БАРИМТ 1
Леонардо да Винчи нь Итали улсын Флоренц хотын ойролцоо Винчи гэдэг газар 1452 оны энэ өдөр нотариатч Пьеро да Винчийн гэр бүлд мэндэлжээ.
БАРИМТ 2
Леонардо Да Винчи-гийн эх нь Катерина гэдэг тариачин бүсгүй байсан гэж зарим судлаачид үздэг байна.
БАРИМТ 3
"Да Винчи" гэдэг нь "Винчи хотоос гаралтай" гэсэн утгатай.
БАРИМТ 4
. Түүний бүтэн нэр нь италиар:-Leonardo di ser Piero da Vinci гэх, өөрөөр хэлбэл "Винчигийн ноён Пьерогийн хүү Леонардо" гэдэг байжээ.
БАРИМТ 5
Тэр бага наснаасаа ажил хөдөлмөр эрхэлж 15 нас хүрэх үедээ уншиж, бичиж сурч, бага зэрэг арифметикийн ухаан сурчээ.
БАРИМТ 6
Түүнийг 15 настай байхад нь аав нь Андрео Верокио гэдэг нэгэн авъяас билигтний туслах болгосон нь Леонардод амьдралын чухал алхам болжээ.
БАРИМТ 7
Ганц зураг ч биш янз бүрийн хөдөлгүүр, механик техникийн тухай ч мэдлэгтэй болов. Хожим түүний нээлт хийсэн бүхний үндсийг энд л сурсан гэж болно.
БАРИМТ 8
Тэрээр Андрей Вероклогийн хөрш Полаяла Анатоли хэмээх амьд биеийг судлаачдад ч мөн тусалдаг байсан бөгөөд тэр үед төдий л хөгжөөгүй анатомийн шинжлэх ухаан Леонардогийн сонирхолыг онцгой татаж байв. Дараа нь энэ талаар анатомийн олон зурлага хийх болов.
БАРИМТ 9
Тэр үед Леонардогийн зургийн их авъяас нь тодорч Флоренцийн зураачдын нийгэмлэгт орсон боловч Верокиогийн дэргэд дахин 5 жил байжээ.
БАРИМТ 10
Ном их уншин, уншсан ном бүрийнхээ төгсгөлд өөрийн санал бодлоо бичдэг байжээ. Түүний бичиж тэмдэглэсэн нь асар их бөгөөд мянга мянган хуудас боловч бидэнд зөвхөн 31 дэвтэр л уламжлагджээ.
БАРИМТ 11
1500-аад оны үед Францчууд Миланыг эзлэх үеэр Леонардо Флоренц руу буцжээ. Тэрээр аялан явах дуртай, явсан газрынхаа зургийг тоймлон зурж явдаг байв. Тэр алдарт "Мона-Лиза"-г тухайн үед л бүтээсэн гэдэг.
БАРИМТ 12
Түүний олон сайхан уран бүтээл цаг хугацааны эрхээр үрэгдэж, бас тэр олон бүтээлээ дуусгаж чадаагүй гэдэг.
БАРИМТ 13
Түүнийх гэгддэг 17 зураг байдаг бөгөөд "Ангхиарын дайн" , "Леда" зэрэг зургийнх нь зөвхөн хуулбар нь олджээ.
БАРИМТ 14
Леонардо ер нь аливаа зүйлийг удаан хийдэггүй, асуудалд тун нягт няхуур, ул суурьтай ханддаг хүн байжээ. Тийм ч учраас алдарт Мона Лизагаа 15-16 жил зурж байж дуусгажээ.
БАРИМТ 15
Түүнчлэн Леонардогийн алдартай “сфумато” арга барил ч Мона Лиза дээр дээд хөгжилдөө хүрсэн билээ.
БАРИМТ 16
Энэ бүхэн нь Мона Лизаг онцгой бүтээл болгосон боловч тайлагдаагүй нэгэн оньсого, олон нийтэд тархан дэлгэрээгүй ч одоо хүртэл цөөхөн урлаг судлаачдын хүрээнд оршсоор байгаа нэг үзэл бодол байдаг нь уг хөрөг Леонардогийн дүр төрхтэй их төстэй дүрслэл гэдэг санаа юм.
БАРИМТ 17
1472-1476 онд “Христийн адис хүртэх ёслол”, “Ваартай Мадонна” –г зурсан.
БАРИМТ 18
1476-1478 онд Флоренцид өөрийн урлантай болж 1478 онд зурсан “Мадонна Бенуа” , “Мадонна Литта” зураг нь хэзээ бүтээгдсэн он сар нь тодорхойгүй одоо Санкт-Петербургийн “Эрмитаж”-д хадгалагдаж байгаа.
БАРИМТ 19
1483-2499 онд Милан хотод цэргийн инженер, уран барилгачин, барималчнаар ажилласан.
БАРИМТ 20
1503-1506 онд Флоренцид Саньорийн ордонд “Ангиаригийн тулалдаан” ханын зургийг зурсан гэдэг.
БАРИМТ 21
1516 онд Леонардо Францын хаан “Франциско-I ”-ийн урилгаар хааны 1 дүгээр уран зураач, архитектор, механикаар хааны ордонд ажиллажээ. Леонардо “Идеал хот”-ын төсөл, хотын замын төсөл, хотын төв сүмийн төсөл зэргийг зурав.
БАРИМТ 22
Леонардог маш олон найз нөхөд тойрон хүрээлж, олон ч шавьтай байжээ.
БАРИМТ 23
Харин хайр дурлалын талаараа их л нууцлаг байсан юм. Түүнийг Чечилия Галлерани хэмээх бүсгүйтэй холбоотой байсан гэдэг хов живийн чанартай яриа төдий л байдаг.
БАРИМТ 24
Хүн төрөлхтөний соёл урлагийн болоод шинжлэх ухааны түүхэнд хосгүй хувь нэмэр оруулсан Леонардо Да Винчи 1519 оны тавдугаар сарын 2-нд Францын Туренийн Клу хэмээх харшид найз I Франческо хааны гар дээр нас баржээ.
Сэтгэгдэл (5)