2013 оны НҮБ-ын тайлангаар 18-30 насны 230 сая иргэн хууль бусаар хар тамхи, мансууруулах бодис хэрэглэдэг нь судалгаагаар илэрсэн. Тэгвэл 2008 оноос хойш хар тамхи хэрэглэгчдийн тоо 18 хувиар өссөн байдаг. Үүнээс 14 сая хүн мансууруулах бодис удаа дараа хэрэглэж байгаагийн 1.6 сая нь ДОХ-ын халдвартай иргэн байгаа аж. Монгол Улсын хэмжээнд мансууруулах, сэтгэцид нөлөөлөх эм бэлдмэл хууль бусаар хэрэглэхтэй холбоотой гэмт хэрэг 2002-2009 онуудад нийт 63 гэмт хэрэг, 68 үйлдэл, 184 хүн холбогдон шалгагдаж байна.  Харин 2009 оноос хойш энэ төрлийн гэмт хэрэгт холбогдогчдын тоо гэнэт өсч 2014 оны эхний гурван сарын байдлаар 133 гэмт хэрэг 365 үйлдэлд 460 хүн холбогдон шалгагдсан байна.  2010 оноос хойш өмнө онуудтай харьцуулахад гэмт хэрэг үйлдэх нь 7.6 дахин, холбогдогч хүн нь 5.3 дахин өссөн үзүүлэлттэй байна. Монгол Улсын 66 иргэн хар тамхи, мансууруулах бодистой холбоотой гэмт хэрэг холбогдож гадаадын улс орон шийдвэрлэгдсэн байна. Тухайлбал, Уйнгар улсад 3, Казаксан улсад 3, ОХУ-д зургаа, Малайз улсад 5, Грек, Болгарт тус тус нэг, БНХАУ-д 44 иргэн байгаагаас цаазаар авах ялаар шийтгүүлсэн 5, шийтгүүлэх 5, Малайз улсад хоригдож байгаа 3 иргэн цаазаар авахуулах магадлалтай байдалтай байна. Мөн Монгол Улсын 2 иргэн хар тамхи ходоодондоо залгиж, тээвэрлэгчийн үүрэг гүйцэтгэж байхдаа амь насаа алдсан харамсалтай тохиолдол гарчээ.