БАРИМТ 1

1964 оны наймдугаар сарын 27-нд төрсөн.

БАРИМТ 2

Баянхонгор аймгийн Баян-Овоо суманд төрсөн.

БАРИМТ 3

Монгол Улсын Үндэсний бөхийн улсын гарьд. Монгол улсын гавьяат тамирчин. 

БАРИМТ 4

Түүнийг бөхийн хүрээнд "Том Сүхбат" гэдэг байсан бол ард түмэн "Инээдэг Сүхбат" хэмээдэг байлаа. 

БАРИМТ 5

Эцэг Пунцаг нь Сүхбатыг гурван настай байхад нутгаасаа гарч Улаанбаатарын Налайх дүүрэгт шилжин ирснээр П.Сүхбат хүүхэд ахуй цагаа тэнд өнгөрөөжээ.

БАРИМТ 6

Налайхад биеийн тамирын дасгалжуулагчаар ажиллаж байсан Монгол улсын начин, гавьяат дасгалжуулагч Д.Адъяатөрмөрийн шавь болж чөлөөт бөхөөр хичээллэж их спортод амжилт гаргах эхлэл суурь нь тавигджээ.

БАРИМТ 7

Сүхбатын эцэг 14 дүгээр автобаазад жолооч ажилтай, эх Дашмаа нь цэргийн үйлдвэрт оёдолчин ажилтай байж.

БАРИМТ 8

Айлын найман хүүхдийн дөрөвдөх нь Сүхбат юм. Өөрөөр хэлбэл гурван ах, дөрвөн дүүтэй өнөр өтгөн айлын хүүхэд.

БАРИМТ 9

П.Сүхбат 1981 оны бөхийн чөлөөт барилдааны өсвөр үеийн улсын аварга шалгаруулах тэмцээнээс мөнгөн медаль авчээ. 

БАРИМТ 10

1982 оны үндэсний бөхийн залуучуудын улсын аварга болж, улсын “Шандас” цол авсанаар бөх сонирхогчдын танил болжээ.

БАРИМТ 11

П.Сүхбат 1985 онд Сэлэнгэ аймгийн баяр наадамд барилдан тав давж аймгийн начин цол хүртсэн. 

БАРИМТ 12

1986 оны Дорноговь аймгийн баяр наадамд барилдан түрүүлж аймгийн арслан цол авчээ.

БАРИМТ 13

П.Сүхбат 1987 оны улсын баяр наадамд анх удаа аймгийн арслан цолтой барилдаж гурав давж дөрвийн даваанд улсын начин О.Балжиннямтай тунаж унажээ.

БАРИМТ 14

Улмаар дараа жил нь 1988 онд залуу бөх байсан Улсын заан Д.Хишигдоржоор тав, Улсын заан Р.Даваанямаар зургаа давж Улсын начин цол хүртжээ. 

БАРИМТ 15

1990 оны Улсын баяр наадмаар долоо давж УЛсын заан

БАРИМТ 16

1991 оны Улсын баяр наадмаар тавын даваанд залуу бөх байсан Улсын начин Г.Бат-Амгаланг, зургаагийн даваанд Цэргийн арслан байсан Улсын арслан Д.Мөнх-Эрдэнийг, долоогийн даваанд Улсын заан Д.Баярааг, наймын даваанд Дархан аварга Б.Бат-Эрдэнийг хаяж, Улсын гарьд болжээ. Есийн даваанд Улсын аварга О.Балжиннямд унажээ.

БАРИМТ 17

1991 оны уг наадамд тэрбээр Дархан аварга Б.Бат-Эрдэнийн дараалан дөрөв түрүүлэх байсан амжилтыг тасдсан юм. 

БАРИМТ 18

Тэрбээр 1992 онд долоо, 1993,1994 онуудад зургаа, 1997, 2001 онуудад тав давсан.  

БАРИМТ 19

2008, 2009, 2010, 2011 онуудын баяр наадамд хоёр давж, а/а Д.Энхбат, Ж.Чулуунбат, а/н Ц.Чимэддорж, а/а Б.Сумъяа нарт унасан.

БАРИМТ 20

2012, 2013 оны улсын баяр наадамд нэг давж с/з Б.Жавхлан, Э.Нандин-Эрдэнэ нарт тус тус өвдөг шорооджээ.

БАРИМТ 21

Чөлөөт бөхөөр 1990 оны Токиогийн ДАШТ-ээс хүрэл медальтай. Мөн тухайн жил Бээжингийн Азийн наадмын аварга болсон. 

БАРИМТ 22

Зуны олимпын наадмын 4, 5-р байрын шагналтай. (1992 - Барселона, 1988 - Сөүл). Дэлхийн цомын мөнгө, ААШТ-ий хошой аварга билээ. 

БАРИМТ 23 

Тэрбээр Улсын цол хүртэх байсан ч авч чадаагүй. Улмаар аваагүй цолоо цээжин дээрээ шивүүлсэн. 

БАРИМТ 24

Тэрбээр 175 cм өндөр, 120 кг жинтэй байжээ. 

Өнөөдөр Монгол бөхийн өргөөнд Баянхонгор аймгийн Баян-Овоо сумын 80 жилийн ойд зориулсан, улсын гарьд Пунцагийн Сүхбатын нэрэмжит барилдаан болно. Түүний тухай сонирхолтой 24 баримтыг дурсая.