Өчигдөр Голомт банкны “Буян-Ухаа” дахь салбараар үйлчлүүлсэн иргэн Г нь хуурамч мөнгөн дэвсгэртээр гүйлгээ хийжээ. Тодруулбал, дээрх иргэний гүйлгээ хийсэн 70 сая төгрөгөөс хоёр ширхэг хуурамч 20 мянгатын дэвсгэрт илэрсэн байна. Тус мөнгийг хаанаас, яаж авсан нь одоогоор тодорхойгүй байгаа аж. Тиймээс санаатай, санаандгүй тус мөнгөн дэвсгэртийг хэрэглэсэн эсэхийг цагдаагийхан шалгаж байгаа юм байна. Энэ мэт хуурамч мөнгөн дэвсгэрт өдөр бүр илэрч байгаа аж. Тиймээс иргэдийг худалдан авах, борлуулалт хийхдээ иргэдийг анхаарал болгоомжтой байхыг холбогдох газраас анхаарууллаа.
