БАРИМТ 1
Хэнтий аймгийн Өмнөдэлгэр сумын уугуул.
БАРИМТ 2
31 настай.
БАРИМТ 3
"BCH Knights" багийн ахлагч.
БАРИМТ 4
Биеийн жин 90 кг, биеийн өндөр 186 см.
БАРИМТ 5
Түүнийг хүмүүс дээд лигийн гурван удаагийн аварга, 14 жилийн түүхт “Алдар” спорт хорооны “Танан Гарьд” багийн шилдэг тоглогч О.Эрдэнэцогт гэдгээр нь мэддэг. Харин өнгөрсөн улиралд тус багийн нэр өөрчлөгдөж “BCH Knights” болсон билээ.
БАРИМТ 6
Түүнийг сагсан бөмбөгийн ертөнцөд хөл тавихад хамгийн их нөлөөлсөн хүн аав нь гэнэ.
БАРИМТ 7
Зургаадугаар ангиасаа энэ спортоор хичээллэж, “Харцага” багаас дээд лигийн гараагаа эхэлсэн юм.
БАРИМТ 8
2017 онд “Танан Гарьд” багт нэгдсэн.
БАРИМТ 9
Тэрбээр багийнхаа хамтаар 2019, 2020 онд дээд лигийн аваргын цомыг өргөсөн.
БАРИМТ 10
2017-2018 оны дээд лигийн “Бүх одод”-ын тоглолтод анх удаагаа оролцсон. Тухайн үед тэр үзэгчдийн санал асуулгаар нэгт жагсаж байв.
БАРИМТ 11
Түүний тамирчны замнал дардан байгаагүй. Хоёр жил дараалан лигийн аварга болсныхоо дараа жил гарандаа бэртэл авч, дөрвөн удаа хагалгаанд орж байжээ. Тухайн үед бэртлийн улмаас шигшээ багаасаа татгалзаж, олны хэл амд өртсөн хэцүү үеийг даван туулсан. Энэ үе нь түүнд олон зүйлийг ойлгож, ухааруулсан гэдэг.
БАРИМТ 12
Өдгөө 31 настай О.Эрдэнэцогт Үндэсний шигшээ багийн бүрэлдэхүүнд эргэлзээгүй сонгогддог.
БАРИМТ 13
Тэрбээр 2014 онд Хөгжлийн лигийн Үнэ цэнтэй тоглогчоор шалгарч байв.
БАРИМТ 14
Тэрбээр Үндэсний дээд лигийн Бүх оддын багт сонгогдохоос гадна гурван онооны шидэлтийн аварга болж байсан.
БАРИМТ 15
Анх зургадугаар ангиасаа сагсанбөмбөг тоглосон ч дараа жилээс нь тэр волейбол тоглох болжээ. Оюутны хоёрдугаар курс хүртлээ волейбол тоглосон.
БАРИМТ 16
Улмаар хоёрдугаар курст байхдаа сагсан бөмбөгийн Хэнтий лигийн тэмцээнд оролцож, 2014 оноос сагсан бөмбөгөөр тууштай хичээллэх шийдвэрт хүрсэн байдаг.
БАРИМТ 17
Түүнийг хүмүүс "Ард түмний MVP" хэмээн олон жил улирлын хамгийн үнэ цэнтэй тоглогч болохыг нь хүлээсэн.
БАРИМТ 18
Олны хүслийг гүйцээж тэр дөнгөж сая шагналаа гардлаа.
БАРИМТ 19
Түүний сайн найз нь Аймгийн хурц арслан Д.Алтанцоож ажээ.
БАРИМТ 20
Түүний ур чадвар, хандлага, нөлөөлөл үзэгчдийг байлдан дагуулдаг.
БАРИМТ 21
Тэрбээр энэ улиралд 14.3 оноо дунджилсан.
БАРИМТ 22
Түүнчлэн чөлөөт шидэлтийг 80 хувьтай гүйцэтгэсэн байна.
БАРИМТ 23
Өнгөрсөн 2024-2025 оны улиралд түүний баг шигшээ цувралын хагас шигшээд “Selenge Bodons” багт 84-82 харьцаатай тун ойрхон ялагдсан. Тоглолт дууссаны дараа NBA-ийн од Демаркус Казинс түүний чихэнд үг шивнэсэн. Харин ямар үг хэлснийг нь тэр нууцалсан юм.
БАРИМТ 24
Тэрбээр сүүлийн үед Nike-ийн Kyrie цувралын пүүзнүүдийг түлхүү өмсөх болсон. Өмнө жилүүдэд тэр Li-Ning пүүз өмсдөг байсан.
