Хоногийн хугацаанд объектын гал түймрийн 2, гал түймрийн зөрчлийн 6, мэдээллийн 2 дуудлагаар нийслэлийн Аврах анги, харъяа дүүргийн Онцгой байдлын хэлтсийн Аврах, гал унтраах ангийн бүрэлдэхүүн шуурхай арга хэмжээ авч ажилласан байна.  Тухайлбал, Сонгинохайрхан дүүргийн 2 дугаар хороо, Нарангийн голын 70 дугаар гудамжинд гэр шатаж байна гэсэн дуудлагаар Аврах, гал унтраах 26 дугаар ангийн тасгийг гаргахад 5 ханатай гэр, 2х3 метрийн хэмжээтэй амбаар тус тус бүрэн шатаж байсныг унтраасан байна. Мөн Чингэлтэй дүүргийн 16 дугаар хороо, Согоотын 57 дугаар гудамжинд хашаа шатаж байна гэсэн дуудлагаар Аврах, гал унтраах 34 дүгээр ангийн тасгийг гаргахад хашаанд жорлонгийн цаас шатааснаас хашааны өвсөнд тархан шатаж байсныг РЛО ашиглаж унтраасан. Түүнлчэн, Налайх дүүргийн 2 дугаар хороо, 49 дүгээр байр 1 дүгээр орцны хогийн сувагт хог шатаж байна гэсэн дуудлагыг 21:04 цагт өгснөөр Аврах, гал унтраах 28 дугаар ангийн тасгийг гаргаж унтраасан байна. Энэ мэт хог шатсан дуудлага өчигдөр зонхилжээ. Иргэд үнс нурмаа гүйцэд унтрааж, гал гарахгүй байхаас сэрэмжлэх хэрэгтэй байна.