БАРИМТ 1
Лувсандашийн Нинжжамц нь 1972 онд Улаанбаатар хотод төрсөн.
БАРИМТ 2
1990 онд Нийслэлийн 53 дугаар дунд сургууль, 1996 онд МУИС-ийг философич мэргэжлээр, 2006 онд Отгонтэнгэр их сургуулийг эрх зүйч мэргэжлээр тус тус дүүргэсэн. Хууль зүйн шинжлэх ухааны магистрын зэрэгтэй, байгууллагын удирдлагын онол зүйгээр докторантурт суралцаж буй.
БАРИМТ 3
Ажлын гараагаа 1996 онд Монголын анхны чөлөөт хэвлэлүүдийн нэг “Толь” сониноос эхлүүлсэн.
БАРИМТ 4
1998-2006 онд Монголын Сонины Холбооны Гүйцэтгэх захирал, 2006-2008 онд МҮОНРТ-ийн Тамгын газрын дарга, 2008-2010 онд Монгол Улсын Засгийн газрын Хэвлэл мэдээллийн албаны дарга, 2010-2011 онд Үндэсний хөгжил, шинэтгэлийн хороонд зөвлөхөөр ажиллаж байв.
БАРИМТ 5
Мөн 2011-2016 онд “Өглөөний сонин”-ы Ерөнхий эрхлэгч, 2016-2017 онд МҮОНРТ-ийн Дэд захирал, 2017-2020 онд МҮОНРТ-ийн Ерөнхий захирал, 2021-2023 онд УИХ-ын Парламентын сурталчилгаа, мэдээллийн төвийн дарга, 2019-2024 онд УИХ-ын даргын Зөвлөхөөр тус тус ажиллаж байна.
БАРИМТ 6
МҮОНРТ-ийн Ерөнхий захирлаар ажиллах хугацаандаа бодлогын түвшний, шинэчлэлийн чанартай олон төсөл, ажлыг санаачлан эхлүүлж, удирдан зохион байгуулсан.
БАРИМТ 7
МҮОНРТ-ийн “хальсны” технологийг халж HD формат руу шилжүүлсэн, MNB World, MNB Sport, MNB Гэр бүл сувгийн төслүүдийг санаачлан, нээж эфирт цацсан, “Цагийн хүрд” хөтөлбөрийн студийн шинэчлэлийг бүрэн хийж гүйцэтгэсэн, Монголын радиог “Дүрстэй радио”-д шилжүүлсэн.
БАРИМТ 8
Түүнчлэн нийт 14 уран сайхны, баримтат, олон ангит киноны ерөнхий продюсерээр ажилласанаас гадна МҮОНРТ-ийн ажилчдын хүүхдүүд хамрагдах боломжтой “MNB-ийн хүүхдүүд” 200 ортой хүүхдийн цэцэрлэг байгуулсан нь ажилчдын нийгмийн асуудлыг шийдэх чиглэлд дорвитой төсөлд тооцогддог.
БАРИМТ 9
МҮОНРТ-ийн гадаад хамтын ажиллагааны цар хүрээг өргөжүүлсэн төсөл, ажлуудаас дурдвал “Монгол Нинжа дайчид” олон улсын төсөл, “ABU Robocon–2019” олон улсын роботын тэмцээнийг эх орондоо зохион байгуулсан.
БАРИМТ 10
Дэлхийн хөл бөмбөгийн аварга шалгаруулах тэмцээн, “Лозанн-2020” Залуучуудын Өвлийн Олимпийн наадмыг албан ёсны эрхтэйгээр үзэгчдийн хүртээл болгосон.
БАРИМТ 11
рос хэлний “Мы поедем в Артек” тэмцээнийг 30 жилийн дараа сэргээн амжилттай зохион байгуулсан. Халх голын Ялалтын 80 жилийн ойд зориулж "Болор одод" найрал дууны уралдааныг зохион байгуулан ОХУ-ын нийслэл Москва хотын Улаан талбайгаас шууд дамжуулсан зэрэг юм.
БАРИМТ 12
МҮОНРТ-ийн Ерөнхий захирлаар ажиллах он жилүүдэд тус байгууллагын хэд хэдэн түүхэн ой тохиосон бөгөөд энэ хүрээнд Монголын радиогийн дэргэдэх “Улаан бүч” чуулгын 25 жилийн ой, Монголын Радиогийн 85 жилийн ой, МҮОНТ-ийн 50 жилийн ойг тус тус удирдан зохион байгуулжээ.
