг ингэж болохгүй ээ.
ЭШЛЭЛ 24
Н.Алтанхуягийг байр авсан, түүнийг гүтгээд нотлох гээд үзсэн. Нотлогдоогүй учраас хурлын дэгийг асуудал болгон хувиргасан. Тэр нь дахиад нотлогдохгүй болохоор төмөрлөгийн үйлдвэрийг дэмжсэн тогтоол болгосон. Ийм л байна.
Сэтгэгдэл (4)