Манай улс дэлхийд танигдсан бараа бүтээгдэхүүнийг үйлдвэрлэхийн тулд нэр, тэмдгийг нь өгөх тогтолцоог өөрчлөх хэрэгтэй гэж мэргэжилтнүүд үзэж байна. Өөрөөр хэлбэл, Ховдын тарвас, Говийн ноос зэргээр тухайн бүс нутгийнх нь нэрээр нэрлэх нь оновчтой юм. Манайд үндэсний онцлог шинжийг агуулсан, дэлхийн брэнд болгох боломжтой бүтээгдэхүүн, үйлчилгээ цөөнгүй байгаа. Тухайлбал Увсын чацаргана, ар жанчивлан цэвэр ус, говийн тэмээний ноос, Завханы улаан сармис зэргийг мэргэжилтнүүд нэрлэдэг. Одоо мөрдөгдөж байгаа  стандартаар эдгээр бүтээгдэхүүнийг ялгах шинж тэмдэг хангалтгүй гэж үзэж байна. Тиймээс бүтээгдэхүүний нэр, тэмдгийг газар зүйн заалтаар нэрлэсэнээр үндэсний үйлдвэрлэлийг хөгжүүлж, дотоодын бүтээгдэхүүнээ олон улсад таниулахад амар болно. Нөгөө талаасаа тухайн бүтээгдэхүүнийг нутгийн иргэдийн нийтийн өмч гэж үздэг учраас иргэдийн хөдөлмөрийг дэмжих боломжтой. Мөн хэрэглэгчид жинхэнэ бараа бүтээгдэхүүнийг хэрэглэх боломжтой гэж үзэж байгаа юм.