БАРИМТ 1
Холливудын тулаантай киноны од, алдарт жүжигчин Жэки Чан Хятадын иргэний дайны гал дүрэлзсэн 1954 оны дөрөвдүгээр сарын 7-нд Чарлес болон Ли Ли Чан нарын хүү болон мэндэлжээ.
БАРИМТ 2
Нэрт кино жүжигчин Жэки Чаны эхээс мэндлэхэд өгсөн нэр нь Чан Конг-Санг ажээ.
БАРИМТ 3
Тэрээр Чан овогтой. Гэвч багадаа үргэлж энд тэнд үсэрч дэгдэн явдаг байсан тул түүнийг Pao-Pao буюу "Их бууны сум" хэмээн хочилдог байв.
БАРИМТ 4
Эцэг Чарльз Чан Дэлхийн II дайны өмнө Хятадын Гоминданы засгийн газрын тагнуул, эх Ли Ли Чан Шанхайд жүжигчин байжээ.
БАРИМТ 5
Гэвч 1949 онд Мао тэргүүтэй коммунистууд иргэний дайнд ялалт байгуулж, Хятадын засгийн эрхэнд гарахад тэд Английн эзэмшил нутаг Хонгконг руу дүрвэсэн гэдэг.
БАРИМТ 6
1960 онд түүний гэр бүлийнхэн Австрали руу цагаачилж, АНУ-ын Элчин сайдын яаманд тогоочоор ажилласан ба Жэки Чан "China Drama Academy"-д элсэн орж тулааны их мастер Ю Жим Юүний шавь болсноор амжилтын эхлэлээ тавьсан гэдэг.
БАРИМТ 7
Тэрбээр таван настайдаа кино урлагт хөл тавьснаас хойш нийт 150-аад кинонд дүрээ мөнхөлжээ.
БАРИМТ 8
Жэки Чан 1982 онд Тайванийн жүжигчин Лин Фэнг-Жиаотай гэрлэв.
БАРИМТ 9
Жэки Чан буддын шашинтай бөгөөд кантон, мандарин, англи хэлтэй.
БАРИМТ 10
16 нас хүртлээ боксоор хичээллэж, 2009 онд Камбожийн их сургуульд хүндэт докторын цол хамгаалсан байна.
БАРИМТ 11
Жэки Чан кино хийх явцдаа олон улсын нэр хүнд бүхий 28 шагналын эзэн болсон бөгөөд одоо тэрээр дэлхийн энхийн байгууллагуудад өөрийн хөрөнгөөс тогтмол хандив өгдөг нэгэн.
БАРИМТ 12
НҮБ-ын Хүүхдийн сангийн Сайн үйлийн элчин сайд ба энэрлийн үйл явдлын төлөө маш их ажилладаг. 2006 оны зургаадугаар сард тэрбээр үхсэний дараа өөрийн хөрөнгийн хагасыг нь хандавлахаа зарласан.
БАРИМТ 13
2008 оны Сичуань мужийн газар хөдлөлтөд нэрвэгдэгсдэд Чан нь 10 сая юань хандивлаж, Хятадын газар хөдлөлтийн тухай баримтат кино хийсэн юм.
БАРИМТ 14
Жэки Чан "Жэки Чан" хандивын сан болон "Луугийн зүрх" гэсэн хоёр сантай.
БАРИМТ 15
1988 онд байгуулагдсан "Жэки Чан" хандивын сан нь Хонгконгийн залуучуудад тэтгэлэг болон тусламж үзүүлдэг.
БАРИМТ 16
Жэки Чан Монголд 2010 оны аравдугаар сарын 3-5-ны хооронд хүмүүнлэгийн айлчлал хийж байсан.
БАРИМТ 17
Тэрээр энэ айлчлалынхаа талаар хэвлэлд өгсөн ярицлагадаа "Би өөрийн багийн хамт ням гарагийн өглөө Монгол Улсын нийслэл Улаанбаатар хот руу нисэх гэж эрт бослоо. Чингис хаан нисэх буудалд буухад намайг хүүхдүүд, томчууд гээд олон хүн угтсан. Анх удаагаа, тэр тусмаа өөрийнхөө дуртай ажил болох хүмүүнлэгийн ажлаар энд ирж байгаа учир миний сэтгэл их хөдөлж байсан" хэмээв.
БАРИМТ 18
Жэки Чан нэгэн удаа монгол дээл өмсөж зургаа даруулжээ. Дээлийг түүнд кинонд хамт тоглож буй нэгэн монгол хүн бэлэглэсэн аж. Тэр үеийн цахим хуудсуудад бичсэнээр Жэки Чан дээлийг өмсөөд “Би монгол цустай. Ийм сайхан дээлтэй болсондоо их баяртай байна” гэж хэлсэн гэдэг.
БАРИМТ 19
Жэки Чан "Nosebleed" нэртэй кинонд цонх угаагч эрийн дүрд тоглох байжээ. Энэ кинонд Дэлхийн худалдааны ихэр цамхаг руу халдсан алан хядагчдыг цонх угаагч эр зогсоож байгаа тухай үйл явдал гарах байсан ч есдүгээр сарын 11-ний аймшигтай явдалтай холбоотойгоор киног цуцлахаар болсон байна.
БАРИМТ 20
Брюс Лигийн алдарт "Луугийн замнал" кинонд Жэки Чан тулааны хамгийн чухал үзэгдэлд тоглож байхдаа Брюс Лид цохиулж байсан. Чан хүчтэй гэмтээгүй ч Брюс Лиг уулчлалт гуйхад нь ихэд өвдсөн мэт дүр үзүүлсэн гэнэ. Харин одоо тэрээр энэ түүхээ дурсан ярих дуртай гэнэ.
БАРИМТ 21
"Оргил цаг 2" киноны зураг авалтын үеэр эргэж харахдаа шүтэн бишрэгчдээ цохиулчихжээ. Цохисон хүн нь Жэки Чаныг өөрийгөө хамгаална гэж бодсон гэнэ.
БАРИМТ 22
Кунфу мастер одоогоор 130 сая ам.долларын хөрөнгөтэй ч нэг ч цент хүүдээ өвлүүлэхийг хүсдэггүй.
БАРИМТ 23
Тэрээр хүүгээ мөнгөтэй болохыг хүсч байгаа бол өөрийн хүч хөдөлмөрөөр олох ёстой гэж заадаг байна.
БАРИМТ 24
Тэрээр амьдралдаа маш олон удаагийн бэртэл гэмтэл авч байжээ. Жүжигчний карьерынхаа хугацаанд гурван удаа хамраа хугалж, шагай, шанаа болон бараг бүх хуруугаа хугалж байсны дээр гавлын ясаа цөмөлсөн байна. Нэгэн хүнд бэртлээс болж тэрээр гавлын ясандаа суулгац суулгуулжээ.
Сэтгэгдэл (3)