БАРИМТ 1
Тэрээр 1856 оны тавдугаар сарын 24-нд төрж, 1921 оны гуравдугаар сарын 08-нд таалал төгсжээ.
БАРИМТ 2
Эндрю Ватсон нь Шотландын хөлбөмбөгчин бөгөөд олон улсын түвшинд холбооны хөлбөмбөг тоглосон анхны хар арьст хүн гэгддэг.
БАРИМТ 3
Тэрээр 1881-1882 оны хооронд Шотландын төлөө гурван тоглолтод оролцсон.
БАРИМТ 4
Артур Вартон өмнө нь Хөлбөмбөгийн лигт тоглосон анхны хар арьст мэргэжлийн хөлбөмбөгчин байсан тул анхны хар арьст тоглогч гэж тооцогддог байсан ч Ватсоны карьер түүнээс арван гаруй жилийн өмнө байсан.
БАРИМТ 5
Түүнийг 1887-1892 онд "Бутл" хөлбөмбөгийн клубт тоглож байхдаа албан ёсоор цалин авдаг байсан гэх баримт бий. Уг баг нь Ланкашир мужийн Бутл хотод төвтэй Английн хөлбөмбөгийн клуб юм.
БАРИМТ 6
Ватсон бол Шотландын Оркни мужийн Крантит хотын оршин суугч, чинээлэг элсэн чихрийн тариалагч Питер Миллер Ватсон хүү юм.
БАРИМТ 7
Түүний ээж Ханна Роуз нь Британийн Гвиан гаралтай эмэгтэй байжээ.
БАРИМТ 8
Тэрээр аав, эгч Аннеттатайгаа хамт Британид ирсэн бөгөөд аав нь 1869 онд Лондонд нас барахад тэд ихээхэн хэмжээний хөрөнгө өвлөн авсан.
БАРИМТ 9
Тэрээр Баруун Йоркширийн Халифакс дахь Хийтийн дүрмийн сургуульд, дараа нь 1871 оноос Лондонгийн Уимблдон дахь Кингс коллежийн сургуульд боловсрол эзэмшсэн гэнэ.
БАРИМТ 10
Оюутан байхдаа тэр хөлбөмбөг зэрэг спортод онцгой сайн байсан тухай бүртгэл байдаг.
БАРИМТ 11
Хожим нь тэрээр 19 настайдаа Глазгогийн Их Сургуульд байгалийн философи , математик, инженерийн чиглэлээр суралцаж, хөлбөмбөгт улам бүр дурлах болжээ.
БАРИМТ 12
Тэрээр баруун эсвэл зүүн жигүүрийн аль нэгнийх нь хамгаалагчийн байрлалд тоглодог байв.
БАРИМТ 13
Ватсон нэг жилийн дараа Глазгогийн Их Сургуулиас гарч, 1877 онд Глазго дахь бөөний худалдааны агуулахын бизнес болох Ватсон, Миллер, Бэйрд компанийн түнш болжээ.
БАРИМТ 14
1877 оны 11-р сард тэрээр шүүгээчин Жон Арморын охин Жесси Ниммо Армортай гэрлэжээ. Тэдний хүү Руперт Эндрю 1878 онд, охин Агнес Мод 1880 онд мэндэлжээ.
БАРИМТ 15
Ватсон 1882 оны зун ажлын шалтгаанаар гэр бүлийнхэнтэйгээ Лондон руу нүүжээ. Түүний эхнэр 1882 оны намар нас барж, хоёр хүүхэд нь өвөө эмээ дээрээ амьдрахаар Глазго руу буцаж иржээ. Тэрээр Глазго руу буцаж ирээд 1887 оны 2-р сард Элиза Кейт Тайлертай хоёр дахь удаагаа гэрлэсэн гэдэг.
БАРИМТ 16
Тэрээр Зүүн Энэтхэгийн худалдаачин Жозеф Тайлерын охин байв. Тэр жилийн сүүлээр тэрээр Ливерпүүл рүү нүүж , хөлөг онгоцон дээр ажиллаж, далайн инженерийн мэргэшлийн шалгалт өгчээ. Ватсон, Элиза нар 1888 онд хүү Хенри Тайлер, 1891 онд охин Филлис Кейт нартай хоёр хүүхэдтэй болжээ.
БАРИМТ 17
Тэрээр ааваараа дамжуулан 19-р зууны сүүлчээр Их Британийн Ерөнхий сайдаар дөрвөн удаа ажилласан Уильям Эварт Гладстонтой холбоотой байсан бөгөөд ээжээрээ дамжуулан 21-р зууны Английн яруу найрагч Малик Аль Насиртай холбоотой байх магадлалтай.
БАРИМТ 18
Тэрээр 1874-1892 онд нийт долоон багт хүчин зүтгэжээ.
БАРИМТ 19
Анх 1874 онд "Maxwell" клубт, 1874–1880 онд "Parkgrove", 1880–1882 онд "Queen's Park", 1882–1884 онд"Swifts", 1884–1885 онд "Corinthians", 1885–1887 онд "Queen's Park", 1887–1892 онд "Bootle" багт тогложээ. Мөн 1881-1882 онд Шотландын төлөө тоглосон.
БАРИМТ 20
Эдгээр багуудад хүчин зүтгэж байхдаа тэр нэг ч удаа гоол оруулж байгаагүй юм.
БАРИМТ 21
Ватсон 1910 оны орчимд Лондонд тэтгэвэрт гарч, 1921 онд Кью хотын Форест Роуд, 88 тоотод уушгины хатгалгаагаар нас баржээ. Түүнийг Ричмондын оршуулгын газарт оршуулжээ.
БАРИМТ 22
1926 онд спортын сэтгүүлч "Титирус" буюу Жах Каттоны Эндрю Ватсоныг Шотландын бүх цаг үеийн онцлох зүүн жигүүрийн хамгаалагчаар нэрлэжээ.
БАРИМТ 23
2020 онд Глазго хотын өмнөд хэсэгт орших Шоулэндс дахь кафегийн хажууд Ватсоны хөрөг зургийг зурсан байдаг.
БАРИМТ 24
2025 онд Хитийн дүрмийн сургууль, түүний хуучин ахлах сургууль, Кроссли ба Портерын сургуулийг нэгтгэсэн Кроссли Хитийн сургуулийн гадна Ватсоныг хүндэтгэсэн самбар нээгджээ. Энэхүү самбарыг Английн хөлбөмбөгийн шигшээ багийн анхны хар арьст тоглогч Вив Андерсон нээсэн байна.