БАРИМТ 13
МҮОНРТ-д Захирлаар ажиллах хугацаандаа гэхэд Хаан банк, Хавдар судлалын үндэсний төвтэй хамтран “Хавдрын эсрэг үндэсний аян”-ыг Монгол орон даяар өргөн цар хүрээтэйгээр 9 удаа зохион байгуулсан байдаг.
БАРИМТ 14
МҮОНРТ-ийн эзэмшил газрыг Газрын албаны нэгдсэн мэдээллийн санд оруулан өмчлөлийн барилгыг үл хөдлөх хөрөнгөөр үнэлүүлж, хуучин болон шинэ автограж, агуулахад барилгын засвар шинэчлэлтийн ажлуудыг тус тус хийжээ.
БАРИМТ 15
1999 онд “Сонины зар сурталчилгааны төсвийн менежмент”, “Сонины зар сурталчилгааны менежмент” номоо хэвлүүлсэн.
БАРИМТ 16
2002 онд “Чөлөөт хэвлэлийн хараат бус бие даасан түгээлтийн системийн менежмент”, 2004 онд “Мэдээлэл харилцааны менежмент PR”, 2005 онд “Та сонины бизнесийг сонирхож байна уу”, 2008 онд “Сонгуулийн кампанит ажлыг амжилттай зохион байгуулах нь” номуудыг тус тус гаргажээ.
БАРИМТ 17
“Нинжин сэтгэл хайр сан”-ийн хүрээнд жил бүрийн хичээлийн шинэ жилийг угтан “Өнөр бүл” хүүхдийн асрах төвийн 200 орчим хүүхдэд хичээлийн иж бүрэн хэрэгсэл, унших ном, спорт тоглоомын хэрэгсэл, хичээлийн цүнх, хувцасыг хандивладаг ажлыг тогтмол зохион байгуулсаар ирсэн.
БАРИМТ 18
Сүүлийн 10 жилийн хугацаанд давхардсан тоогоор 3500 орчим хүүхэд тус сангийн үйл ажиллагаанд хамрагджээ.
БАРИМТ 19
Улаанбаатар хотын авто замын түгжрэлийг бууруулахад бодит дэмжлэг үзүүлэх зорилгоор сургуулийн хүүхдүүдийг автобустай болгох санаачлагыг гаргаж, нийслэлийн ерөнхий боловсролын 1 сургуулийг хүүхэд тээвэрлэх зориулалтын автобустай болгох ажлыг амжилттай зохион байгуулсан
БАРИМТ 20
Монгол Улсын Засгийн Газрын тэргүүн, Монгол Улсын Ерөнхий сайд С.Баярын хэвлэл мэдээллийн албаны даргаар ажиллах хугацаандаа Оюутолгойн гэрээг байгуулахад Монголын ард түмний эрх ашгийг дээдлэн хамгаалах зүй ёсны хэрэгцээ, шаардлагын талаар иргэд, олон нийтэд зөв, тэнцвэртэй мэдээллийг хүргэх ажлыг гардан зохион байгуулсан.
БАРИМТ 21
Мөн тэрбээр Монгол Улсын Их хурлын дарга асан Г.Занданшатарын зөвлөхөөр ажиллаж байсан.
БАРИМТ 22
Монгол Улсын Их Хурлыг иргэдийн төлөөллийн байгууллага болгохын тулд нээлттэй парламент болгох ажилд манлайлан оролцож, УИХ-ын дрга Г.Занданшатарын санаачилсан D-Парламент цахим платформыг хэрэгжүүлэхэд манлайлан оролцсон.
БАРИМТ 23
Түүнчлэн гэр хорооллын орчимд байрлалтай хүүхдийн цэцэрлэг, ерөнхий боловсролын сургуулиудын гадна талбайд хүүхдийг осол гэмтлээс урьдчилан сэргийлэх зорилгоор сургууль орчмын нийтийн эзэмшлийн зам талбайд “Хурд сааруулагч” хийлгэх ажлыг санаачлан, төсөв хөрөнгийг шийдвэрлүүлж хийсэн нь авто замын ослоос хүүхдийг сэргийлэх чухал ач холбогдолтой ажил болсон.
БАРИМТ 24
Л.Нинжжамц МСНЭ-ийн шинэ Ерөнхийлөгчөөр 2026 оны зургаадугаар сарын 21-ний өдөр сонгогдсон.
