Баянзүрх дүүргийн 27 дугаар хороо Дарь-Эхийн автобусны хуучин эцсийн буудлын авто зам дээр машин мөргөдөж хүн хавчуулагдсан байна гэсэн дуудлагын дагуу Аврах шуурхай салбарын тасгийг очиход "Сонато" загварын суудлын автомашин, "Дево" загварын "Автобус-3" ОНӨҮГ-ын нийтийн тээврийн автобустай мөргөлдөж "Сонато" загварын авто машины жолооч 26 настай эрэгтэй хавчуулагдан хүнд гэмтсэн байжээ. Тэднийг ослын газраас холдуулж  эмнэлгийн анхны туслаж үзүүлэн ГССҮТ-д хүргэжээ.

Эх сурвалжийн мэдээлж буйгаар автобусанд 20 гаруй зорчигч байсан байна. Ослын үеэр зарим зорчигчид суудлаасаа унаж, цонх мөргөж бэртсэн аж. Мөн автобусанд бага насны хүүхдүүд ч явж байжээ. Ямартай ч ослын шалтгааныг тогтоохоор холбогдох газрынхан ажиллаж байна.