БАРИМТ 1
Түүнийг Төрмөнхийн Дүгэрдорж гэдэг.
БАРИМТ 2
Завхан аймгийн Отгон сумын уугуул бөх.
БАРИМТ 3
"Сүлд" спорт хороо, Завхан Даян дэвжээ, Уушгийн Баян ХХК-ийн бөх.
БАРИМТ 4
1993 оны гуравдугаар сарын 07-ны өдөр мэндэлсэн.
БАРИМТ 5
179 см өндөр, 116 кг жинтэй.
БАРИМТ 6
2010 онд Сумын начин, 2015 онд Сумын заан цол хүртэж байжээ.
БАРИМТ 7
2016 оны Дорноговь аймгийн баяр наадамд тав давж шөвгөрөн "Аймгийн начин" цол хүртсэн.
БАРИМТ 8
2018 оны Бүх цэргийн баяр наадамд зургаа давж шөвгөрөн " Цэргийн харцага " цол хүртсэн. Тухайн жилээ Завхан аймгийн баяр наадамд зургаа давж шөвгөрөн харцага цолоо батлан чимэг нэмсэн.
БАРИМТ 9
2019 оны Бүх цэргийн баяр наадамд аймгийн арслан Б.Цэдэнсодномоор найм даван түрүүлж "Цэргийн арслан" цол хүртсэн.
БАРИМТ 10
Дараа жил нь АХ-ын 99 жилийн ойн баяр наадамд улсын заан Н.Жаргалбаяраар дөрөв, улсын гарьд Б.Гончигдамбаар тав давж "Монгол улсын начин " цолыг хүртсэн.
БАРИМТ 11
Тэрбээр бүх цэргийн наадмаас гадна улс, аймгийн цолтны барилдаанд түрүүлжээ. Тодруулбал, 2024 оны тавдугаар сарын 23-нд болсон Архангай аймгийн Хайрхан сумын 100 жилийн ойд зориулсан, даян аварга Цэдэндоржийн Чимэд-Очирын нэрэмжит барилдаанд анхны түрүүгээ хүртсэн байна.
БАРИМТ 12
Хоёр удаа их шөвөгт шалгарсан.
БАРИМТ 13
2016 онд тэрбээр хоёр удаа сумын цолтны ээлжимт барилдаанд түрүүлж байжээ.
БАРИМТ 14
Тэрбээр Улсын баяр наадамд нийт 6 удаа барилдсан. 2019, 2020, 2022, 2023, 2024, 2025 онуудад зодоглосон байна.
БАРИМТ 15
Түүнийг бөхийн ертөнцөд гар дээрээ бөөцийлөн бэлтгэсэн багш нь Улсын гарьд Б.Гончигдамба билээ.
БАРИМТ 16
Т.Дүгэрдоржийн төрсөн ах нь улсын харцага Т.Бэгзсүрэн юм.
БАРИМТ 17
Т.Бэгзсүрэн дүүгээсээ нэг насаар ах. Тодруулбал, 1992 оны нэгдүгээр сарын 24-нд мэндэлжээ.
БАРИМТ 18
Ах Т.Бэгзсүрэн нь 2016 онд Аймгийн арслан, 2018 онд Улсын харцага цол хүртжээ.
БАРИМТ 19
Т.Дүгэрдорж нь саяхан өндөрлөсөн "Алтан цом"-ын төлөөх барилдаанд түрүүлсэн "Хатант Интернэшнл" багийн гишүүн байв.
БАРИМТ 20
Улмаар тус компани түүнийг нэр дээрээсээ барилдуулахаар болсноо зарласан юм.
БАРИМТ 21
Т.Дүгэрдоржийг хүмүүс хамгийн жудагтай бөхчүүдийн нэг гэдэг.
БАРИМТ 22
Тэрбээр "Алтан цом"-ын төлөөх барилдаанд нийт 32 удаа барилдаж 13 даваа авчээ.
БАРИМТ 23
Тэрбээр цагаан сарын барилдаанд хамгийн ихдээ дөрөв давж байжээ. Уг амжилт нь өнгөрөгч сар шинийн барилдаан байлаа.
БАРИМТ 24
Улсын начин цолыг хүртэхдээ тэрбээр хоёрын Улсын начин Д.Амаржаргалыг, гурвын даваанд Улсын заан Т.Санчирыг, дөрвийн даваанд Улсын заан Н.Жаргалбаярыг, тавын даваанд багшийгаа даваад, зургаагийн даваанд Улсын заан Ц.Одбаярь өвдөг шорооджээ.
