БАРИМТ 1
Б.Ган-Очир нь Өвөрхангай аймгийн Арвайхээр хотод 1987 онд төржээ.
БАРИМТ 2
Эрхзүйч, хуульзүйн ухааны докторын зэрэгтэй.
БАРИМТ 3
Улс төрийн гараагаа Монгол Улсын Ерөнхий сайд асан Н.Алтанхуягийн зөвлөхөөр эхлүүлсэн.
БАРИМТ 4
Тэрбээр одоогоор Оксфордын их сургуульд суралцан, судалгааны ажил эрхэлж байна.
БАРИМТ 5
Монголын тусгаар тогтнолыг хамгаалах зорилготой “Шинэчлэлийн Эцэг”, “Соёлын Эцэг” цуврал судалгааны үргэлжлэл болох “УЛСЫН ЭЦЭГ ЧИНГИС ХААН” судалгааг эхлүүлээд байна.
БАРИМТ 6
Түүний судалгааны гол ажил бол төр эрх зүйн түүхэн дэх эцэг судлал юм.
БАРИМТ 7
Б.Ган-Очир нь МУИС-ийн Эрүүгийн эрх зүйн тэнхимд багшаар ажиллаж байжээ.
БАРИМТ 8
Монголын эдийн засгийн форум ТББ-ын Ерөнхий нарийн бичгийн даргаар ажиллаж байсан.
БАРИМТ 9
Ардчилсан намын Нарийн бичгийн дарга, Хэрэг Эрхлэх газрын даргаар тус тус ажиллаж байсан туршлагатай.
БАРИМТ 10
МУИС-ийн Хууль зүйн сургууль төгсөж, сургуульдаа багшилж ажлын гараагаа эхлэхдээ "Эрх зүйн мэдлэгийг энгийнээр" уриатай "Амьд хууль" номоо бичжээ.
БАРИМТ 11
Харин Монголын эдийн засгийн форумын ЕНБД-аар ажиллах хугацаандаа "Амьд эдийн засаг" ном бичсэн байна.
БАРИМТ 12
Мөн докторантын судалгааны хүрээнд "Сонгуулийн гэмт хэрэг" номоо хэвлүүлсэн.
БАРИМТ 13
Тэрбээр "Хятадтай яаж өрсөлдөх вэ" номоо Хятад улсад суралцаж байх хугацаандаа бичсэн гэдэг.
БАРИМТ 14
Тус ном нь Хятад улсаар аялахдаа далайн эрэг Ханжоу, Шанхайгаас хөрстийн өндөрлөг Төвөд, Шиньжян, өмнөд нутаг Гуанжоу, Гүйлинээс хойд зах Өвөр Монгол хүртэл 28 мянган км замыг туулж бичсэн судалгааны тэмдэглэлийн үр дүн юм.
БАРИМТ 15
Түүний бүтээлүүдэд Монголын тусгаар тогтнол, үндэсний аюулгүй байдал чухал байр суурь эзэлдэг.
БАРИМТ 16
Б.Ган-Очир нь подкаст ашиглан улс төрийн үзэл бодлоо илэрхийлдэг шинэ залуу үеийн улстөрийн лидерүүдийн төлөөлөл юм.
БАРИМТ 17
Тэрбээр “GanGan” нэртэй подкастаар дамжуулж залууст мэдлэг мэдээлэл түгээдэг.
БАРИМТ 18
Подкаст нь ялзарсан нам, эзлэгдсэн төр, хулгайлагдсан сонгуулийг засаж чадалтай иргэд нь амжилтанд хүрдэг нийгмийн төлөө ярилцаж байна хэмээх үзэл санаанд төвлөрдөг.
БАРИМТ 19
“Миний гол өрсөлдөгч бол Х.Нямбаатар. Дийлдэхээ байсан авлига, хулгайн бүтэцтэй нь тэмцэнэ” хэмээн нэгэн ярилцлагадаа дурджээ.
БАРИМТ 20
Тэрбээр Ардчилсан намын дотоод сонгуульд Сүхбаатар дүүргээс нэр дэвшсэн.
БАРИМТ 21
2026 онд дахин Үндэсний бодлогын хороо (ҮБХ)-ны гишүүн, Нийслэлийн намын хороо (ННХ)-ны гишүүнээр сонгогдсон.
БАРИМТ 22
Тэрээр хүчтэй сөрөг хүчин байхгүй бол нийслэл “ХААНТ ЗАСАГЛАЛ“-тай авлигын бүтэц болчихсон байна” хэмээн нийслэлийн АН-ын даргад нэр дэвшихээ зарласан.
БАРИМТ 23
Тэрбээр Миний хот-Дэлхийн хот уриатай нийслэлийн намын даргад өрсөлдөж ялалт байгуулав.
БАРИМТ 24
Нийслэлийн намын хорооны гишүүдийн 91.7 хувийн саналаар нийслэлийн намын дарга болов.
