Хан-Уул дүүргийн 7 дугаар хороо, Жаргалантын 14 дүгээр гудамжинд байшин шатаж байна гэсэн дуудлагын дагуу Аврах, гал унтраах 30 дугаар ангийн тасгийг гаргахад 4х6 метрийн хэмжээтэй байшингийн дээврийн хэсэг шатаж байсныг унтрааж, 15 сая төгрөгийн хөрөнгө аварсан байна. Мөн Баянзүрх дүүргийн 13 дугаар хороо, Алтан тэвш хороололд “Дэлгэрэх” зочид буудлын гараашд машин шатаж байна гэсэн дуудлагаар Аврах, гал унтраах 63 дугаар ангийн тасгийг гаргахад "Старекс" загварын бага оврын автобусны хөдөлгүүрийн хэсэгт цахилгааны утас шатаж өөрөө унтарсан байсан байна. Түүнчлэн, Баянзүрх дүүргийн 2 дугаар хороо, Их засаг их сургуулийн зүүн талд авто зам дээр машин шатаж байна гэсэн дуудлагаар Аврах, гал унтраах 10 дугаар ангийн 1 дүгээр тасгийг гаргахад "Тоёота витз" загварын суудлын автомашины хөдөлгүүр, бүхээгийн хэсэг шатаж байсныг унтраажээ. Амралтын өдрүүдэд гарсан галын дуудлагаар машин шатсан дуудлагууд зонхилох хувийг эзэлж байна.