БАРИМТ 1
Тэрбээр Сэлэнгэ аймгийн Г.Бумцэндийн нэрэмжит 10 жилийн нэгдүгээр дунд сургуулийг төгссөн.
БАРИМТ 2
Дунд сургуулиа төгсөөд 1989 онд Москва хотын Улсын их сургуулийг эдийн засагч, багш мэргэжлээр, 1996 онд ХБНГУ-ын Гадаад худалдааны академийг бизнесийн удирдлага мэргэжлээр, 2003 онд Монгол улсын их сургуулийг хуульч, эрх зүйч мэргэжлээр, Колумбын их сургуулийг эдийн засгийн бодлогын менежмент чиглэлээр тус тус төгссөн.
БАРИМТ 3
Ажлын гараагаа Улсын нэгдсэн төв эмнэлгийн ХЗЭ-ийн хорооны нарийн бичгийн даргын албыг хашиж эхэлж байв.
БАРИМТ 4
Харин анх улс төрд орох замналын эх суурийг нь Сэлэнгэ аймгийн намын хорооны даргаар ажиллаж байсан аав Сангажав нь тавьсан аж.
БАРИМТ 5
Баярцогтын аав Сангажав бол Монгол улсын гавъяат агрономич, насаараа Сэрэнгэ аймгийн ХАА-н бодлогыг боловсруулж, удирдаж, зах зээлд шилжсэний дараа компани удирдаж ажилласан нэгэн.
БАРИМТ 6
Монголын парламентын түүхэнд хамгийн залуугаараа төрийн түшээ болсон С.Баярцогтын рекордыг одоогоор хэн ч эвдээгүй байна.
БАРИМТ 7
Тэрбээр 23-хан насандаа Ардчилалын “салхи”-аар амьсгалсны хүчинд МХЗЭ-ийн төв хорооны тэргүүн байхдаа АИХ-ын депутат болж байв. Түүнээс хойш өнгөө солихын сацуу намаа бас сольж амжсан.
БАРИМТ 8
Одоо тэр Ардчилсан намын ҮБХ-ны гишүүн. Мөн өчигдөр буюу дөрөвдүгээр сарын 15-ны өдөр Ардчилсан намын ЕНБД-ын дүр орлон гүйцэтгэгчээр томилогдсон.
БАРИМТ 9
С.Баярцогт УИХ-д дөрвөн одоо сонгогдож, УИХ-ын гишүүнээр ажилласан. Тухайлбал, 1996, 2004, 2008, 2012 онд парламентад сууж байв.
БАРИМТ 10
Түүнд ер нь байнга “хос морьтой” явсан өвөрмөц намтар бий. Тухайлбал, АИХ-ын депутат, УИХ-ын гишүүн байхдаа 1991-1997 онд Монголын залуучуудын холбооны даргын албыг давхар хашсан байдаг.
БАРИМТ 11
Мөн 1998 онд засгийн газрын гишүүн БОЯ-ны сайдын албыг ч давхар хашиж байв.
БАРИМТ 12
Тэрбээр 2008-2012 онд Монгол Улсын Сангийн сайдаар ажиллаж байсан.
БАРИМТ 13
Тэрбээр гурван УИХ, дөрвөн Засгийн газар дамжаад баталж чадаагүй Оюу толгойн гэрээг амжилттай байгуулсан.
БАРИМТ 14
Улс төрийн карьерт нь амжилттай үе байснаас гадна олон нийтийн итгэл буурах үе ч давхцаж байсан.
БАРИМТ 15
2016 онд Панамын баримтуудад түүний нэр дурдагдаж, гадаад дахь оффшор компанитай холбоотой мэдээлэл ил болсон байдаг. Энэ нь олон нийтийн шүүмжлэл дагуулж, албан тушаалаасаа огцрох нөхцөл болсон.
БАРИМТ 16
Мөн түүнийг Оюутолгойн гэрээ байгуулах үеийн шийдвэрүүдтэй холбооойгоор Авлигатай тэмцэх газараас шалгаж байсан.
БАРИМТ 17
Тэрбээр Англи, Орос, Герман хэлтэй. Хэлний өндөр мэдлэгэтэй тул олон улсын хэлэлцээрт идэвхтэй оролцдог байсан.
БАРИМТ 18
Түүний улс төрийн байр суурт нь ихэвчлэн бизнес, хөрөнгө оруулалтыг дэмжих чиглэлтэй байсан. Тиймдээ ч зарим шинжээчид түүнийг Монголын эдийн засгийн бодлогын технократ төлөөлөл гэж тодорхойлдог байв.
БАРИМТ 19
Түүнийг дотоодынхноос илүү олон улсын хөрөнгө оруулагчид, санхүүгийн байгууллагууд сайн мэддэг байжээ. Энэ нь Оюутолгойн гэрээ зэрэг олон улсын хэлэлцээрт идэвхтэй оролцоход нь нөлөөлсөн аж.
БАРИМТ 20
С.Баярцогт Сангийн сайд хүртэл дэвшиж, нөлөө бүхий улстөрч болсон ч маргаан шалгалтуудын улмаас богино хугацаанд улс төрийн байр суурь нь огцом суларсан. Энэ нь Монголын улс төрд жишээ болдог тохиолдлуудын нэг.
БАРИМТ 21
Тэрбээр хэсэг хугацаанд улс төрөөс хөндийрсний дараа эргэн ирсэн. Энэ оролдлого нь түүний нөлөөл бүрэн алга болоогүйг харуулж байв.
БАРИМТ 22
Түүний ам бүл 4. Гэргийтэйгээ Москвад суралцаж байхдаа танилцаж байжээ. Эхнэр нь Австралийн Сиднейн их сургуульд мастер хамгаалсан. Мөн Жорж тауны Мэрилэндийн их сургуульд суралцаж төгссөн аж.
БАРИМТ 23
Түүнийг өчигдөр буюу дөрөвдүгээр сарын 15ны өдөр Ардчилсан намын ЕНБД-ын түр орлон гүйцэтгэгч томилон, тамга тэмдэгээ гардуулсан.
БАРИМТ 24
Ардчилсан намын ЕНБД-ын түр орлон гүйцэтгэгч болсон тэрбээр "АН-ын ЕНБД-ын үүрэг гүйцэтгэгчийн хувьд бүх фракцынхаа эв нэгдлийг хангаж ажиллана" гэсэн юм.
Сэтгэгдэл (22)